破產後大家性格如何？

samuel · 发表于 29-12-2024 19:59:43

想問下咁多位師兄師姐，你地破產後性格有冇咩轉變？
尤有家室，你地老公或者老婆有冇冷言冷語？
我既經歷係破產後，自己填表上破產管理處搞，之後得番幾舊水等出糧，問太太借一千去銀行開戶口，開頭問口口聲聲話借，到要開戶果日粒聲唔出幫都唔幫，其實自破產後我開始收埋自己，除左寫字樓上司知太太知同一部分朋友知之外，根本唔想再有人知，畢竟破產喎～邊有人想有人知？
好喇，到最近排到公屋理應係開心，太太話要我幫手俾錢出黎，但破產後我何來有錢搞裝修同買傢俬電器？租交緊但未裝修，唯有得閒就自己上去坐下，畢竟錢俾左，都叫做係自己另一個屋企
但係，間屋我其實有另一個用途，就係將來同太太離婚時候屋係佢同仔既居住地方，話就話想有家人支持同鼓勵，但破產有幾多人會得到支持同鼓勵？冷言冷語就多！
唉…唔知點再寫好，越寫越心煩！！！

samuel · 发表于 29-12-2024 23:16:48

外圍撚發表於 29-12-2024 21:38
一律建議離婚，其實自己一個更開心女人都係見錢開眼無幾多個會阿你捱

其實我有解釋過咩事向銀行借錢，我唔係賭波賭馬過大海賭，我向銀行借錢係買股票，結果輸晒，咁做都係想改善家人生活，錢係有賺過，結果輸番晒落去，女人唔信，覺得我借左錢但冇同佢地享受過，破產前都唔出聲，意思係佢搵人借錢幫我還債，我話唔使，債係我自己造成，還唔起就破產，始終責任在我度，冇必要四圍借俾人知
開戶前我問佢借一千佢唔幫，我已經心灰意冷，當初唔幫就算，我自己問朋友借，開完戶口即刻還番俾人，排到公屋安排到佢地上樓我就想離婚，叫做安頓好佢兩母子有間屋住

外圍撚 · 发表于 29-12-2024 21:38:46

一律建議離婚，其實自己一個更開心女人都係見錢開眼無幾多個會阿你捱

欠一百萬 · 发表于 29-12-2024 22:47:46

你個仔成年未?如果未,離婚個仔撫養權歸你太太，你就要遷出公屋.

samuel · 发表于 29-12-2024 23:04:29

欠一百萬發表於 29-12-2024 22:47
你個仔成年未?如果未,離婚個仔撫養權歸你太太，你就要遷出公屋.

其實而家同太太已經冇乜兩句，個仔我都小左理佢，因為個仔由細到大都係外母湊，所以佢特別聽婆婆同呀媽話，我話佢第一時間就係喊，一喊我就俾呢兩毎女人鬧，所以收到上公屋封信同身邊啲朋友同事講，佢地仲開心過我，個個恭喜我，但我都唔知俾咩反應好…
我而家係同父母住，間公屋預左要遷出，撫養權都會放棄

mirror0822 · 发表于 29-12-2024 23:34:27

點解我去中銀開戶口。本來都諗住要1000蚊開。點知完全唔駛錢開的。開左戶口結餘係0雞包。

外圍撚 · 发表于 29-12-2024 23:36:56

mirror0822 發表於 29-12-2024 23:34
點解我去中銀開戶口。本來都諗住要1000蚊開。點知完全唔駛錢開的。開左戶口結餘係0雞包。 ...

