求助 ] 又係中介伏 OTZ 希望過來人可以幫我

ymy4414

入學的是家人,我們全家都不知。是收到頒令先至東窗事發。
細問之後,發現家人是中了中介伏。
中介是知道家人差卡數(6x萬)沒錢搞申破,所以帶佢上財仔借6萬 (中介代搞破產申請的費用) ,入紙之後到到收到頒令期間已經還左三期,
仲發現中介幫家人填的表格資料有D是錯 (例:開支項目有D是沒有,本身沒有供養父母,租金又作大了)
有問過明X意見,佢借過果6萬應該同受託人講,已經約左受託人(未傾生活費),電話約時間果下有對方講過,但得出結論就有咩見面先再講咁

想問下有冇經歷過中介伏的兄弟姐妹可以分享? 爬過壇,搜過關鍵字,睇哂dpost都見不到有後續更新
家人搞申破不是不想還錢,是因為疫情搞到冇工開,捱不住先會申破


麻煩哂咁多位

Anmi2019

見受託人時加噃財仔果6萬落欠債資料

Anmi2019

支出項目填錯/多，到時坦白同受託人講。就算受託人批生活費，都會睇哂d証明文件先，唔會你填幾多就信幾多。

Anmi2019

不過佢依家失業，生活費只會批最基本果幾項(膳食，電話費，交通&個人雜費)，預約4千至5千。

ymy4414

Anmi2019 發表於 8-3-2021 23:23
不過佢依家失業，生活費只會批最基本果幾項(膳食，電話費，交通&個人雜費)，預約4千至5千。 ...

謝謝你的解答

個心好煩

果D中介財仔通常糸D黑財！如果不還给他们預左有排煩！

ymy4414

個心好煩 發表於 10-3-2021 09:18
果D中介財仔通常糸D黑財！如果不還给他们預左有排煩！

我知啊,但還既就係會繼續中左伏,
最近幫屋企人執拾文件資料,,先發現佢中既伏是連環伏 (崩潰
而家可以做的就係立即斬斷,盡量幫屋企人 (佢性格軟,問返好多數都是........

真的,有沒有以往都被中介呃的學長學姊可以分享一下過來人心路?
雖然講就好冷靜,但其實我人好淆

Anmi2019

ymy4414 發表於 10-3-2021 23:20
我知啊,但還既就係會繼續中左伏,
最近幫屋企人執拾文件資料,,先發現佢中既伏是連環伏 (崩潰
而家可以做的 ...

穩定d先，
1. 你應該先拎齊佢d欠款資料，對清楚佢份#資產負債狀況說明書~無抵押債權人果頁(中介幫佢填果份)，有無報漏債主/欠款資料。
如有報漏，你影印噃26頁果本#對破產人的初步訊問(應該已交收文件間公司)第18頁，填噃資料同條數去#從銀行或財務公司獲得……果度。到時去同受託人會面時，交噃畀受託人。
2. 佢已經頒咗令，所有欠款都唔應該再還。你驚有人滋擾，可門口裝隻眼仔，再幫佢改電話號碼(記得通知噃破署+受託人)。而家人如果收到有電話追數，就話唔識佢，打錯，收線，唔好講咁多嘢。

ymy4414

Anmi2019 發表於 11-3-2021 00:03
穩定d先，
1. 你應該先拎齊佢d欠款資料，對清楚佢份#資產負債狀況說明書~無抵押債權人果頁(中介幫佢填果 ...

1.就有填漏....填少左財仔果6萬,問佢拎借據又冇 (話唔想屋企人知所以 ((嘔血幾升
問財仔拎,又話要還錢