我真係要行到去破產呢一步？

Ihatemymum

我因為受屋企人影響關係而有一線貸款
—————————-
上次落Ux分開，佢地話清數7萬幾蚊，
每次想傾債務重組都被拒絕，
但每月還3千幾蚊真係負擔唔到。

我現時只有6千蚊收入，失業中，
但扣番生活開支可每月供$1千幾。

如果佢地唔肯債務重組，我仲有咩路可行？
—————————

Wexxxx交左比收數公司。

原先貸款$65000，供款係$2910x36期，已經供左$2910x18期，6月份開始無供款至今，所以我應該仲差$2910x18期。

有日收數公司打黎話：「其實welxxx通知左，你只係仲差$1萬幾蚊數尾數，不如每月還$1000，有多就先比多少少當比息，快手清埋佢，大家好黎好去，完左佢就算啦」

問題係我明明仲差$2910x18期未供，點解佢只叫我一萬幾蚊清左尾數就算？
如果wexxxx真係簡簡單單一萬幾蚊清數，我應該要點做？
例如還之前要點做？還左之後又應該要點做？
——————
先多謝大家幫忙解答，希望最後唔洗要行破產呢條路啦。

endlessdark

去哂收數，唔使DRP重組啦！TU差到無人敢做。得IVA可以行，但係收費同金額成正比，如果返普通工唔係專業人士，不如破產算。收數公司會收你金額20-30%收費，另外加係借款到，大約就係你講既萬幾。還左就去要求洗TU刪除借貸紀錄，特別係拖數既紀錄。還之前叫佢確定金額，問下有無清數證明。收入唔夠就返多分工試下，頂唔到真係入學啦！

Yuyuyuu

月薪6千做咩Drp iva都係曬氣。但欠債個幾萬蚊破產又低能。其實搵份工做，幾個月就清晒數啦

Ihatemymum

Yuyuyuu 發表於 15-10-2025 20:48
月薪6千做咩Drp iva都係曬氣。但欠債個幾萬蚊破產又低能。其實搵份工做，幾個月就清晒數啦 ...

我番工時間有限 只可以番平日幾個鐘
晚更假日番唔到  有屋企人要照顧
我啲工作時間好多都唔請 我都仲搵緊工

endlessdark

Ihatemymum 發表於 15-10-2025 22:30
我番工時間有限 只可以番平日幾個鐘
晚更假日番唔到  有屋企人要照顧
我啲工作時間好多都唔請 我都仲搵 ...

要屋企人就破產，要自己就返正職正常時間，環境咁差仲想搵工就你時間？夜又返唔到，假日又返唔到，辦公室又唔使諗，普通勞動工作假期要返，或者夜更保安又唔使返，無可能搞得掂，投降算啦！批你iva, drp都要睇你收入，穩定，就算好彩批到，你中間供唔到又係要破。

richardchow

同佢地講，錢就冇啦，柒一條要唔要？