|
|
尋日上律師樓宣誓,星期一就入紙,一切搞掂就等法庭出破產令,之後就唔駛擔驚受怕可以重身做人 :handshake
上律師樓申請破產真係好簡單,直接打上律師樓問要帶齊咩文件上去,唔好怕難開口同唔好意思,對律師樓黎講,你上去申請破產佢地只會當一單生意咁做(仲係好好賺嘅生意),有生意做點會用有色眼鏡睇你?記住自己係客律師樓係提供服務比你,你係比錢佢就咩都唔駛驚,有唔明就問佢地會好樂意答你,搵間好律師樓就省卻好多煩惱同慳好多時間,我搵果間初步唔駛我填任何野,只係對d資料同影印,連生活費都係佢地提議埋同填埋,只係第二日上去辦正式文件時候簽幾個名,文件唔啱即刻改,跟手宣誓就走得 :victory:
坦白講,欠債還錢係天經地義,但係失業一時周轉唔黎銀行就交條數比收數公司收,做債務重組又唔受,又話加30%又搵埋d爛仔打電話同上門滋擾,再同銀行傾又話比左收數公司就咩都唔理,話還錢都叫我先同收數公司講(心諗我又唔係爭收數公司錢點解要同佢傾),唔係d爛仔收數公司搞到我屋企人我都唔會行到破產呢一步,所以破產唔係要逃避責任,只不過唔想心理上同埋家人受到不必要威脅,先會用破產黎阻止爛仔收數公司滋擾,破左產錢一樣可以照還,生活費度報小d做多份兼職咪可以還多d,但對於我,既然銀行做得咁絕傾都無得傾債務重組又唔受,咁我都唔同佢地客氣,把心一橫問朋友借筆錢搞破產,將來又唔會有機會同銀行借錢(見過鬼仲唔怕黑),生活費報到足(新工得七千零人工),呢四年佢地隨時一毫子都收唔到,破前一個月得返二千零用,而家隨時成份糧係自己,自然喜大於悲 :lol
律師樓果便講,如果好不幸遇到係外判,而佢係咁扣你生活費,一定要企硬寸步不讓,佢惡時你一定要惡過佢甚至鬧佢(因為佢地專恰怕事唔出聲d人),事關你還錢越多外判從中得到金錢越多(律師樓提到好似係10%),所以佢地會逐項逐項同你計,千祈唔好怕就咩都簽,你企硬唔好簽任何野佢耐你唔何,跟住佢就會軟化 :lol |
|