終於畢業了，多謝論壇各位陪我共渡時艱

希望難關快過

收到不反對確認信，終於過咗4年，拎到封信嗰刻，真係有啲感慨。之後會去埋高院申請解破，解埋呢個心結。

好多謝呢個論壇嘅幫助及陪伴，呢4年有好多迷茫，有困難都好在有呢度可以support，雖然極少發言，但我好努力爬文，睇下大家有冇同我一樣嘅情況及疑問，知道答案後個心都會定啲。希望各位同學要珍惜呢個論壇，因為入咗學好多時好難同人傾，冇經歷嘅人係唔會明白我哋嘅情況。。。

即將畢業嘅同學，恭喜你！未畢業嘅同學繼續撐住，解破日始終會到！4年後又一條好漢！

謝謝管理員及各師兄師姐，謝謝大家！