破咗產但爭二三線數 , 是否可以再破 ?

loanbreak

其實如果巳經破咗產 , 但因為有要錢應急向二三線財仔借錢 , 依家借借埋埋未計息接近十六萬 , 每月要還成兩萬幾三萬 , 本來有份糧但其實巳經唔夠找 , 依家重失埋業 , 各位師兄師姐 , 請問有咩建議 , 我重可以點做 ?


備註 : 家人朋友巳幫不到我 .

loanbreak

重新戰士 發表於 17-11-2015 22:32
坐左佢！受4年！
又唔駛跑數！
樓主！

你意思我係咪一定會坐監 ? 如果我坐監 , 係咪啲二三線知道我要坐監 , 就唔會搞我屋企人 ?

itsme

loanbreak 發表於 17-11-2015 16:58
對不起 , 我也不知什樣面對 . 我也不想搞成這樣 .

我唔係好叻講說話，如果我嘅回覆，令你覺得難受，應該係我講對唔住。我只係想鼓勵你勇敢面對困局。我自己都唔算好樂觀嘅人，唔相信“無嘢係解決唔到”呢句說話，但係遇著真係解決唔到嘅問題，惟有去面對。我明白你開頭係因為唔甘心，宜家係怕坐監。相信呢度好多人都做過錯誤嘅決定，包括我自己，所以我唔會用批判角度去評論你做嘅嘢。但係見你將“死”掛喺口邊，真係有啲擔心。曾經因為掉以輕心，身邊發生過啲事，所以現在比較敏感，希望你會明白。

雖然我無宗教信仰，都希望神會眷顧你，但最重要都係你自己要拿出勇氣。

hohochi

重新戰士 發表於 26-10-2015 20:12
樓主因為朋友可能惹上官非，所以殺身成仁 捨生取義，決定自己惹上官非。
自己踎監好過個朋友踎監。

真係咁有義氣 樓主真係身處水深之中3線唔講法

orewa_j

師兄，我仍未是破產人仕，但你個案，我估問題好大。因為破產後再借係唔合法，二三線果啲你更大件事……

loanbreak

orewa_j 發表於 26-10-2015 17:12
師兄，我仍未是破產人仕，但你個案，我估問題好大。因為破產後再借係唔合法，二三線果啲你更大件事…… ...

我知道呀 , 但我如果唔借二三線 , 到時會連累朋友犯官非 , 唉 , 一言難盡 , 我重可以有咩方法解決到 ? 我問過幾間標榜二三線清數公司 , 佢地都唔肯做我個CASE .

301

如果隱瞞自己破者身份再去借貸,
已經違反破例第一,
借左還唔到更可被告刑事如欺詐,棍騙等...
坐硬籃.
已經非普通再申破問題,
列為'刑事破產',手尾長矣 !

hohochi

刑事破產令要還晒先解到

但 刑 事 破 產 令 則 沒 有 還 款 期 限 制 ， 過 了 四 年 都 有 機 會 要 繼 續 還 錢 。 而 金 額 會 先 由 控 方 草 擬 ， 再 由 法 官 作 決 定 。
http://cablenews.i-cable.com/ci/ ... 4%E5%88%86%E5%88%A5

loanbreak

301 發表於 26-10-2015 17:43
如果隱瞞自己破者身份再去借貸,
已經違反破例第一,
借左還唔到更可被告刑事如欺詐,棍騙等...

除咗有三間我冇申報 , 其餘我也有如實講我係破產人士 , 那是否可以照向破產主任申報 ? 坊間有些叫二次破產 , 是否有律師可以做 ? 我知亦預了加刑期 .

