取消破產呈請（2）

TomC123

基於上一個post 有師兄問可唔可以講一講個程序係點？
咁我又費事去到咁尾嗰板大家又睇唔到，所以我重新開多個post。

各位師兄
撤銷呈請程序已經成功
咁我講吓我個做法啦：
首先我喺上庭之前（一個星期前啦）就重新做咗份誓章，跟住就入紙話要取消個呈請順便傳埋檔。咁到上庭嗰一日呢，你入你個court之前呢咁咪要登記資料,同嗰位書記再講多次，你想取消呢個申請。正常情況底下佢就會mark 低你資料。咁到你正式入去庭入邊。咁每個官有每個官唔同嘅做法啦。咁今日呢個官呢佢就趕走咗啲要改資料嘅人先之後就讀一啲資料/文件冇問題嘅人就問佢哋係咪真係要做呢個呈情（意思即係當刻佢問你，你都仲可以揀做定做）咁之後呢佢就會做一啲提前講咗撤銷呈請嘅人。咁老實講佢都問我哋係咪真係要取消，跟住講返嗰啲堂費點樣樣退跟住就走得喇。咁成個過程就係咁。佢亦都冇特別問題要問

Reborn818

1. 通常你取消呈請，當然要通知債權人，但你取消得呈請一般就係，搵親人幫到手，一次過還晒或做其他債務舒緩方案（如DRP)，自然會同佢地聯絡，所以唔覺得唔需要登報。
2. 法庭存檔會有你嘅紀錄，但唔會影響你任何嘢。
3，4，6我一次答
Tom師兄早一星期做，因為佢搵左律師處理，其實即使你前提宣誓做晒所有文件，都要上庭當日等法官正式宣判你嘅呈請撤銷，先算生效。
因為之前我頒令前，有諗過撤銷，亦同TOM師兄一樣做得到DRP（但一線財仔有10幾萬做唔到），結果計來計去都係老破算。因為我自己搞，打左電話去資源中心，佢就同我講只要你上庭當日喺登記處講咗，到法官正式撤銷，然後書記就會比表格你填叫你去宣誓，所以我覺得上庭當日去搞係最簡單。
5. 宣誓唔使約期，喺高院底層（唔記得或L2定3，其中一間房你跟住排隊就得。
7. 存檔文件親身喺高院度交，填好表格同誓章宣誓完，去另一層，撳張A飛等叫Number，埋去櫃檯職員會幫你搞（但記住帶張實體八達通去俾錢影印）。都存左檔仲邊做Fax
8 .至於其他債權人，如果你搵律師做緊其他債務舒緩方案，佢自然會通知佢。

TomC123

bankruptcy01 發表於 30-5-2025 10:58
各位師兄大家好，我本身都已經經三姓遞咗呈請，排咗期7月頭進行聆訊。但我而家都打算取消返嗰呈請，但程序 ...

1. 登唔登報我就真係唔知啦，不過你有責任通知返你啲債權人。又或者如果你想同你啲債權人傾之後嘅還款條件，你都應該要搵返佢哋。
2. 冇記錯嘅話：破產管理署嗰邊正常就唔會有，技術上講你唔係破產人士但係TU上邊會有記錄申請。
3. 係
4. 簡單講一講你依家想取消返個呈請咁就OK 㗎啦，唔需要俾啲咩額外文件。
5. 去返高等法院，隨時都得（辦公時間內）
6. 其實冇只係將嗰份誓章，同埋你要撤回申請嗰封信交俾法庭存檔就OK
7. 正常你要喺高等法院宣誓，所以比文件呢個動作其實都一齊進行㗎啦
8. 你正式撤回咗之後，當你份正式文件喺你手上，你就可以同你啲債權人去講返

如有啲乜嘢錯漏，請各位師兄再指點一下

Reborn818

恭喜晒，終於搞掂哂。印象中堂費應該退一半。

TomC123

Reborn818 發表於 27-5-2025 12:03
恭喜晒，終於搞掂哂。印象中堂費應該退一半。

del

Anmi2019

多謝你嘅分享，恭喜哂，咁法庭之後有無話會出噃張撤銷令/任何証明畀你

TomC123

Reborn818 發表於 27-5-2025 12:03
恭喜晒，終於搞掂哂。印象中堂費應該退一半。

好似4千幾

咁呢個就俾大家參考吓。
同埋都即係同大家講：諗清楚先至再決定，同埋做決定嗰陣時就真係搵啲正經嘅。因為其實成個過程都好麻煩。你要不停等等等。好多嘢亦都真係想做都做唔到。所以真係要諗清諗楚。

