臨畢業急問欠款問題

Joey5.2

我情況係咁：跟雙黃，2023年6月開始，明年6月到期，每月批生活費20000，戶口凍結，一直要上去拎出糧信，今日如常上去拎出糧信，然後同我講畢業要加監因為仲欠14萬，我話上年12月先查咗欠14萬，當日簽咗係戶口扣咗3萬，咁應該仲差11萬，然後今日再簽扣2萬7，跟住叫我諗辦法呢八個月清埋條數，我話清唔到，生活費21000，佢叫我每個月係生活費再拎5k出黎到畢業，咁即係到時呢8個月會扣咗一共4萬。

諗唔明個位係我12月已經係欠14萬點解扣完3萬應該係仲爭11萬，然後今日再扣2萬7應該係八萬幾。唔明點解又變返14萬，佢話係咁計算，當時個腦好亂冇諗清楚，又覺得肉隨砧板上，就走咗又應承咗，但係冇簽任何文件

依家我應該點？？係咪直接上多次去問？需唔需要預約？會唔會上去唔理我打發我走
我走咗之後已經即刻打返過去搵返當時接待嗰個人，跟住飛留言好PK。同埋條四眼仔態度勁差好串下

其實我想知石仔係咪都會恐嚇臨畢業又未還清欠款人要上庭然後叫你入錢盡量還晒就順利畢業？真係好煩，每個月已經要請假上去，又唔肯解凍戶口已經從24年開始到宜家

有無人試過臨畢業咁？唔知點做好 有無師兄師姐教我點做？我今日口頭應承佢每月再扣5000但無簽文件可唔可以反悔？

Joey5.2

無人可以答到我嗎？

mirror0822

車，我識人欠外判$36000，一直拖，得閒幾個月後電郵申請不反，外判就死死氣咁減到$10000就攞得不反。

Joey5.2

mirror0822 發表於 4-10-2026 00:51
車，我識人欠外判$36000，一直拖，得閒幾個月後電郵申請不反，外判就死死氣咁減到$10000就攞得不反。 ...

即係點？佢都有講過5萬以下唔會反對 我宜家唔明個位係14點嚟？第一次扣咗3W仲差14？我下星期唔預約直接上去問得唔得 真係好煩

Tonysun1997

我都差唔多咁嘅情況，淨係打過電話黎話欠款，同我講壽期一次還，最衰係飛留言，又無打番過黎，

Joey5.2

Tonysun1997 發表於 6-10-2026 22:35
我都差唔多咁嘅情況，淨係打過電話黎話欠款，同我講壽期一次還，最衰係飛留言，又無打番過黎， ...

都係石仔嗎？我電郵咗過去話從生活費減出黎做還款唔合理，同埋咁大條數點計出黎，如果無人跟進 我就去破產處投訴。第二日佢即刻有人打電話比我跟又留言比我。我提出要求佢列印還款明細，佢話內部文件唔可以比我睇！黐線離譜！我收線就即刻電郵去破處了
佢哋行政真係好亂，數好亂，因為舉手後一年先傾生活費佢有追溯期，但都唔係咁離譜

ctm547

Joey5.2 發表於 7-10-2026 20:51
都係石仔嗎？我電郵咗過去話從生活費減出黎做還款唔合理，同埋咁大條數點計出黎，如果無人跟進 我就去破 ...

咁依家咩情況

Joey5.2

ctm547 發表於 13-10-2026 21:02
咁依家咩情況

最後破處打咗比我跟進投訴嘅事，石仔都約咗我上去 比我睇咗成條數點計出黎，要我一次過還一半先可以解凍戶口