新入學。。。

LJL0920

我11月中舉手，12月尾上庭，今日收到信跟黃關，其實我苦惱緊我唔知到時點解釋我啲開支，我之前一直係FREELANCE做嘢，冇開BR，但就係因為冇客乜家檔都冇晒先頂唔順去舉手，我係有老公同三個小朋友，我唔係因為賭，係長期理財不善又瞞住老公，唔想佢一個人揹晒開支，就一邊接私人嘢做還點知越攪越麻煩到要舉手。（但我已經向佢坦白咗認衰）！但經濟差到冇客做我根本冇錢還，老公又失業咗幾個月先搵得返工但人工少咗一截。
想搵工又難，因為要湊小朋友。嚟緊要見黃關，都唔知點預備文件，因為生活上都係由老公俾，但我之前做嘢啲客過數有記錄　，我係咪要搵返晒出嚟俾佢？但我都冇報稅，因為我係報主婦老公供養⋯我要點解釋先好⋯

我攪破嘅時候，上網搵到林XX律師樓，其實都叫順利，只係佢話之後可以有師爺幫手跟啲報表佢會幫我執教我點答問題，但就每個月要俾 ＄2000， 我見FB好多人話唔好信佢地⋯咁我係咪真係唔好信佢？但我又唔知道點應對⋯

⋯⋯

欠一百萬

每月比2000填一年一次報表，1年比$24000填一份表格，4年4份表格$96000/.有10個呢d客，4年揾1百萬.{:4_184:}，
早知有呢d工，我唔使破產啦{:4_176:}

失控的人

千祈唔好信，自己填野好簡單（我估）填錯主任應該會通知你，破得產就唔好再有無胃負擔