凍結左個戶口....T.T(後續)

karenliu22

果然高處未算高....
不過魔高一尺...道高一仗...
又比我過到關...
吹咩!!!!

http://www.hkiva.org/forum.php?mod=viewthread&tid=14195

事源星期一那天我打去外判問...
我既戶口係唔係比佢地凍結左...
佢地當時答我話唔係...
仲話可以出返封信拿返尾糧...
咁到尋日早上我去左外判公司拿信...(PS: 限我早上10:00後或下午2:30後拿信)
原來佢地出果封唔係解凍信...
係拿尾糧既信...(PS: 即係舊公司出幾多錢, 我只可以拿幾多錢, 多一蚊都唔比)
另外, 比信我呢位唔係同我傾生活費果位...佢搵左一位肥佬黎比信我...(PS: 以為我會怕左佢地...佢地都傻傻地...)
仲要限時限刻拿...(PS: 亦係限我早上10:00後或下午2:30後拿信去銀行拿錢)
呢招佢都絕囉...
咁限時限刻拿都無問題啦...
仲要一直提我話我之前唔同意既生活費, 可以告上法庭...
佢都痴線...洗鬼你一直提...我夠知囉...
當然我都唔弱....
我話我知...但我而家失業...
未知幾時搵到野做...
之後我搵到野做之後會再搵你地傾架啦....
但我話如果新工既地區同人工唔同左的話...
會唔會重新評估?(PS:我都係問下...)
佢竟然白痴到話唔會, 如果唔同意佢地既生活費, 可以告上法庭....
(PS: 即係我住離島...原本係元朗返工...之後轉工係中環返...交通費少左...都仍然用返舊既交通費????我咁著數???
同埋佢係錄音機黎架???同一句可以重覆幾百次....)
之後我唔理佢啦...拿左信即走....
去到銀行....搞左半個鐘...
終於拿到尾糧...不過我當然多口問下COUNTER姐姐....
我個戶口比邊個凍結同幾時凍結...
原來個罪魁禍首係外判....(PS: 我都估到係佢架啦...)
同埋係21號就比佢地凍結左...(PS: 我係18號開始失業...)
不過而家唔緊要啦...
總之而家我拿左尾糧...
慢慢洗...又慢慢搵工...
過左呢關先再算...^^

等我搵到工及同外判再傾過後...再上黎匯報....^^

flypig

原來個罪魁禍首係外判....(PS: 我都估到係佢架啦...)

樓主小心d.我睇你外判不擇手段，有點兒踩界。
唔排除佢開頭想涷結你戶口，逼你講數。然而咁做佢都有問題。到你搵佢地，只有扮傻仔。到肥佬話要上庭，其實可以立即叫佢地安排。反正你宜家無野撈，上到庭無論勝負，對方只會得個桔。咁就真係寸到佢地盡。

flypig

外判真係傻傻地。佢呢d唔係叫告上法庭，係叫雙方不同意生活費安排，等法庭裁決！！！宜家d 會計師樓為左增加收入，講野呃呃乙水乙 水，有d 似黑財同顧問。

karenliu22

flypig 發表於 28-10-2015 22:57
外判真係傻傻地。佢呢d唔係叫告上法庭，係叫雙方不同意生活費安排，等法庭裁決！！！宜家d 會計師樓為左增 ...

我都覺佢地似有牌既黑財同顧問囉....

karenliu22

flypig 發表於 28-10-2015 22:47
原來個罪魁禍首係外判....(PS: 我都估到係佢架啦...)

樓主小心d.我睇你外判不擇手段，有點兒踩界。

明白....
不過我唔想先玩到佢咁盡...
再睇下之後咩情況先算...
而家凍結左我戶口其實都唔大影響...
因為我戶口只有十幾蚊...
其餘都拿曬出黎...

flypig

karenliu22 發表於 29-10-2015 00:51
明白....
不過我唔想先玩到佢咁盡...
再睇下之後咩情況先算...

其實策略上唔係玩盡.而係正常手法:
1 對方最後殺招,係等你 臨解破之前,就話你 尚欠 生活費若干..你又話沒有同意.
再拎去法庭等法官裁決,咁 就 可能延遲 解破期.
就算佢係虛張聲勢.你都有心理負擔
2 宜家大到佢盡.最好有埋錄音.假設:
A 佢宜家唔去法庭.到時一大你,你話就好呀!! 15年10月28日我已經叫你地去法庭,你地拖到我臨解破先去.
上到庭,我除左同法官投訴,仲一定去破署度投訴.我有錄音做證據.
B 佢宜家真係去法庭.即代表你點都避唔到.反正都要去,就早好過遲.

好多人以和為貴,我完全同意.但對方已經郁了手.你呢間外判,可以炒係6粒(以足球講),佢入5粒唔收手.

宜家過左去.下次有機會,記得錄音.同埋今後 要步步為營.照睇佢地收唔到佢地想要的,唔係太心息.

GOOD LUCK!!!

karenliu22

flypig 發表於 29-10-2015 09:53
其實策略上唔係玩盡.而係正常手法:
1 對方最後殺招,係等你 臨解破之前,就話你 尚欠 生活費若干..你又話沒 ...

明白....
多謝你既意見....

flypig

karenliu22 發表於 29-10-2015 21:38
明白....
多謝你既意見....

大家各有睇法姐。祝一切順利。

admin

樓主，你有機會做主動而浪費了！
下次要做番。

羅定6音機。

6 音並存檔。要寫清日期，並且上傳到 google drive 個D。因為呢D有 time stamp。

第2日，應該寫幫信或電郵, cc 破署：
1. 先多謝安排比信你
2. 提及話在任何情況下，外判講過生活費唔會改
3. 強調此信為純紀錄之用

到時，2日年後，到你找到工，係屋企樓下，你就大條道理唔比佢 cut。

如果遠左，就話當時你無同意，米再上庭羅

對付呢D外判，做足功夫是必需的。

記住，你要詳細紀錄你的文件，幾時比過生活費等等。

呢D外判到尾一定會玩你。