恆x銀行叫我破產

wowwwtop

話說早幾日，恆x打電話黎sale我借錢…
跟住講講下講埋自己差貴公司同hsbc一共22萬左右
之後個小職員叫個super傾，super傾完又叫manager同我傾，傾到最後佢同我講，不如你做返個破產啦，又話介紹一間一直同恆x合作開既公司幫我攪破產。
我問佢幾錢到？佢話要$30000，心念邊有咁多錢，而且我見方間有好多都係15000左右
但我又傻下傻下聽佢講，俾佢幫我轉介。轉介左之後我問個公司叫咩名，個顧問就答我係《華爾xxxx事務所》
我上網搵過有哩間野，不過只得注册日期，仲要係2013年8月先注册，咁何來一直同恆x合作開呢？
琴日本身約左上去攪破產，但覺得收得貴又奇怪，所以冇去到，我就上左葉x鄧攪，而家都唔知用咩借口推左恆x個邊tim啦，又驚藉口講得唔好佢嬲起上黎唔知會做啲咩

bb_q_888

你咪話要諗清楚D先破，無論邊間一都一樣。
不過銀行介紹破產第一次聽！

bb_q_888

我想問是否對方打來，自稱xx銀行?

990054

老實講應該係恆生果條私底下識果間公司既人，應該有水抽先叫你揾佢破產，三姓律師萬幾銀已做得好好，我之前破都賴過d垃圾顧問招，你應該等到三姓幫你入左法庭有編號看好同其他債權人講你破緊產就ok

kungfu

打嚟嗰個應該係恆生嘅外判

wowwwtop

kungfu 發表於 18-1-2014 09:10
打嚟嗰個應該係恆生嘅外判

唔係呀~~我而家都50，50，唔知破產好定drp好。
計過我而家收入得10000，如果drp每月還3700~4000，還8年。。。
但破產得4年，不過我又唔想俾屋企人。同如果破產令完左，將來結婚，老公買樓寫埋我個名得唔得家？

lulumason

wowwwtop 發表於 18-1-2014 09:55
唔係呀~~我而家都50，50，唔知破產好定drp好。
計過我而家收入得10000，如果drp每月還3700~4000，還8年。 ...

第一不要信電話推銷 二 如可頂得就不要破  三 解破後你買飛机都得 只要你有＄

301

呢 d"兩頭蛇公司,
一係誘你借款一筆清,
起左你底後你申破.
出入門檻,
無底深潭....手續費...行政費...

dopod123

唔係呀打電話同你講都信..........................銀行係唔會叫個債仔去玻產嘅

點推?????你借得2萬,呂係唔知推呀點  

smallcat

dopod123 發表於 18-1-2014 11:25
唔係呀打電話同你講都信..........................銀行係唔會叫個債仔去玻產嘅

點推?????你借得2萬,呂係 ...

銀行叫債仔破產都怪怪地, 銀行只會叫人還錢, 哈哈, 叫人破產真係好過隱, 唔通筆錢轉左比冥都銀行
最怪係介紹埋公司破產

唔知以為去左portland street

世界愈來愈亂了, 破產都要破得小心

wowwwtop

dopod123 發表於 18-1-2014 11:25
唔係呀打電話同你講都信..........................銀行係唔會叫個債仔去玻產嘅

點推?????你借得2萬,呂係 ...

我上網check左係恆x電話，因為我有同佢講我欠債情況，佢仲話申請破產由政府俾你還

smallcat

wowwwtop 發表於 18-1-2014 09:55
唔係呀~~我而家都50，50，唔知破產好定drp好。
計過我而家收入得10000，如果drp每月還3700~4000，還8年。 ...

唔好想結婚買樓個D住先, 最重要解決債務問題為前題, 你破左產解除破產後, 物業點解唔寫得你個名?

唔係叫你破產, 但你依家要面對係, 你還8年頂唔頂得順?

