找回密码
 註冊
查看: 1646|回复: 4

延期頒令

[复制链接]
发表于 5-7-2021 10:41:39 | 显示全部楼层 |阅读模式
各位好呀!我係自舉既,原定今日頒令,但係毫不意外地要改文件延左期!
講下今日情況先,咁我今朝早去法院途中預先係政府既法庭日誌(https://e-services.judiciary.hk/hr_enq/?lang=TC)到用舉手個時攞到既No.查到今日會係邊個庭同幾樓聆訊,所以入左黎之後就直接入lift。
不過地下大堂要過安檢,同唔比帶水或液體,各位係之後黎既可以就咁帶個樽或者唔帶,因為保安唔比入。

咁我過左安檢上到去之後,門口行入去會有個櫃位做破產案登記,比左身分證書記姐姐做登記之後,書記會問多次今日係咪要繼續破產,咁我要入冊就當然話係啦!不過眼見在場都有唔少人今日取消申破轉傾債務重組,唔怪得銀行之前會打黎問做唔做重組啦!
咁跟住書記遞左張紙仔比我,話文件唔齊要改,之後要跟住張紙仔寫既日期時間黎高院改文件,咁張紙會寫住你既破產案編號,改文件既日期、時間同地點,跟住下面係聯絡人既名同電話,最底個行係新既聆訊日期同時間。
問過書記,佢話陣間開庭既時候會再叫多次名,有咩問題到時再問。
咁我就等啦,等到夠鐘開庭,佢就叫名排隊入座,入座之後另一個書記會問多次今日仲有冇人唔繼續破產改債務重組,同重覆一次取消申破既人名,跟住再問多次有補充文件既人有冇將補充文件交比破署,再點一次名之後就開庭啦!

咁法官入左黎之後又會叫多次要改期既人,講多次改文件既日期同時間仲有新既聆訊日期,問完有冇問題之後就叫要改期既人可以離開。
咁我今日無辦法成功頒令所以都唔知之後咩程序,不過最神奇既係,法官話如果破產人係頒令前不幸入冊,係可以同懲教申請,係頒令個日(如果當時已經入冊)由懲教帶出黎出庭架!

今日頒唔到令,但求到時改文件順順利利啦,之後唔敢諗太多,因為我原本係暫時主任跟,不過債權人入面有痕身,九成要開債權人大會⋯⋯
发表于 7-7-2021 20:56:09 | 显示全部楼层
到時一定會順順利利, 我覺得有欠恆仔又唔一定要開大會嘅, 可能破署廢事你要申請先出到嚟佢自己跟噃呢
 楼主| 发表于 8-7-2021 12:06:01 来自手机 | 显示全部楼层
Anmi2019 發表於 7-7-2021 20:56
到時一定會順順利利, 我覺得有欠恆仔又唔一定要開大會嘅, 可能破署廢事你要申請先出到嚟佢自己跟噃呢 ...

希望係咁!不過佢到時要開我都應該出席唔到架啦!
发表于 8-7-2021 15:43:20 来自手机 | 显示全部楼层
sans71 發表於 8-7-2021 12:06
希望係咁!不過佢到時要開我都應該出席唔到架啦!

依樣控制唔到,唔好諗佢喇。
填好哂26頁同收支申報表未? 搵整要提供嘅証明文件未?
有無問過主任可唔可以寫張授權書,授權1位家人/朋友日後幫你代辦交文件/其他事項……
 楼主| 发表于 8-7-2021 18:17:02 来自手机 | 显示全部楼层
Anmi2019 發表於 8-7-2021 15:43
依樣控制唔到,唔好諗佢喇。
填好哂26頁同收支申報表未? 搵整要提供嘅証明文件未?
有無問過主任可唔可以 ...

文件準備好啦!差26頁同收支申報未填哂,星期五再問問主任可唔可以寫授權書
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 21-11-2026 02:46 , Processed in 0.030297 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表