本帖最後由 過來人 於 30-5-2018 14:17 編輯
我當年投資失敗,引致我05年申請破產,09年畢業。 畢業之後,我兩公婆生活節制,幸好我們收入還算穩定,便一直努力儲蓄。 剛畢業時搬到新界甚遠的地方住,一房一廳,搭車返工要早兩個鐘出門口。 一年後,我們儲夠10萬,便放了在 X眾銀行做定期,擔保自己出張只有1萬信用額的visa。 又一兩年後,我再申請了一張Xeonvisa,也沒有被拒絕。 一直以來,我都安排信用咭自動轉賬找數,從來沒有延遲還款記錄。 六年多後,積蓄多了,人工加了,才搬大一點居住,稍為改善生活。 直到15年初,我轉到中X銀行出糧,又把儲蓄全數轉去,當然轉用中X的原因係我同佢冇牙齒印。 一直以來,我都沒有主動申請它的信用咭,點知開戶大約一年後,可能佢哋做promotion,反而主動問我要唔要信用咭。 其實我冇所謂,你畀咪畀,唔畀就唔畀,最緊要係免年費。 最終佢哋批咗「infinite visa」及「雙幣黑鑽咭」,雖然兩張咭都好有型,不過當時信用額好低。 又過多一年,他們又把我的信用額提高,真係提到好高,高到遠遠超出我會使用的範圍。 以上這些全是真人真事。 我寫這些,不是要曬命,其實我都唔想畀人知我係邊個,所以我根本無必要曬命。 我解破之後,我相信同大家都一樣,經常上網,睇吓有乜方法可以申請張信用咭,方便生活,做番個正常人。 但在網上最經常見到的就是「破過產仲想申請信用咭?第二世啦!」,又或者係「你呢啲人梗係想破多次產!」等等非常討厭的言論。 我年紀比較大,我知道做人唔可以衝動,犯了錯就要承受自己犯錯的結果,只要努力,總可以重新做人。 我只希望以我自己的經驗,告訴大家,人總會犯錯,只要肯努力,人生總會有希望。 還有,我希望那些帶有色眼鏡看破產人仕的人知道,不是曾經破產的人都是壞人,我們只是曾經犯錯,人人都會犯錯,不要再歧視我們。 最後祝大家生活愉快!
|