一般債務如長過6年還款期, 而又影響生活, 咁可以考慮破產

如你真不想破產也可以, 但要計好條數, 唔係中途失業還左幾年錢先破仲慘  最重要係你自已想點

當然如可以不破又唔影響生活咪還咯, 同埋記住破產後某些職位會唔做得, 當然仲有唔可以簽支票, 唔可以做董事

解破後亦會有其它影響, 比如申講信用卡都唔係咁容易, 要再過幾年先會好D  又或者你想買樓做按揭都難, 你可以搵你將來老公仔既

wowwwtop

smallcat 發表於 18-1-2014 12:38
唔好想結婚買樓個D住先, 最重要解決債務問題為前題, 你破左產解除破產後, 物業點解唔寫得你個名?

唔係叫 ...

多謝你答得咁長細呀smallcat
仲有別一個擔心係，我申請破產怕會俾債權人話我欺騙
我係過去三個月有現金透支及簽卡，應該都有幾萬蚊（近哩兩三個月只還到min play ）
咁過往一年都有現金透支，簽卡，及借貸卡come卡
兩三個月有透支到一萬，其他幾千蚊到，11月透支左11000出黎用，哩段時間都有還錢，不過係卡come卡黎還，近哩三個月還到min play

smallcat

wowwwtop 發表於 18-1-2014 13:13
多謝你答得咁長細呀smallcat
仲有別一個擔心係，我申請破產怕會俾債權人話我欺騙
我係過去三個月 ...

如果你係透支出來還卡數或還貸款, 咁你都係無辦法之下既辦法, 當然, 如條數比較大, 你最好拿翻自己既銀行記錄, 睇下有無d數太唔合理, 你每月透支幾多, 每月還款幾多, 將來主任或外判可能要你解釋d錢去左邊 (比較大既數) 如正正常常透下支, 還下錢, 又用作下生活費, 基本老破前都係條數計唔掂

告唔告你就睇下個官, 唔到我講, 我講只係誤導你以為一定無事, 但大部份情況破前都係條數計唔掂先破的, 所以, 也不用太擔心, 只要你唔係破前太大條數拿左出來, 根住破, 就好d, 因為你破前有條大數走, 好明顯你有資產轉移既動機

flypig

又驚藉口講得唔好佢嬲起上黎唔知會做啲咩

呢單野你去總行投訴,個分行經理都唔掂.
總之有人搞你,你就去投訴.你係快老破之人,係瓦窯,人地經理係玉器.

wowwwtop

多謝晒咁多位師兄解答呀我會再念清楚老破定舒緩啦～

depressman

個個100%無可能係恆生 policy. 係恆生d sales (或者跟本唔係恆生sales) 自己介紹你去 ! 再自己收回佣 !!! (我未破之前 打銀行好多年知道的)

你上顧問時應該簽左野 !! 小心你唔幫佢搞 佢狂追你咩 手續費 咩費.....

小心 !! 恆生sales 再打比你 記得錄音

wowwwtop

depressman 發表於 18-1-2014 22:29
個個100%無可能係恆生 policy. 係恆生d sales (或者跟本唔係恆生sales) 自己介紹你去 ! 再自己收回佣 !!! ( ...

我冇上到去呀，下次佢再打黎我就錄佢音先，我扮晒野由初初話攪破產，之後話攪舒緩，再之後講我比較下其他律師或顧問先，而收佢地線之前仲問我幾時有答覆

264man

我都接过幾次這類電話，千其吾好中招，通常打來自称某某銀行職員打來推消有抵息分期，但又冇你在銀行的资料，如果你有欠該銀行錢都会有興趣聽及提供資料给对方，當知道你欠銀行或財務很多錢，就对你説本銀行不能借到太大金额，便会話有舊同事在另一間銀行，財務，会計師或顧問工作，可介紹给你真係好似一條龍服务，但收费係欠款10%-15%或叫你上嚟了解後再傾，请各師兄，師姐小心。

admin

wowwwtop 發表於 18-1-2014 12:31
我上網check左係恆x電話，因為我有同佢講我欠債情況，佢仲話申請破產由政府俾你還 ...

我都係唔相信。樓主可以 post 個電話出來麻？睇完，我會 hide 左佢。