總之我最後要講嘅嘢就係：未入學嘅要諗清楚，同埋唔好俾人呃。入咗學嘅就希望以後都順順利利。

TomC123

Anmi2019 發表於 27-5-2025 12:15
多謝你嘅分享，恭喜哂，咁法庭之後有無話會出噃張撤銷令/任何証明畀你

有，要2-3星期左右喎 ：（
而且中間亦都冇所謂臨時文件。

Anmi2019

TomC123 發表於 27-5-2025 12:17
有，要2-3星期左右喎 ：（
而且中間亦都冇所謂臨時文件。

噢，又要等@@ 之後要親身返法庭拎？

Reborn818

Anmi2019 發表於 27-5-2025 12:24
噢，又要等@@ 之後要親身返法庭拎？

應該同破產令一樣寄俾你。

TomC123

寄俾我啦。  
不過亦都有人同我講：可以今日打後一兩日或者兩三日試吓去銀行問一問。所以最壞嘅情況都係等囉。

高等法院嗰個同事都搞笑，同我講咪等吓囉，好快啫。當下我俾唔到反應。而破產管理署嗰邊就真係真係冇用嘅。任何嘢都話唔知唔係佢決定幫唔到乜都冇。  

所以我都係奉勸各位，諗清楚！諗清楚！諗清楚！同埋做好兩手準備。另外一樣最重要嘅就係，唔好俾人再佔到便宜！！依家我哋缺少嘅係乜嘢？真係唔好再俾人搶！！

Reborn818

TomC123 發表於 27-5-2025 13:49
寄俾我啦。  
不過亦都有人同我講：可以今日打後一兩日或者兩三日試吓去銀行問一問。所以最壞嘅情況都係等 ...

銀行個邊正常應該好快搞掂，放心啦。
算啦，搞掂就算，雖然覺得啲仆街律師真係..
希望令一位朋友仔，自己去順順利利撤銷呈請，咪益D PK。（雖然我明白嗰啲PK，講到好似冇咗佢哋搞唔到咁，一般人都費事煩俾錢算）

Reborn818

其實你開庭之前填表宣誓佢存檔，同今日上完庭先走去法院底層宣誓，再去存檔同交返俾破產管理局，要等銀行解凍嘅時間都係一樣，因為始終都要等法官正式判決咗，宣布你撤銷呈請先可以做嘢

TomC123

Reborn818 發表於 27-5-2025 14:04
其實你開庭之前填表宣誓佢存檔，同今日上完庭先走去法院底層宣誓，再去存檔同交返俾破產管理局，要等銀行解 ...

當然走去存檔宣誓啲就最穩陣啦。因為我今日見到嘅其實都係喺個官面前講你仲需唔需要呢個呈請，佢亦都冇講之後要做啲乜嘢

TomC123

Reborn818 發表於 27-5-2025 13:59
銀行個邊正常應該好快搞掂，放心啦。
算啦，搞掂就算，雖然覺得啲仆街律師真係..
希望令一位朋友仔，自己 ...

律師都還好，起碼佢真係律師
最撚仆街嗰啲就係啲濕鳩中介
就係睇中好多人都唔知/唔清楚呢啲程序
作得就作，搶得就搶

Reborn818

TomC123 發表於 27-5-2025 14:18
律師都還好，起碼佢真係律師
最撚仆街嗰啲就係啲濕鳩中介
就係睇中好多人都唔知/唔清楚呢啲程序

唉，市面上真係好多呢啲濕鳩中介。
而家一切唔好既都過咗去，祝師兄之後一切順順利利。

Reborn818

TomC123 發表於 27-5-2025 14:08
當然走去存檔宣誓啲就最穩陣啦。因為我今日見到嘅其實都係喺個官面前講你仲需唔需要呢個呈請，佢亦都冇講 ...

如果你冇之前未搞，法官宣佈撤銷後，法庭書記會教你所有程序（會有張指引俾你跟住做）

TomC123

Reborn818 發表於 27-5-2025 14:29
唉，市面上真係好多呢啲濕鳩中介。
而家一切唔好既都過咗去，祝師兄之後一切順順利利。 ...

我嗰個所謂幫我處理嗰個人
琴日打電話俾我同我講乜嘢啊
話有份唔知咩文件（佢好似講咗話乜嘢撤銷破產令）佢幫我代簽喎，因為費事我走來走去
我都廢撚事睬佢，我哦咗一聲就算
你話靠呢啲咁嘅仆街真係死得啦

Reborn818

TomC123 發表於 27-5-2025 15:52
我嗰個所謂幫我處理嗰個人
琴日打電話俾我同我講乜嘢啊
話有份唔知咩文件（佢好似講咗話乜嘢撤銷破產令） ...

