找回密码
 註冊
查看: 3800|回复: 17

請給予小弟少少意見

[复制链接]
发表于 14-7-2009 10:18:43 | 显示全部楼层 |阅读模式
睇完你地所寫既資料,非常之好,令我更加了解破產既事項,不過都希望你地能夠俾少少意見小弟

話說小弟11,12年前爭落一大筆卡數同 Loan,本金大約 30 萬左右喇,之後就一走了之,其後我都知佢地一路都有去我爸媽家度追數,但係一路都搵唔到,之後都停o左幾年都搵過我(冇人上o黎,派信、打電話等等方式),但係日前唔知點解佢地搵到我公司電話,打o左o黎我公司度,我而家真係唔知應該點做好,咁而家想問

1. 我既數佢地係咪仲有權追我,因事隔至今都已經有11,12年,如果係有權,咁我係咪仲有法律責任要還呢??(佢地應該係冇訪過法律途徑去追我還)

2. 自問就真係冇咁既能力還o架喇,如果我攪破產,我點樣可以搵晒以往既卡數及 Loan 呢?? (因為而家追緊數o個間,只係替其中一間銀行追,咁其他既就未有追)

3. 如果我連申請破產既費用都拎唔到出o黎,咁我係咪唔可以申請破產??(因小弟人工唔高,只係岩岩好做到收支平衡)


thx 你地既幫手
发表于 14-7-2009 11:27:25 | 显示全部楼层
你呢的問題先至有質素,知你問乜X野,其他個的叫打多幾隻字都阿芝阿佐!

11,12年前爭落一大筆卡數同 Loan,本金大約 30 萬....................

1.話就話欠款超過六、七年,銀行無權追,不過賣左俾收數,班"屎虫"唔會理你,照追!

2.去環聯資訊公司搵番自己欠債記錄,詳細去破產須知搵,搵唔到我再幫你同梆鞋帶!

3.唔駛咁快諗老破,呢到有我..................同其他兄弟姊妹"撐"你!

暫時一間收數搵你姐,應該係搵到你MPF的資料才搵到你!
发表于 14-7-2009 11:31:53 | 显示全部楼层
參考轉貼案例....:lol

根據香港法例第 347 章《時效條例》第4條「有關合約及侵權行為的 訴訟以及某些其他訴訟的時效」,民事索償的追溯期限為6年 ,即提出訴訟者必須在事件發生後6年內作出追討,否則法庭不會受理 。





但……






法律界人士梁永鏗表示,雖然《時效條例》規定,債主不能於 6 年後再 向債仔追債,但並不代表能成為債仔避債藉口。因為只要債主於 6 年內 曾採取法律行動追討,即使債仔其間不斷搬屋避債,債主便不受該條例 所規限。


何謂法律行動,如債主於第 5 年第 11 個月入稟小額錢債審裁處 ,又或其間向法庭申請代替通知命令(substitute service order),於法庭認可報章刊登欠債聲明,事後債仔若仍未有還款 ,債主便可向法庭申請判令,判債仔須繳付債項,這樣便不受 《時效條例》約束。


而且萬一超出 6 年時限 ,受《時效條例》約束,只代表債主不能透 過法庭追討,債主仍可私下以合法途徑追收;而且若債主能證實債仔刻 意避債,如不斷搬屋,其間又在多間銀行有欠款等,便屬刑事罪行 ;且債主亦能引用《破產條 例》申請債仔破產。


參考資料 蘋果日報 20060806

评分

参与人数 1城市金錢 +15 收起 理由
gpo4074 + 15 thx

查看全部评分

发表于 14-7-2009 11:32:37 | 显示全部楼层
補充:頭先篇野用左我返工時間20分鐘,希望幫倒你!
发表于 14-7-2009 11:46:22 | 显示全部楼层
发表于 14-7-2009 13:13:06 | 显示全部楼层
連申請破產既費用都拎唔到出o黎,

咁當然係申請唔到破產.:(
发表于 14-7-2009 13:31:59 | 显示全部楼层
1. 樓主話借個時係 11 年前並唔係上次追數係 11 年前。所以樓主可能並不可以引用時效條例。

2. 樓主其實唔知債主有無係呢個期間出過公告追數。同埋當中債主有無出過信。
 楼主| 发表于 14-7-2009 15:11:38 | 显示全部楼层
多謝各位既解答,岩岩去完環聯同埋民政署返o黎,拎o左份資料返o黎喇,見到全部都已經歸類為『撇帳賬戶』,其實想問只係代表銀行將呢筆數撇除呀??還是抑或有其他意思呢???

