破產漢中六合彩一夜翻身..(破產人無禁參與賭博)

小林林

發下夢都好,個個都想一朝發大達

301

窮途未必末路 破產也可發達 常言道：「窮途未必末路！絕境也可逢生！」不過，記住一定要買六合彩！如果唔係，連個天都幫你唔到，想話「絕境逢生」？好難咯！近日坊間流傳一單新聞，話說有位破產人士，用35蚊買7個號碼複式自選組合，1注獨中6月14日開彩的六合彩頭獎，獨得鉅獎3,700餘萬元，立刻申請撤回破產令。

或者有人會懷疑，係真唔係真呀？邊個咁好彩呀？叫佢企出嚟吖！唔好意思！即使千呼萬喚，都一定唔會有人企出嚟認！有關方面又係例牌以「保密」為理由，唔會披露中獎人士嘅身份，只係順便透露，由今年1月至今，有8位幸運兒中到獎金高達3,000萬元嘅六合彩頭獎，即係提醒閣下：「想做千萬富翁？記得買六合彩呀！」咁啱得咁蹺，單新聞流傳出來當天開彩的1期六合彩，由於之前連續4期冇人中頭獎，「積噗」去到20,785,925元，預計1注獨中頭獎，獎金高達3,200萬元！也難怪會有人懷疑「破產人士中鉅獎！」是否老作？ 斷估又唔會係老作嘅，要老作嘅就作得曲折離奇啲都得喇！點會簡簡單單淨係講係1個破產人士中就算？假如樣樣都要懷疑，奉勸閣下千祈咪買六合彩，唔係容乜易連電視現場直播搞珠都會懷疑係造假？

麥識時提供：3 11 15 29 34 47

新報
六合彩2009-08-25

小林林

今晚有多宝,又可以發下夢

samanthang1022

我都想中6合彩呀,點解無我份

老柴

如果買六合彩都無事，咁可唔可以買 3T 或 六寶半全場 既"電腦彩票"，又或者過澳門拉吓老虎機，分分鐘都可以翻身:hug:

小林林

原帖由 老柴 於 2009-8-27 21:49 發表
如果買六合彩都無事，咁可唔可以買 3T 或 六寶半全場 既"電腦彩票"，又或者過澳門拉吓老虎機，分分鐘都可以翻身:hug:

只要解釋到你投注d錢從何來就無事:time:

老柴

我嗰時都有過澳門，成日想拉老虎機，但又怕中巨奬被影相而加監

bb_q_888

幫老婆拉....(但張票出你個名,會比破署末收)