之後應該電話都唔使再聽佢了

bankruptcy01

各位師兄大家好，我本身都已經經三姓遞咗呈請，排咗期7月頭進行聆訊。但我而家都打算取消返嗰呈請，但程序方面有啲唔係好熟想請教吓大家。喺爬咗兩篇文（呢篇＋標題係「取消破產呈請」嗰篇）之後，我都整理咗少少筆記，方便以後有緣見到呢個post嘅師兄可以參考吓
以下嘅資源來源大部份都係嚟自TomC123同Reborn818師兄，好多謝你地比咗咁實用嘅資料

＝＝＝＝＝我是分隔線＝＝＝＝＝

【撤銷破產呈請程序】
1）（上庭一星期前）
重新做咗份誓章。要去高等法院重新寫過一封嘢／做咗份文件話撤銷呢個申請，書面通知法院。入紙話要取消個呈請
2）去宣誓
3）交表格
4）去存檔
5）（上庭當日排隊登記時）
入court前要登記資料，同職員／書記講要撤銷破產呈請。如果佢問係咪有律師代表，可以話佢哋幫我搞呈請，但我想撤銷佢要收我xxxx，我已無力支付，所以自己搞。你想取消呢個申請。正常情況底下佢就會mark 低你資料
6）（上庭時）
每個官有每個官唔同嘅做法啦。今日呢個官呢佢就趕走咗啲要改資料嘅人先，之後就讀一啲資料/文件冇問題嘅人就問佢哋係咪真係要做呢個呈情（意思即係當刻佢問你，你都仲可以揀做定做）
咁之後呢佢就會做一啲提前講咗撤銷呈請嘅人。法官就會問清楚你是否撤銷＋問你原因，話有家人幫我就得。跟住佢講返嗰啲堂費點樣樣退跟住就走得喇。佢亦都冇特別問題要問  <-- 如果你冇之前未搞，法官宣佈撤銷後，法庭書記會教你所有程序（會有張指引俾你跟住做），教你點做＆填form＋俾張紙指示你去宣誓同存檔。

〖上庭當日衣着〗
只要唔係短褲背心（有啲法官會出聲話你），乾淨整齊就可以了。

〖法庭之後有無話會出噃張撤銷令/任何証明畀你〗
有，要2-3星期左右喎，而且中間亦都冇所謂臨時文件。

〖銀行戶口解封〗
- 正式撤銷呈請後，破處會通知金融管理局，一般五至七個工作天就會所有銀行戶口解返凍。
- 要等法官正式判決咗，宣布你撤銷呈請先可以做嘢。上庭後再加多兩至三個禮拜應該就最穩陣
- 寄俾我啦。不過亦都有人同我講：可以今日打後一兩日或者兩三日試吓去銀行問一問。所以最壞嘅情況都係等囉。 <-- 銀行個邊正常應該好快搞掂

〖唔批准你呢個撤銷嘅申請？〗
- 點會唔批准？正式頒令前你都有權撤銷呈請。

〖自己搞／搵律師代辦〗
- 如果律師要另收費自己去搞啦，其實好簡單。律師想收錢當然又話點點點
- 如果唔想俾錢律師樓賺（根本冇需要仲要收咁貴），自己去搞。
- 自己去順順利利撤銷呈請，咪益D PK。（雖然我明白嗰啲PK，講到好似冇咗佢哋搞唔到咁，一般人都費事煩俾錢算）
- 唔係一定要俾錢佢哋賺的，根本簡單到嘔。

〖其他〗
- 我冇記錯，如果你係有律師代表你自己再上庭好似都唔會有人理你。同律師樓講頒令當日暫緩唔使佢代表就得。
- 印象中堂費應該退一半，定好似4千幾
- 破產管理署嗰邊就真係真係冇用嘅。任何嘢都話唔知唔係佢決定幫唔到乜都冇。

〖資源〗
無律師代表訴訟人資源中心
電話：2825 0586

＝＝＝＝＝我是分隔線＝＝＝＝＝

〖我嘅問題〗
1. 我見到三姓律師行官網寫如果取消呈請的話要登報通知債權人，係咪真㗎？
2. 其實如果取消咗破產呈請之後，破署嗰邊仲會唔會留有紀錄？
3. 想請問一下誓章係咪就係用返高等法院「HC-誓章（高院民事訴訟／雜項／破產案件）嗰一份？
4. 誓章嘅內容其實應該寫啲咩？係咪簡單寫返自己希望徹銷破產呈請同埋有關原因就OK？有冇需要交相關文件證明？
5. 宣誓駛唔駛約期？係應該去邊度進行宣誓？
6. 我見到有師兄話宣誓後要交表格／文件，想請問除咗誓章之外仲有冇其他文件／表格需要遞交？
7. 存檔係咪親身去返高等法院度交就OK？我見有師兄表示要fax去高等法院。
8. 我有冇需要將有關文件嘅副件fax／寄埋比我債權人通知佢地？

謝謝你地！