小眾會賣我條數比收數公司嗎？

Lousiu

各位師兄師姐好，本人2012年借過小眾50K,分5年還的。咁我都準時還咗20-24期。 當時同家人A聯名供緊一層樓。 而當時我係外國工作中，係2014咁家人A唔掂檔之後，我簽咗授權書比佢賣樓，，叫佢幫我搞掂埋，但好快就比按揭銀行強拍咗，佢收咗剩餘錢後就走咗佬。成件事好快 大約2個月左右，我之後一直都聯絡唔到佢。

而我番到香港後又一直逃避咗好多年。最近工傷發生意外，準備要索償公司保險。咁我都準備要面對番呢件事。
有幾個問題想請教下大家，因為我唔想自己查TU住。

如果本金剩餘係3萬幾，小眾會唔會賣條數比收數佬或者黑財？

而我索償公司勞保時，保險公司會唔會將我個人資料上去TU呢？

最後如果因為呢單保險令小眾搵到我，其實我而家係想花幾個月時間先準備15000蚊左右比佢地再同佢地講分期每月3000還2年 即係總數還87000左右，大家覺得有計傾嗎？ 唔該晒咁多位先。