外判黃+石出反對解除破產令，唔比我解破

wai3330

我 2017年6月頒令，4年就快到，點知今晚收工返到屋企，收到黃+石封信，話2月尾已經登咗報紙，反對我解除破產，理由喺我唔合作，我行為操守並不令人感到滿意，冇交入息證明同年報。
我每個月自動出糧，一出糧即刻供款，未試過遲供，至於佢話嗰啲冇交入息證明同年報，其實我交足，佢哋1月尾同2月初分別出過信追入息證明同年報，我都即時再電郵返比佢哋，再打電話確認佢哋收齊。
依家佢哋唔比我解除破產，請問我可以點做？希望有師兄師姐可以指點吓我。唔該晒！

欠一百萬

咪答左你囉.....速速聯絡, 問佢點做.

wai3330

好的，謝謝師兄

Babysky

我同你一樣

金龍華

你地可以電郵咁好，我仲要俾錢用 fax 交入息証明，月結單

BOBOLI

呢間外判真係好有問題，我都係每個月準時上繳 + FAX 文件
佢都會出警告信話連續兩個月冇收到我入息証明同銀行STATEMENT.
仲有一年捱，唔知到時又玩咩花樣

wai3330

每月供款入息證明年報呢啲，全部都喺要 Fax. 只喺今次佢哋話我冇交嗰幾個月份嘅供款證明先可以電郵補交。

wai3330

今日打咗比外判主任，佢話收唔到我補交嘅資料，所以出反對信比我。但我2月補交完都有打電話去黃+石搵職員確認收到資料，但依家佢哋又話冇收過！我覺得佢哋啲嘢都好混亂！

誰人知5年

wai3330 發表於 6-3-2021 01:01
今日打咗比外判主任，佢話收唔到我補交嘅資料，所以出反對信比我。但我2月補交完都有打電話去黃+石搵職員確 ...

你補交完資料   唔係揾返你個主任確認返咩   反而係同個職員確認

誰人知5年

BOBOLI 發表於 5-3-2021 12:48
呢間外判真係好有問題，我都係每個月準時上繳 + FAX 文件
佢都會出警告信話連續兩個月冇收到我入息証明同銀 ...

唔係警告信   佢下面有行字可能你睇唔到   佢意思係話可能你有fax比佢   佢又收唔到   佢要求你再fax比佢   點都好再次要求你再send比佢嘅意思   但係佢要求14天內比佢  我都有收過同你一樣嘅信内容係一樣

help

呢個時候。。。黃+石同學仔，應該一人一信，炸爆破產署署長電郵，要求不公開投訴人資料去投訴。。。呢間垃圾害人不淺

wai3330

黃+石啲主任唔喺咁易搵到㗎，我尋日下晝由4點打到5點幾，打咗超過8次，每隔10分鐘打一次，先搵到人

wai3330

我2月嗰陣 email 完補充資料，打去搵主任，接線生問我乜事搵主任，我話收到信叫我補交資料，咁職員叫我過兩日再打去搵李小姐，佢負責收資料，咁我問佢，佢哋有幾多個李小姐，佢話有2個，咁我再問佢收資料嗰個李小姐叫乜嘢名，佢叫我再打嚟嗰陣搵"負責文件嘅李小姐"就可以。

wai3330

誰人知5年 發表於 6-3-2021 02:41
你補交完資料   唔係揾返你個主任確認返咩   反而係同個職員確認

接線生話補文件唔洗搵主任，搵李小姐就可以。我之後搵到李小姐，比埋我邊日同埋幾點 email 過去，佢搵咗一陣，覆我話收到。點知佢哋攪乜，冇幫我處理好，攪到主任要出信反對我解破！

wai3330

help 發表於 6-3-2021 08:50
呢個時候。。。黃+石同學仔，應該一人一信，炸爆破產署署長電郵，要求不公開投訴人資料去投訴。。。呢間垃 ...

其實真喺要。佢哋自己做嘢混亂，但就將個責任推比破產人，好離譜！

help

離L哂譜。。。如果我預到我真係會炸爆署長E-Mail ....明明交左又話無，郁啲又話不合作，你合作同唔合作都係任佢講，橫掂都係咪攬炒囉

help

難得乖乖等到4年，又話你依樣嗰樣。。。。真係同佢玩舖大！

ccwa

我4年黎交年報都係用雙掛號，然後留返張簽收

rain1220

ccwa 發表於 6-3-2021 17:38
我4年黎交年報都係用雙掛號，然後留返張簽收

C兄咩係留返張簽收？

pokemon

ccwa 發表於 6-3-2021 17:38
我4年黎交年報都係用雙掛號，然後留返張簽收

我第一年都係用雙掛號寄年報
但之後郵局停咗雙掛號，唯有用掛號