同埋想問下信貸評分個級別係點分類既呢??
 楼主| 发表于 14-7-2009 16:20:36 | 显示全部楼层
原帖由 admin 於 2009-7-14 13:31 發表
1. 樓主話借個時係 11 年前並唔係上次追數係 11 年前。所以樓主可能並不可以引用時效條例。

2. 樓主其實唔知債主有無係呢個期間出過公告追數。同埋當中債主有無出過信。 ...



全中~~~~
 楼主| 发表于 16-7-2009 20:52:54 | 显示全部楼层
我又有問題要問喇

我想問我而家撲緊個一萬蚊o黎攪破產,但係係呢段撲水期間,可以點樣對付d追數電話呢??
因為而家佢地日日都打o黎我公司,雖然我老細都知,但係咁樣亦唔係辦法,有冇d兄弟姊妹可以
教下路呀??
 楼主| 发表于 16-7-2009 21:21:38 | 显示全部楼层
同埋想加多條問題,本o黎想 edit 番落 #10 篇o野度,但係佢話我過o左 20 分鐘唔俾我 edit..

咁想請問醫療費係唔係會實報實銷o架????因為我自己有份傷殘津貼,但係每年只需返一次醫院度俾醫生簽名續期,其餘時間都不需要睇醫生的,咁請問我係咪唔可以填落醫療費入面o架??
发表于 16-7-2009 22:04:32 | 显示全部楼层
原帖由 sonosnlung 於 2009-7-16 20:52 發表
我又有問題要問喇

我想問我而家撲緊個一萬蚊o黎攪破產,但係係呢段撲水期間,可以點樣對付d追數電話呢??
因為而家佢地日日都打o黎我公司,雖然我老細都知,但係咁樣亦唔係辦法,有冇d兄弟姊妹可以
教下路呀?? ...




被追數明刀明槍唔駛驚,

上門者佢驚過你,



多數兩人一組,

一個匿埋轉角先.



最無聊乃滋擾咨詢人,

佢無得益但又令債仔
難為嗜,佢地好醒
唔會留下線索比你知哪間,


無仇報也.:loveliness:


发表于 16-7-2009 22:24:33 | 显示全部楼层

回復 #3 301 的帖子

301服務公司:你嘅破產資料庫有齊好多料喎.真係Very Good:handshake
 楼主| 发表于 16-7-2009 22:40:21 | 显示全部楼层

回復 #12 301 的帖子

佢上門我反而唔驚wor,我大把招數玩死佢,最好佢就擺明刀馬o黎我屋企搵我
但係而家佢剩係識打o黎我公司,呢招我就真係完全冇還架之力:time: :Q
发表于 16-7-2009 22:41:43 | 显示全部楼层
原帖由 sonosnlung 於 2009-7-16 20:52 發表
我又有問題要問喇

我想問我而家撲緊個一萬蚊o黎攪破產,但係係呢段撲水期間,可以點樣對付d追數電話呢??
因為而家佢地日日都打o黎我公司,雖然我老細都知,但係咁樣亦唔係辦法,有冇d兄弟姊妹可以
教下路呀?? ...




Go to ===>>債主臨門:(
发表于 16-7-2009 22:43:32 | 显示全部楼层
總言之,

銀行 又好;
財仔 又好;

兩句講晒 : 愈大間愈唔追, 細細間愈死追,

(呢個情況比多年前已改善左好多,大間既識做左唔追)
(當然是破產呈報後.)


##本人與多間小財有仇, 不便說明.
  (向放債人牌照科公司註冊處投訴熟晒) ##

本帖子中包含更多资源

您需要 登录 才可以下载或查看,没有账号?註冊

×
发表于 16-7-2009 23:10:04 | 显示全部楼层
追數個的係你愈驚佢,佢愈變態架,粗口爛舌,大聲夾惡,一日我己頂唔順.
发表于 17-7-2009 16:27:03 | 显示全部楼层
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 10-11-2026 13:56 , Processed in 0.040198 second(s), 24 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表