準備舉手

Reborn818

咁朋友有經驗會好好多。份糧你自己諗下開唔開住其他細銀行用住先，或現金票囉。份工就真係比較難俾意見你了，放鬆心情，搞左老破，其他再慢慢諗啦。

Reborn818

Yy012345 發表於 24-5-2025 17:57
同埋如果我5月29號呈請出臨時令。如果真係6月2號返工老闆係唔會知道我老破對嗎？ ...

其實如果你唔係政府工，或者某d需要專業牌照嘅行業，你唔講老闆唔會知你破左產的。

Yy012345

Reborn818 發表於 24-5-2025 19:17
咁朋友有經驗會好好多。份糧你自己諗下開唔開住其他細銀行用住先，或現金票囉。份工就真係比較難俾意見你了 ...

HSBC同恒生一早封左我，可能因為之前賭錢啲錢出出入入，得返中銀一個户口。如果我6月30號前去開細銀行户口佢就唔會凍結？如果係我呢幾日去開？要29號前定29號後去？因為6月2號返工嘅話之後得禮拜六日放假。就真係得返下個星期嗰幾日得閒去開戶口。同埋點解一定要細行既？如果開花旗銀行嗰啲得唔得？

Yy012345

Reborn818 發表於 24-5-2025 19:18
其實如果你唔係政府工，或者某d需要專業牌照嘅行業，你唔講老闆唔會知你破左產的。 ...

咁就好了。目前只要搞掂好出糧就OK

TomC123

Yy012345 發表於 24-5-2025 20:13
HSBC同恒生一早封左我，可能因為之前賭錢啲錢出出入入，得返中銀一個户口。如果我6月30號前去開細銀行户 ...

佢嘅意思其實係呢，你依家走去開細行呢都係頂到你頒令之前㗎咋，因為一正式頒令你都係會俾人凍哂。

Yy012345

TomC123 發表於 24-5-2025 20:21
佢嘅意思其實係呢，你依家走去開細行呢都係頂到你頒令之前㗎咋，因為一正式頒令你都係會俾人凍哂。 ...

咁都好呀，如果去細行開可以收到六月30份糧既話。之後七月上庭有左正令就再算。有冇話去細行開戶口要5月29號呈請前開定呈請後開？同埋想問吓戶口凍結之後幾耐可以解凍啊？之後所有破產人士係咪只可以得一個銀行戶口？

Reborn818

其實原則上，遞交呈請後破產管理處就會通知金融管理局，所以銀行就會收晒風，呈請後理論上已經開唔到任何銀行戶口。但睇舊文好多同學仔喺呢段時間，都係開住啲細銀行後頂住先（創x, 小新，永x)，一般都可以用到正式頒令，但至於實際係咩原因我又真係唔知點解。
正式頒令後所有銀行戶口會幾日內就收檔，如果你要開戶口，要填表格同提供工作資料，問佢哋攞開戶信，破產人士只可以開一個儲蓄戶口，唔可以開綜合。

Yy012345

Reborn818 發表於 24-5-2025 21:32
其實原則上，遞交呈請後破產管理處就會通知金融管理局，所以銀行就會收晒風，呈請後理論上已經開唔到任何銀 ...

支票有效期係咪六個月？我諗最差嘅打算就係六月七月嘅糧，兩張支票要喺解凍後先入落戶口？如果公司自動轉賬嘅話啲錢都可以入到去中銀，只係我冇得提款？要等解凍後先可以有返提款功能？

Yy012345

因為我應該七月中先上庭可唔可以八月就解凍戶口入返六七月兩張支票？但係我又唔知道公司嘅支票有效期。。。

Yy012345

Reborn818 發表於 24-5-2025 21:32
其實原則上，遞交呈請後破產管理處就會通知金融管理局，所以銀行就會收晒風，呈請後理論上已經開唔到任何銀 ...

咁可唔可以分享吓你之前呈請後到解凍戶口嗰段時間係點樣出糧？

Reborn818

Yy012345 發表於 24-5-2025 21:50
支票有效期係咪六個月？我諗最差嘅打算就係六月七月嘅糧，兩張支票要喺解凍後先入落戶口？如果公司自動轉 ...

支票有效期係六個月，但所謂戶口解凍佢只係出封送俾你去提款（只能夠一次）。頒令後如果你唔申請保留幾日後就連呢個戶口都會冇埋（綜合無得保留）。如果你公司肯開支票，如果無劃線，咪去排隊攞身份證去提現金，如果劃左線，而你又唔等錢用的話，就頒令即刻去問佢攞開戶信嗱嗱臨去開戶口先再入。

Reborn818

Yy012345 發表於 24-5-2025 21:50
因為我應該七月中先上庭可唔可以八月就解凍戶口入返六七月兩張支票？但係我又唔知道公司嘅支票有效期。。。 ...

所謂解凍唔係你所諗咁樣樣㗎，只係解凍一次俾你拎錢

Reborn818

Yy012345 發表於 24-5-2025 21:52
咁可唔可以分享吓你之前呈請後到解凍戶口嗰段時間係點樣出糧？

我呈請前一個月舊公司摺埋，所以基本上等頒令時冇出糧嘅煩惱。
頒令後俾咗新工作資料，然後就攞住開戶信開新既儲蓄戶口。

Ckck88520

戶口嘅嘢好死嘅啫，上繳幾多，睇吓你到時跟外判定跟官先啦、跟住個閪嘅，講咩都無用

Yy012345

Ckck88520 發表於 24-5-2025 22:31
戶口嘅嘢好死嘅啫，上繳幾多，睇吓你到時跟外判定跟官先啦、跟住個閪嘅，講咩都無用 ...

遇到個系既我辭職唔做失業4年算

Reborn818

Yy012345 發表於 25-5-2025 01:49
遇到個系既我辭職唔做失業4年算

唉，如果跟到個西既，你失業躺平佢會個星期捉你上去解畫，到時人都顛。
最多咪生活費計到盡，多蚊都唔俾者，又唔使咁灰既。

Yy012345

唉，我而家只希望如果返全職過到試用期，然後可以俾我出去租樓住。如果住公屋每個月上繳13500到真係48個月還哂破又好似好傻咁。但係呢一刻都好迷惘，只可以見步行步

Reborn818

Yy012345 發表於 25-5-2025 12:14
唉，我而家只希望如果返全職過到試用期，然後可以俾我出去租樓住。如果住公屋每個月上繳13500到真係48個月 ...

其實唔會唔俾你出去租屋住的，但當然租太貴會challenge你，你搵間價錢正常一般無問題的。到時話俾人追數之後，成日同屋企人鬧交，屋企人要趕你走囉。
其實上繳，一般你收入高，佢生活費會鬆手D，到時先算啦。
祝一切順順利利。