破產中...請教一下

k114b

小弟有幾個問題想請教大家,請指教一下

問題1                 花奇 75000   24期  還了12期            月供4200
                          u仔  50000  18期  還了 4期              月供4000
                          u仔  20000  循還 每月還完再借(還1千左右借幾百)
                          大x  81000  54期 還了  5期              月供2800
                          幫民40000 循還 每月還完再借(還2000左右借返幾百)

                          其實花期u仔幫民都供了2年,當中有再借,每期都供足冇走數,到我破產果一下都冇,
                          上環聯睇過共差320000左右,前天上6c到做drp,6c話做唔到,佢話破產先得,跟主我就做左.
                          我想問一下,6c同我講話出左信比佢地之後只有u仔會打來追下e一期,但唔會上門.我想問真唔真?
                          如果我唔開電話會唔會有間會上門or公司煩我?

問題2                 2年多前本人底薪$12000+佣金(當時大約10000)左右,近3個月生意不好3個月來最多一1個月只有16000(12000+4000)
                         其他2個月都只有12000加上老板1月出糧時決定今年開始不出佣金,只有底薪,現在的我跟本不足夠還債跟生活所以決定破產.
                         本人現在的行業比較複雜底薪出支票,佣金出現金,但公司張佣金分開沒供強積金,糧單睇唔到條數.
                         加上本人比夠大洗出完佣金多數沒入銀行,放在身上花光,銀行都沒記錄.
                         2年多前一時急用錢,問花期u仔幫民借錢時佢地都話要糧單,當時我求老板印一份比我.
                         佢當時就係公司自己是但印左,冇經會計,當時糧單有底薪+佣金,當然強積金只有底薪.
                         比佢地果時佢地問過做咩d強積金不對,我當時老實說出原因.
                         我想問e+我破產佢地會唔會用返e點告我呢,因為我可見薪金12000跟每月還款14500左右不成正比同時我老板當然唔會認,會有問題嗎?

問題3                 本人有睹錢惡習,錢行好多時d記錄都係馬會過數or股票買賣or澳門提款.近2個月d錢出入接近200000.
                         我上網看到一些文章說賭博破產屬犯法,但係近2個月d錢我都係朋友借or睹錢賺回來(當然最後輸光)
                         這樣破產會有問題嗎?但這些跟本不會影響我還款能力,重點係再無佣金.

問題4                 最後一問,我係上3姓6c行做的,我想問一下有冇人做過,同埋我想問一下除了宣誓
                         我是不是不用再理會其他?   對破產人的初步訊問 我自己寫還是佢幫我寫?
                         對破產人的初步訊問 我一見到有條關於睹錢我都怕怕.

                        
  
                                          
                          
                          
                          
                          

bb_q_888

2、好少問之前有幾$糧，只會問現在……睇你有幾多$還。其他唔識答留比好心人答。

flypig

問題1
通常無事.但現實無人寫包單.
首先大家要明白追數運作.佢地係一D分司,可以承包各銀行/財務的追數工作.咁追數又分打電話靠嚇同專人上門.
呢兩部份工作.可能係同一個人或者分兩批人.由於追數公司唔係正統公司,所以唔會有嚴格PROCEDURES 叫下面跟.
最多係底線GUIDELINE 如唔好搞到差佬黎 ETC.
至於 點解都係同一班人追姐,而有D財務追得特別勁? 呢點係因為追數係銀行,就唔敢搞得咁揚.
係財務就會暗示追數公司追勁D或者 滲入灰色地帶ETC.

講番你問題.6C有哂經驗,你大可放心.

2 9成9 唔會.你當時講真話,上到庭口到鼻拗.而且,你個條係細數.個個要搵食,唔得閒上庭搞一大輪最後得個桔.
你要明白,佢打贏官司,對方都係無錢收的.

3 我上網看到一些文章說賭博破產屬犯法provided 你係經營業務,而且因賭引至你破產.
你首先要自問自己係唔係老細先??

4 我係自己搞.你要問其他巴打絲打.不過填份野時我十分之驚.只可以講個份野得6個字:大一大老破人.
原來因賭博/叫雞/俾女呃/炒期指/過大海 而老破,全部合法.
我最後想法係點解當時唔借多一D.

flypig

主要針對有公司的老細.
點解有呢條例,我解釋一下:
因為我宜家開IT 公司,搵供應商要左一千部NOTEBOOK ,由於有90日數期,
我拎左D 錢去炒股票/過大海 ETC. 輸左就老破,贏左就坐擁過千萬,一世唔駛做.如此這般,此例係針對經營業務者.




第6章 第133條 破產人因賭博等而有罪
任何已被判定破產的人士，曾從事任何行業或業務，並在破產令的日期尚未清償在經營該行業或業務的過程中招致或因該行業或業務而招致的任何債項，則在以下情況下均屬犯罪： –

在有關破產呈請提出之前兩年內，其賭博或所進行的輕率而冒險的投機活動增加其無力償債的程度，或是促成其無力償債的重要因素，而該等賭博或投機活動與其所從事的行業或業務並無關係 ；或

在有關破產呈請提出當日與破產令的日期之間，破產人因上述該等賭博或輕率而冒險的投機活動而損失其產業的任何部分。

（但在決定任何投機活動是否就本條而言屬輕率而冒險時，須考慮被控人進行該等投機活動時的財務狀況。）

flypig

朋友,如果你都係唔放心,睇完此帖,又有無信心呢??

轉帖:某6C WEB, 鄧XX6C:

近有想申請破產又或已透過我正在辦理破產的客人，經常向我查詢，提及最近看到一則關於因賭博而引致要申請破產的過案，被破產署或破產管理署提刑事票控，要上法庭打官司。現在對申請破產感到非常懮心，所以特別向我查詢。該案據報章報導撮要如下：

"一名髮型屋股東因拖欠舖租3萬元及其他欠款無力償還，其後破產，他接受署方查詢時「自爆」，破產前兩年曾到澳門豪賭並欠下50萬元，署方遂提出票控，他昨被裁定罪成。 案件押後至3月20日判刑，以索閱社會服務令報告，其間被告袁錦榮(55歲)獲准保釋。 被告被控一項「破產人因賭博等而有罪」的罪名。控方指出，他自2006年6月起開設髮型屋，翌年9月欠租，同年12月破產，當時欠下19.7萬元欠債，包括拖欠領匯的3.7萬元租金、利息和差餉。 其後袁會見破產管理主任，在問卷內透露破產前的兩年間不時「過大海」，承認因「賭博過度以致無力償還債務」，欠下50萬元賭債，其間曾向3間銀行借貸，用以周轉和賭博。"

以上所提及的控罪是根據《破產條例》第133條(a)提出的，即任何已被判定破產的人士若曾從事任何行業，而頒下破產令時尚未清還因經營該行業所招致的債項，且在被頒令破產前的兩年內，曾因賭博或作輕率冒險的投機活動而影響還債能力，而該些活動與其所從事的行業無關的話，即屬違法，最高刑罰監禁兩年。

以上法律只是針對有經營生意而因賭博等行為而引致要申請破產的個案才是犯法，而一般只是打公仔的市民，因賭博而需要申請破產，是沒有觸犯上述的條例！

k114b

謝謝回答,感恩!