失業, 呈請時都要填收入及支出?

heart

http://hkiva.org/forum.php?mod=r ... 8&fromuid=16402

呈請時要交Form 3 同 form 28C, 28C 裡面G 表 係經濟能力說明書, 可否收入 "0", 開支則詳列?

flypig

不能。但你可填問人借，或者親朋資助。而我傾向前者。呢版研究過，有人傾向後者。但無一個公認的結論。

heart

flypig 發表於 21-10-2015 01:06
不能。但你可填問人借，或者親朋資助。而我傾向前者。呢版研究過，有人傾向後者。但無一個公認的結論。 ...

多謝C兄回覆。

即係呈請入紙就要寫好哂收入支出, 俾如支出10k, 收入就要寫番10k (問人借，或者親朋資助, 失業都唔可以寫"0"), 唔可以等之後計生活費時先報?

flypig

呢版有ching講，支出100，000，收入 100，040。
相差50之內。而收入>支出。原因係唔想扮到咁橋，分明砌數。

cc4321

heart 發表於 21-10-2015 01:23
多謝C兄回覆。

即係呈請入紙就要寫好哂收入支出, 俾如支出10k, 收入就要寫番10k (問人借，或者親朋資助, ...

就算無收入你都要食同住,如果收入支出都寫零,即係話你唔洗食同住?咁將來有野做佢可以照咁批比你,因為你都唔洗食同住

itsme

heart 發表於 21-10-2015 01:23
多謝C兄回覆。

即係呈請入紙就要寫好哂收入支出, 俾如支出10k, 收入就要寫番10k (問人借，或者親朋資助, ...

破產呈請填收入支出唔需要對數，個個都係支出大過收入好多，唔係點會債務纏身，無力償還要申請破產。你照寫收入0，支出幾多都可以，表格亦無要你填係借定資助。

kungfu

當年我收入填全0，開支悉數由配偶負責。

Alex2233

申破表無參考價值，日後傾生活費都係用到時最update既收入去評估


所以，如實申報就可，多多少少不需要隱瞞
比錢你洗就計，比飯你食，比地方你住，冇cash過你手，就唔算收入

破前，真係有人送錢比你洗，無問題架

破前有人每個月比10萬你都得

破產後轉章，只比5000你，到時都係用番5000去評估你生活費

heart

多謝各c 兄!
正如flypig 兄講, 真係無一個公認的結論。
我諗我會填收入 "0" (失業填0好正常啫!), 支出如實申報。
需要解釋時 --- 問人借 (只要聲明係破產人)

另外請問 kungfu 兄, 邊度需要填 "支出由配偶負責"?

heart

Alex2233 發表於 21-10-2015 15:15
申破表無參考價值，日後傾生活費都係用到時最update既收入去評估

Alex 兄, 其實申破後有錢過手, 照計無問題, 只要我申報係借 (加上我已聲明, 並且貸方已知我係破產人), 就算經銀行應該更加無問題, 有哂紀錄知道邊個借, 我有冇諗錯???????????

(已刪一句, 以避免誤會。)

申破後借嘅錢(經銀行), 會唔會俾破管處攞左去填數???

orewa_j

失業+破產點會有銀行借俾你……下線財仔或者會

orewa_j

破產+失業要生活，啱嘅，所以你可以報有人資助，有人供養，申請福利，或者揾份唔超過你每個月批嘅生活費嘅工作(超過要上繳)。破產，係對你沒有能力還債的一種保護，至於你失業同要生活，係閣下嘅事。

heart

orewa_j 發表於 21-10-2015 22:57
破產+失業要生活，啱嘅，所以你可以報有人資助，有人供養，申請福利，或者揾份唔超過你每個月批嘅生活費嘅 ...

Thanks.

我講得唔清楚添。 我係指破產後, 我問朋友借錢, 經銀行過數, 會否被破管處攞左去?

kungfu

heart 發表於 21-10-2015 22:30
多謝各c 兄!
正如flypig 兄講, 真係無一個公認的結論。
我諗我會填收入 "0" (失業填0好正常啫!), 支出如實 ...

搞亂咗，我講嘅係周年報表。

orewa_j

其實簡單啲，現金交收啦，免得節外生枝。

Alex2233

heart 發表於 21-10-2015 22:41
Alex 兄, 其實申破後有錢過手, 照計無問題, 只要我申報係借 (加上我已聲明, 並且貸方已知我係破產人), 就 ...

申破後點問銀行借，邊有銀行會借？你講緊乜？R晒頭？

如果係問朋友借！唔好搞咁多花樣，現金交收，唔洗特登叫朋友銀行過數

主動權向你到，朋友比3000蚊現金你洗，

你咪同主任講：呀，我老死送/借左3000比我洗，我同你講聲先，年報我會報埋！
主任又唔會惡到迫你朋友一定要過數比你，方便佢監測

你識得主動報佢都還神啦

thats all，主動權向你到，你有權收人資助，亦有責任報

雖則話破產後好多現金交收既帳項，唔報都吹你唔帳！

但法例係咁，我都唔可以教你行錯路，你係有責任報，我教得一定講合法途徑





申破前：你借又好，送又好，幾大銀碼，幾大洗，無關係


申破後：送既唔洗還！一樣可以

借的話，要宣示你已破產，肯借，無問題

但係！銀碼唔好太大，大過生活費，一樣要嘔上黎還，無謂浪費朋友錢！佢真係多錢過頭，咪叫佢請你食鮑魚，紅酒，牛扒囉，呢d又無得報既

兼且，基於四年不得私下還錢，呢d款項，等你解破再慢慢deal，

朋友黎架姐，唔會收息唔會催你，慢慢deal



以上，全部講緊申破後點做！

至於你而家份申破表，收入幾多咪照填，講左，生活費唔係用申破表黎判決，唔洗怕條數大會蝕卓，大把人破產前幾風光都有

真正既生活費！頒令後交完文件主任再決定

flypig

唔.............................. 點解大家理解分別咁大呢???
原因係 字面的解釋不同....

收入1 = 一般解做 人工
收入2= 一般解做 所有的 金錢來源 包括 借貸,支助...

照我睇,破署都收唔少呢d file. 兩種人都有
佢就無咩所謂.只係留待有需要時再搵你澄清.

orewa_j

個人睇法，户口唔顯示有多餘的出入數，破署/外判都唔會知吧。記得之前睇過其他文章，關於新年利是，應該係同一道理

admin

我反而有D意見唔同睇法。

朋友無論借又好，比又好，乜都好，最好就現金啦。點解？

4 年後，破署同你清數，問你D錢點來，但係你同朋友反左面，個朋友想玩你，話好似係 part time 工資，咁點？
同樣，就算唔反面，破署叫你朋友寫封信證明，華，唔係玩咁大下？

好多時，4年後的野無人知。所以最好免麻煩啦。

Alex2233

如果同唔相熟既人借錢，留番兩手係會好d，有記錄反而可以避免反面後出事

不過我個人就好反對，失業，又唔係有人養你，

明知借完四年後又要還，點解都係好食懶飛一份partime都唔番，仲要阿貓阿狗既錢都借，就真係制唔過。

如果真係完全送既，乜都包晒，任拎任食唔洗還，有兄弟叔伯照顧你，咁又冇所謂
拿，點做自己分析，個個人做法唔同



另外講個故仔，純屬虛構

明仔人工就得8千蚊，出完糧習慣拎晒現金落銀包

有日沖完涼出黎，死火，個衫袋比人摷過，個銀包厚左定薄左，又冇印象，問番廁所出面既叔伯，邊個摷過

又冇人認頭，唉！幻覺黎架姐，嚇我唔到