大銀碼存入，拗唔拗得贏？

ho940505 · 发表于 3-3-2025 02:42:02

細佬上年有份短期工作兩個月去咗外國做嘢，香港公司幫我份合約寫萬零蚊。另外有5，6萬入咗我戶口，果萬幾蚊係公司名入，自動轉賬有寫salary，有報稅，有供mpf 。另外果幾萬就係用食錢機，櫃檯入，無公司名入。以上情況持續咗兩個月。到上個月交年報，佢就要我解釋點解會有果幾筆大銀碼。我同佢講係公司比我既petty cash,並唔係我既人工，咁當然冇文件證明係petty cash啦，請問各位師兄有冇拗得贏？

金龍華 · 发表于 3-3-2025 08:45:41

我都唔會信囉！

攪到我頭痛 · 发表于 3-3-2025 20:35:48

其實破緊產，點解仲要拎出糧戶口做啲咁嘅交易，你解釋真係預要自己嘔出嚟

攪到我頭痛 · 发表于 3-3-2025 20:37:33

解釋唔到，預左自己嘔出嚟

Terea · 发表于 3-3-2025 20:44:54

見外判時職員有提過我，個銀行戶口只可以作出糧用途，其他存入會視作額外收入，其他交易可導致凍結戶口。

timmoz · 发表于 3-3-2025 21:00:15

假宣誓，假文件，俾返錢基本，仲可以俾人告坐監，已經係欺詐，你自己傻就好唔好當其他人傻，法官都唔會信。你咁有料咪叫公司出證明，佢肯出埋假文件，要坐埋監

Yuyuyuu · 发表于 3-3-2025 22:04:54

又有報稅又寫到明salary，你自己解釋完有冇心虛？

最後生還者 · 发表于 4-3-2025 01:07:34

Petty cash 笑死

Lopaul · 发表于 4-3-2025 05:35:50

Petty cash要入你戶口？你解得通先算我就諗唔到有咩職業要咁做依家唔止要嘔你仲諗住避稅依家認又等如你講大話唔認等官判可能仲大獲點解唔諗清楚就搞咁大壇野

攪到我頭痛 · 发表于 4-3-2025 11:11:30

樓主，可以嘅話更新下事態發展

ho940505 · 发表于 6-3-2025 23:43:26

上咗律師行解釋，因為我係跟老闆出國工作，因為工種問題，我真係有需要袋petty cash.因為我人在外國，香港公司只可以入我香港銀行戶口，我比哂雇傭合約，同埋公司比我既糧單佢睇。佢淨係叫我即場寫返封聲明，話果幾筆係公司入比我作工作用途。佢當時無要求我嘔返出嚟，不過以後會唔會秋後算賬就唔知啦

攪到我頭痛 · 发表于 7-3-2025 11:57:03

ho940505 發表於 6-3-2025 23:43
上咗律師行解釋，因為我係跟老闆出國工作，因為工種問題，我真係有需要袋petty cash.因為我人在外國，香港 ...

解釋唔到點解要去食錢機入咁大數去戶口，只可以講博破產主任信你

timmoz · 发表于 7-3-2025 17:27:51

ho940505 發表於 6-3-2025 23:43
上咗律師行解釋，因為我係跟老闆出國工作，因為工種問題，我真係有需要袋petty cash.因為我人在外國，香港 ...

等佢出信叫你拎老闆公司證明，一定唔會就咁算，實咬住。袋petty cash又要入戶口當人傻

		自动登录	找回密码
密码			註冊

大銀碼存入，拗唔拗得贏？

浏览过的版块