滙豐要入500 但可以立即拎返出黎

timmoz · 发表于 30-12-2024 02:32:20

通常變得自卑，暴躁，精神分裂，最常見就抑鬱

Yuyuyuu · 发表于 30-12-2024 08:41:40

外圍撚發表於 29-12-2024 21:38
一律建議離婚，其實自己一個更開心女人都係見錢開眼無幾多個會阿你捱

你咁講就唔啱，唔可以將責任怪晒落個女人度，你要睇破產既原因係咩。如果係賭，又唔聽身邊人勸要收手，我覺得係自己抵死架喎。

Yuyuyuu · 发表于 30-12-2024 08:46:56

samuel 發表於 29-12-2024 23:16
其實我有解釋過咩事向銀行借錢，我唔係賭波賭馬過大海賭，我向銀行借錢係買股票，結果輸晒，咁做都係想改 ...

正常股票唔會輸晒，亦唔會搞到傾家蕩產。你一定係買槓桿產品或者妖股先會搞到咁。咁呢啲都係叫賭，唔洗呃自己呢啲係投資。我自己都係買股票買牛熊開埋孖展搞到輸晒，諗返起根本同賭無分別，全部炒即日，根本唔係長線投資。

外圍撚 · 发表于 30-12-2024 09:50:10

Yuyuyuu 發表於 30-12-2024 08:41
你咁講就唔啱，唔可以將責任怪晒落個女人度，你要睇破產既原因係咩。如果係賭，又唔聽身邊人勸要收手，我 ...

抵死要承受既後果咪破產。你另一伴接受唔到既就分開唔好扮係接受完日9日係到拎破產依樣野黎講當然前提已經知錯改左你唔好既習慣。

a981142 · 发表于 30-12-2024 12:59:27

samuel 發表於 29-12-2024 23:16
其實我有解釋過咩事向銀行借錢，我唔係賭波賭馬過大海賭，我向銀行借錢係買股票，結果輸晒，咁做都係想改 ...

你所謂投資無同佢商量過,破產又前一日先通知,佢可能覺得你唔尊重佢
其實做錯果個係你,無得要求老婆一定要體諒或者幫你
雖然聽落都有d不近人情,但中間好多事你地先知
傾下啦,如果夾唔到就離婚
至於裝修,大有大搞,細有細搞,公屋有哂基本油
淘寶地板,買幾件傢私已經住得,而家凍冷氣都可以唔洗住
都係無錢可以去fb,好多免費傢私,或者而家間屋搬過去
總之唔係想像中咁多錢,可以好慳,第日有錢再裝修過

pangpang888 · 发表于 5-1-2025 23:44:45

有冇tg谷交流下

yuetyiuyo · 发表于 13-1-2025 22:10:30

表示23年8月破產既我我覺得係重生 (原來已經過左一年多)
俾左自己好多機會去諗你尼緊條路要點捱破產係一個好重要既決定屋企人得悉嘈左獲金可以話係關係因我變得好差
但我知道今次衰左就吾好再令人失望令自己失望好多人破產係因為賭錢好賭而我其實已經有一次係信用卡碌大左屋企人救左我再次因信用卡爆煲冇錢還幸好既係我借果D都算係正規既一線財差差吾多$240,000左右我相信時間可以改變亦能證明錯左可以重來前提係你要拒絕誘惑加油
共勉之{:1_1:}

loevon · 发表于 11-2-2025 19:33:11

個人靜左，簡單左，其實無乜特別，起碼每個月準時上繳就無乜問題

最後生還者 · 发表于 11-2-2025 21:34:29

破產正常眾叛親離，冇乜特別。物質世界本身係咁。破產原因完全唔重要，冇錢就係原罪。相反亦然，有錢理得你走私定賭錢炒股，一樣得人尊重

jasonskw2011 · 发表于 12-2-2025 08:54:53

我今年新年無去見親戚團拜飯局，我自斷絕關係。老豆依依俄俄鬧我，老豆都少見，同老母同住，又係依依俄俄疾頭疾勢，無親戚利是，得老豆老母阿哥利是

最後生還者 · 发表于 12-2-2025 10:15:49

樓主睇開D啦。無試過眾判親離唔好話自己破過產

		自动登录	找回密码
密码			註冊