分享 自己申請破產

Sexylady

分享
5月27申請
7月頭頒令

基本上都係爬文自己申請
填番晒所有表格 我諗其實你如果冇生意同埋物業基本上自己申請都好容易
係要排隊同埋等候要d時間  
基本上上網print咗出嚟 之後填晒所有資料嘅嘢
跟住佢破產管理處申請 佢都會俾份樣本，我叫我睇清楚 對清楚之後先交 咁之後就交錢啦
交完錢就宣誓 完咗之後就去隔籬高等法院
基本上一路都會有人指示你點做
去到高等法院 又係交文件 之後做影印同俾錢
跟住佢就會派期俾你幾時上座
咁嗰一份吸咗印嘅就係臨時令

7月頭頒令
入到去法官都有問 有冇人係比中介幫忙辦理 都有幾個人比4-5萬蚊去辦理 其他通常都係幾千至一萬  其實文件都唔係咁難填 所以覺得自己處理都還好

反而可能網上面睇多啲share仲有用
除非你個case好複雜 同埋搵返專業嘅律師，絕對係可以 只係原來都好多人俾咗啲中介去做

講返share
基本上入左令之後 crefxx係追得最勁
反而其他我以為佢地會追既 都冇咩
我有條扣底2線都冇追

Crefxx 不停打電話同whatsapp
到臨頒令之前 有msg我屋企人
頒左令之後都收左一次信 當然我宜家都好驚佢會唔會上門 因為我媽唔知

其他我腥左臨令之後都冇追

之後頒令個日 都係預早少少時間去啦
之前上網睇都係要等㗎啦 我見佢哋話之前20分鐘
點知我覺得等咗差唔多40分鐘
不過我覺得大家都要早啲去 可能去到玩吓電話好過
入到去法院大家其實都要尊重返法官囉
我見到有人瞌眼瞓 開庭前已經不停叫人熄電話或較飛行模式或者靜音 但係都有人喺法庭度響

入到去法官有幾個人係駁回申請
之後有幾個就係填錯表格
正常頭嗰兩批你冇份 之後佢再嗌嘅就係頒令
當日法官都有講咗一大段說話
我都覺得係一啲人生道理呢 大家不妨可以認真聽下

頒左令之後就約時間去交26頁
咁宜家就等個官搵我
我自己填 我就填每個月可以上繳幾百蚊
到時睇吓個官同我傾又點????????

但我填咗26頁去交 但係其實我都話我漏咗一項
佢問我而家欠債情況，其實我仲有一個稅務未交
但當時冇填到 咁我可以點樣處理返？
同埋個稅務係頒令前 咁我係咪都一定要交返？


講下開戶口
臨令後開左創興 第幾日之後就俾人凍咗
之後開咗永隆 咁就用咗做出糧戶口
但係我原本自己一個Citibank 都一直冇俾人凍
頒完令之後 citibank 同永隆都比人凍左
永隆入邊有幾百蚊 拎唔切出嚟
我又打去問 佢話可以去銀行度取消戶口
我問佢可唔可以拎返幾百蚊出嚟，佢話depend
我都想問吓大家有冇試過 如果要出解凍信
咁我就算數 但如果可以就咁去取消拎返幾百蚊
我都會去下


跟住開戶信嗰方面 朝早頒令 我就嘗試去用嗰個QR code 申請  佢都要等幾個鐘頭之後先可以申請
所以開戶同頒令做唔到同一日
咁但係主任都即日send到信比我 嗰時大約五點幾
我都要第日先去銀行申請
咁我填左東亞 我奉勸大家千祈唔好揀東亞
我首先去左灣仔 佢開頭同我講開戶要預約下個月先有
咁當然我話唔得啦 佢俾咗個熱線我去打
我打完之後佢都話其實佢佢都係要打去熱線
佢話如果你喺分行，不如問吓分行嗰啲人有冇其他分行可以啦？ 咁都嘈咗一輪。之後分行職員幫我打去問。 都要隔咗幾日之後先可以申請


隔咗幾日之後就去申請
咁都好快申請咗嘅 但係一個咩都冇嘅Account
冇卡 冇ebanking, 冇簿仔 冇statement
咁我都真係問咩都冇，咁我點睇自己有幾錢呀？
我用嚟出糧咁我點知佢幾時出呀
都講咗好耐
佢就幫我申請卡要$50 佢話幫我申請Statement要$10/per month 咁當然我都話 你冇仲要我俾錢 你無ebanking都算 冇簿仔？咁我點知幾時出糧？
之後佢有話wave個$10 但張卡都要等一個星期先客到

但我記得以前申請過東亞係即時有埋張卡
當然而家唔係佢哋嘅尊貴客戶即刻唔同晒

不過好就好彩佢哋啲員工都好幫手 只係d policies 好白痴 我個人唔建議

因為我都趕住出糧，同埋已經叫個官寫咗喺東亞我就費事改


而家都係怕crexx會上門
同埋我想問一問學生津貼 嗰度係會點？會搵諮詢人 大概係幾時左右？

ctm547

有正令就唔追得啦

Vtk1

想問開户流程，拎到正令，係咪要約主任先，見面同佢講要開户，佢先比封信你

Vtk1

定拎到信果日，直接上網自己申請？

coffee8888

Vtk1 發表於 14-7-2026 15:30
想問開户流程，拎到正令，係咪要約主任先，見面同佢講要開户，佢先比封信你 ...

唔駛急，正令之後，你打去約左交文件先，之後等到下晝可以網上申請個開戶信

Vtk1

通常拎到正令幾多日可以約交文件????????

Sexylady

約佢第日即刻得 不過我唔得 就頒令後隔左日去交

Vtk1

交文件果日會唔會傾埋生活費？

泥菩薩過江

正令後五日內要交文件

泥菩薩過江

交文件當日並不是經生活費

coffee8888

Vtk1 發表於 14-7-2026 17:48
通常拎到正令幾多日可以約交文件????????

頒正令個日你上完庭就可以打去約架喇，我約左後日去交文件