找回密码
 註冊
查看: 2455|回复: 10

外判 王+石 的 C兄C姐

[复制链接]
发表于 4-12-2010 10:17:49 | 显示全部楼层 |阅读模式
請問各位外判 王+石 的 c兄c姐... 你地呢幾日有無收到佢地寄來的信... 話有雙糧/花紅要全數上繳的...

我琴日收到之後... 打過去問... 我話如果要交稅... 係咪可以用雙糧/花紅錢扣... 佢答我話"唔可以"... 佢話我要自己交左稅先... 再連同收據向佢地申請從供款中扣除... 仲要係只可以在每月的供款中扣除... 唔可以在雙糧/花紅中扣除...

佢話... 如果稅款大過每月供款額... 就一路扣到完為止... 即係話... 如果稅款係$2000... 但每月供$1000... 假設我今個月交左稅... 咁就去申請今個月同下個月唔使供款...

我聽完之後俾唔到即時反應... 啊左一聲就收線...

返到屋企睇下張稅單... 再計埋下個月份基本薪金... 先知大件事... 因為我上個月請的假係會下個月扣糧的... 所以下個月扣埋生活費可能只會供幾百蚊... 但交稅就接近2千... 咁我何來有咁多錢自己哽左筆稅款先呀?...

如果我係供款額大過稅款... 你話要我俾左先... 再申請扣減當月的供款... 我ok... 但宜家係供款細過稅款... 咁我要自己出左先... 雖則你話之後幾個月唔使供啫... 但我交左稅... 扣左供款... 我當月要哽$1500... 我何來夠錢生活呀?...

所以想請問各位都係呢間仆街外判的... 係咪都係要咁樣做?... 係咪真係無可能在雙糧/花紅中扣除呢個必要開支呢?

仲有... 佢封信寫得好賤... 在最尾註明話... 收到雙糧/花紅後... 要3日內全數入返去供款戶口... 否則要視為不合作... 佢地可以4年後反對解破...

問題係... 我31號晚出糧... 1月1-2號係紅日... 3個已經係第3日... 即係我要3號即刻入... 咁我又點可以當日又交稅先... 又要申請扣款... 又要入錢俾佢呀?... 發神經架!...

請問大家有無呢方面經驗?
发表于 4-12-2010 11:15:42 | 显示全部楼层
我出左花红。。一个月人工。。佢批一千。。。。

要交税600。。我就系花红扣1000+600。。。跟住果D先入番比佢
 楼主| 发表于 4-12-2010 11:37:12 | 显示全部楼层
我出左花红。。一个月人工。。佢批一千。。。。

要交税600。。我就系花红扣1000+600。。。跟住果D先入番比佢
ericwkc 發表於 2010-12-4 11:15


咁你係咪用果張 "調整供款申請表" 來申請?... 因為我都想申請少少for 過年... 佢係咪用電話confirm 批唔批架?

但我果條友話唔可以扣雙糧/花紅 d 錢來交稅... 話要全數上繳喎... 你係問過你果個ok 的嗎?... 你係直接將花紅連埋月薪扣左交稅... 然後填每月供款表... 註明扣左交稅條數... 就ok?... 要唔要分開入俾佢?
 楼主| 发表于 4-12-2010 11:39:05 | 显示全部楼层
本帖最後由 queenielamok 於 2010-12-4 11:48 編輯
我出左花红。。一个月人工。。佢批一千。。。。

要交税600。。我就系花红扣1000+600。。。跟住果D先入番比佢
ericwkc 發表於 2010-12-4 11:15



問多句... 你要唔要先交左稅先... 再去申請在供款中扣除?...
定係你交完稅... 再在供款表中註明... 再連埋交稅收據 fax 返俾佢就算? ... 唔使申請在供款中扣稅?

仲有?... 你係收左花紅先申請.. 定係點?... 因為我知我月底就用雙糧... 我可唔可以申請左先?
发表于 4-12-2010 14:31:11 | 显示全部楼层
1# queenielamok

雖然我唔係跟王+石,但佢不過係外判,唔係黃帝,封信亦唔係聖旨.

你根本無足夠既錢交稅,無論點你都可以同佢講清楚,
或者向破署提出"外判既無理",你今次有封信做証據.....
如果你無錢交稅,你就可能要被罰5%係咪外判同你出?
你照講....因為係事實.
 楼主| 发表于 4-12-2010 17:26:05 | 显示全部楼层
5# bb_q_888


我都係咁覺得... 佢地根本就不知所謂... 有乜理由唔俾人從雙糧/花紅中扣交稅... 黐孖根!!... 雙糧/花紅都係我收入一部份... 我又唔係用來做乜... 我只係交稅之嘛... 咁都話唔可以... 佢地根本就係有心要食哂我地份雙糧/花紅... 一蚊都唔俾拎...

我上個月曾經有諗過請半個月no pay leave 來休養身體... 諗住下期都有雙糧... 就算份正糧扣左一半... 咁都有份雙糧可以補貼返生活費d 尾數.... 嘩... 宜家佢講到咁... 雙糧/花紅1蚊都唔准用... 好彩我最終只係請左2日半假啫... 如果唔係我下期咪連基本生活費都唔夠... 但破產唔係要保障我有基本生活費架咩?... 無雙糧/花紅就無得好講... 但如果有... 咁唔係都係納入為收入之一咩?... 點解唔可以共用?
发表于 4-12-2010 18:19:44 | 显示全部楼层
外判點同你講,我唔知....當然佢有解釋權.
但佢亦唔可以忽視事實....你無錢交稅.
发表于 5-12-2010 14:21:52 | 显示全部楼层
我觉得如果你有合理理由。。。你可以用左先。。。比如交税/。。。如果买野就最好唔好用。。

再讲。。。你就算请半个月价。。。你老细出粮都系一个数咁出比你。。。

都分唔到乜系双粮。。乜系人工啦。。。

有D野真系要睇你点讲。。。点PRESENT。。。

如果真系系我。。佢真系咁过份。。咁咪由得佢。。。最多咪8 年。。。罗综缓。。。

8年后又一条好汉
发表于 5-12-2010 23:41:37 | 显示全部楼层
收到信啦,但我唔明而家點會一定知有花紅{:4_182:}
 楼主| 发表于 6-12-2010 09:15:01 | 显示全部楼层
收到信啦,但我唔明而家點會一定知有花紅{:4_182:}
dopod123 發表於 2010-12-5 23:41



我公司係一定年尾有雙糧... {:4_209:} ... (我寧願無...)

佢封信仲寫到好可圈可點... 話收到後3日內一定要全數上繳... 否則有權4年後不批解破...
佢根本就無諗過會批一丁點的額外錢俾你... 話之你死咁... 好賤...
 楼主| 发表于 6-12-2010 09:20:36 | 显示全部楼层
8# ericwkc


你都講得啱... 我都諗住出左糧之後... 話之佢死... 交左稅先... 再一條大數 減左 稅款... 之後再申請過年錢 (少少都好)...

我睇返之前上去簽的文件... 佢有一份係寫住話... 我地係除左每月所批的生活費 及 預留稅款 外... 每月收入餘額及額外獎金 / 雙糧 / 花紅 都需要全數上繳...

因為佢批生活費俾我... 無一筆數係for 我預留稅款... 咁即係我有權扣除稅款先將其他餘數上繳啦...

我諗住到時佢問到我的話... 我就用呢句來同佢拗...
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 21-11-2026 11:24 , Processed in 0.025909 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表