破產後, 以下財務公司會否繼續追數呢??

luckyhorse123

請問我有個朋友佢借AXXX, UX, X民財務公司, 若果佢還唔掂申請破產, 係咪哩d財仔都會照交去追數公司追上門或公司呢?????係咪哩d財仔唔會怕你話申請左破產, 照攪你呢????請各位朋友俾俾意見, tks!!!


roy:唔好打全名.

由零開始

1# luckyhorse123

我之前都有欠uX錢 ,搵律師開始申請破產時 ,
佢打個一次電話比我 ,話未上庭頒令前叫我都要還錢 ,
我同佢講律師叫我唔駛還 ,仲叫佢打比我律師同佢講 ,
佢就立即收線 ,到現在頒令後幾個月都再沒有收個一個追數電話 ,
          (反而叫我借錢電話就大把 ){:4_182:} .
其他個2間我就唔知會點做法 {:4_181:}

roy

正常情況下,當你入紙後取得破產編號,將呈情書fax比債權人後就唔會再有追數行動.

不過一般3,4線財仔比較麻煩,入紙後可能依然有電話滋擾追數行為,你所提及的3間財仔都未算太難搞,相信追數行為吾會太離譜.

WATER

正如由○開始兄所講，如果係ｕ乂同邦乂你入咗紙後都會有電話嚟同你講一日未有破產令都要還錢。你大可以話你同我律師收啦！保証你以後唔會再有电話。呢啲係我经驗


祝早日老破

luckyhorse123

oh..sorry, 唔知道打左全名, 以後唔會
首先多謝由零開始, roy, water的意見, 咁似乎佢地都係博懵追得就追, 咁我同我朋友講先, 睇下佢會唔會諗申請老破!!我自己就破左......真係輕鬆晒, 精神唔使咁緊張.....要重新做人了!!

一怒殺龍手

aexn 我大戶喎  無乜咁麻煩  佢最叻就話收唔到  

佢話收唔到 你咪話拎去佢分行囉 佢話唔得 你就問佢叫乜名 邊個部門 我上黎交比你

再唔係你唔好收線 我fax到你話收到為止 我都係咁講 咪又係話收到

幫人就可以交分行 佢地就鐘意話睇唔到法庭頒令個印 睇唔清楚咁 玩你幾次囉  無乜大動作

ux 我就無爭佢錢 不過佢地出晒名鐘意靠嚇 唔駛理佢地 有律師就直情叫佢搵你律師講 唔駛同佢地勞氣

301

呢 d 問題,我地在"債主臨門"講過好多例子,

所以找律師代辦,
可以卸膊俾律師樓.

但追數既又好'精';
一句....
"我借錢俾你喎,
又唔係借左俾律師 !
點解要問律師收...."

你點答?

bb_q_888

7# 301

301 你今次出 iq 題 呀~;P

siuwanpatrick

呢 d 問題,我地在"債主臨門"講過好多例子,

所以找律師代辦,
可以卸膊俾律師樓.

但追數既又好'精';
一句....
"我借錢俾你喎,
又唔係借左俾律師 !
點解要問律師收...."

你點答? ...
301 發表於 2010-2-23 11:42

我會答 :-
"我夠唔係借你地錢啦, 咁你地黎追我做乜野呢? 不過無論如何我破產呢件事己經交俾我律師全權處理, 有咩事可以搵佢黎答你地, 同時根據法例, 我破產後未經破產管理署署長的同意係唔可以私底下還錢俾你既. 或者你話比我知你係邊一間收數公司, 同埋係代表邊一個銀行及財務公司. 我會叫我律師主動聯絡你地!"

301

我會答 :-
"我夠唔係借你地錢啦, 咁你地黎追我做乜野呢? 不過無論如何我破產呢件事己經交俾我律師全權處理, 有咩事可以搵佢黎答你地, 同時根據法例, 我破產後未經破產管理署署長的同意係唔可以私底下還錢俾你既.  ...
siuwanpatrick 發表於 2010-2-23 14:11

呢個係小學生既答案,
多謝提供.

301

7# 301  

301 你今次出 iq 題 呀~;P
bb_q_888 發表於 2010-2-23 14:02

係喎,
睇下反應都好...:D

你地睇下幾多會員留意"追數"既問題....

尤其是嗰 d 披羊皮既"財仔"會員.
佢地特別留意,想學野嘛.


**不過呢度唔會有答案**

:lol

luckyhorse123

各位的意見非常好, 值得記存!!!