orewa_j

師兄你不妨直接問下律師啦，一定唔好搵中介。你係要驚刑事啫……

重新戰士

為左16萬去幫朋友，之後自己去坐監。你呢種精神.....
我根據你所講。咩二次破產都冇用....你根本唔怕死，之後你唔夠錢咪又係借大耳窿.....
你呢 D CASE，真係搵律師啦！不過你搵律師去搞......我問過好難少得過3-4萬，仲要只係包你處理到D財務公司，你坐唔坐另計(即係又再付錢) <中環律師樓>打刑事案
你唔需要再去搵一筆清啦.....因為你本身已經破左產，仲要欠16萬。仲要冇工做，話借俾你都一定係呃你！***唔會再有人借錢俾你***死心啦
形勢已經好清晰，你現在需要去跑山。搵到4萬左右搵律師。不過講返轉頭，你有4萬就唔駛咁頭痕啦！

你自己又破左產，想避一排搵到錢再搞都唔得，你處於陽光下連走佬都走唔到。

hohochi

為咩再揹多16萬? 你三間冇申報，但你現時係破產階段唔可以加新數又唔可以再還，而且違規犯法好大可能原破產期會加刑，跟住睇果3間會唔會告你詐騙，告你的話可能要坐監兼刑事破產直到還完，唔告都好佢由呢刻計息到你原破產令完結再追你數你又要再破過。

重新戰士

hohochi 發表於 26-10-2015 19:54
為咩再揹多16萬? 你三間冇申報，但你現時係破產階段唔可以加新數又唔可以再還，而且違規犯法好大可能原破產 ...

樓主因為朋友可能惹上官非，所以殺身成仁 捨生取義，決定自己惹上官非。
自己踎監好過個朋友踎監。

樓主:我唔係想講風涼話，我希望你明白你要面對一個非常嚴峻既局面，你已經去左一個好危險既位置，我個人認為你既然可以去幫朋友頂數，個位朋友理應都會幫你頂返4萬啩....如果佢唔頂，你呢位朋友真係...冇義氣！
你已經去到滾水狀態，再唔處理我怕你會好麻煩，始終3線做野都比較唔正路。

最後...
有強姦，無焗賭。路係自己揀，仆街唔好喊！

重新戰士

hohochi 發表於 26-10-2015 20:22
真係咁有義氣 樓主真係身處水深之中3線唔講法

其實講講下.....坐監可能係最好既方法，既然失業可能住都有問題，入左去有衫著有飯食仲要唔駛怕聽到收數電話。工作其間又有人工，仲要唔會駛晒D錢....

Alex2233

破左產基本上有放債牌既財務都唔會借比你

好懷疑你係點借，你無講自己已經破產而去借，搏佢唔知你已破產，就犯法

另外就算借左都唔可以四年內還，否則就會對破產前，第一輪既債權人不公

至於真係再破產，都要等解除第一張破產令後，再破多次產，而且第二次仲要五年


不過都係講番而家呢個moment，我懷疑你已經奶晒野，有乜理由仲會有商業機構借比你

hohochi

Alex2233 發表於 26-10-2015 20:26
破左產基本上有放債牌既財務都唔會借比你

好懷疑你係點借，你無講自己已經破產而去借，搏佢唔知你已破產， ...

樓主就係有3間無報自己係破產人仕

301

留意,
樓主已經破產中,
未解破,
何來有資格第二次申破 ?
主任知悉將轉介刑事破產了.
不可能祇是加破期咁簡單,
破產原是民事,
係民事變刑事呀 !
財仔為殺一警百,
梗咬住唔放口啦,有心理準備為要.

ken2542de

樓主:刑事破產同文事破產限制差不多

分別係刑事破產係吾會4,5,8年自動解除

一定要還清晒所有債項先可解除

即如果你領緊綜援或失業冇錢還

都會受破產條例限制

flypig

破完的確可以再破，但破緊就唔得。
唯一辦法就係籌20萬（連利息）come左條數。
籌唔到就只有做好心理準備。最pk 係呢16萬係無報上去。四年後又有利息。你都係走唔甩。
我唔知你大唔大隻，大隻就去地盤搵份工。

重新戰士

講開......如果破產期間，申請到綜援......又點計??
會唔會用綜援黎還?

hohochi

仲好大可能要坐 坐完出黎仲要繼續還錢直至還清為止

ken2542de

hohochi 發表於 26-10-2015 20:41
仲好大可能要坐 坐完出黎仲要繼續還錢直至還清為止

全中.....