找回密码
 註冊
查看: 5814|回复: 13

個案分享:由申請破產到撤銷破產只係,當日短短一個月

[复制链接]
发表于 8-4-2016 13:26:23 来自手机 | 显示全部楼层 |阅读模式
首先多謝破產聯盟,當初我無從入手去搞自行破產,,到後來不斷每日扒文,成功完成成個自行申破流程,吾使比顧問
 楼主| 发表于 8-4-2016 13:29:05 来自手机 | 显示全部楼层
5/4/2015我帶著緊張心情上庭(平生第一次),當日有好多人都等頒令,年輕的,成熟的....一入到法庭,等法官講清楚破產人的責任之後就開始分批叫人出黍頒令,尼一刻我好慶幸自己係臨頒令前兩個星期可以逆轉局面,我係排到所有人頒完令走曬之後,法官先單對單叫我出黍問我點解撤銷,係米搵到工作....問題,之後我清楚地回答法官我已經有新工作亦同所有債主達成協議,並附上我的新合約和銀行支持的信比法官,亦告訴法官我每月還$係$15000,之後法官睇完所有文件後當庭撤銷破產申請,扣除$5000堂費和破產署要收的訂金,餘數$4000會一個月後比反我,個刻我心情舒坦了,覚得今次經歷好寶貴,就算所有朋友離棄自己,家人永遠都吾會,亦令到我一定要開始儲$,吾想自己再有第二次!!!!!   順帶一提,當日法官親口忠告我地千其吾好搵顧問或財務公司幫你申破,因為佢地係冇專業資格,並且好多個䅁都有騙財,又冇幫當時人做四年申報表而導致延長破產令,希望大家小心!!!
回复 支持 0 反对 1

使用道具 举报

 楼主| 发表于 8-4-2016 13:27:13 来自手机 | 显示全部楼层
又慳返D$,many Thx  雖然而家成功撤銷破產,但都好希望可以分享一下,可能有好多人覺得我係米玩野,又要申請又要撤銷,但我想講有頭髮邊個想做喇喱??當初的我失業又有人上門拍門放紙仔,全部數都已經比左出面收數佬,追數電話更加分分秒秒不停止甘打黍,試問一個女仔自己住又點頂得順佢地d窮追猛打尼?所以最後無耐地作下此決定去破產,希望可以重新來過!  以下係本人真實個案分享: 本人34歲共欠四間一,二缐銀行和稅局總數$230000,坦白講數目一d都吾算大,如果我未失業前每個月有$30000人工,管理層人員,絕對有能力去處理,但因為本人失業近半年,揾左30份工都吾請,亦嘗試降低要求揾份普通Sales,諗住有d收入都吾肯請,所以兩個月都冇還過$比銀行,最終比埋出面的收數佬,走投無路之下以致申請破產.  申請破產之前身上真係得反幾十蚊,連正常食飯生活都係一個好大問題,試問又點有$搞破產尼,又冇一份工請我,完全冇曬自信心,曾經一人之上萬人之下,到今時今日生活潦倒,朋友遠離,收數佬每個星期都上門拍門,又乜都冇曬晚晩失眠,好怕早上開始追數電話又黍的壓力下真係有諗過死左就算,每日都打比東X和生命XX訴苦,希望可以有人聆聽並給予支持才可以吾諗死的念頭.
 楼主| 发表于 8-4-2016 13:27:36 来自手机 | 显示全部楼层
係尼個時候唯有硬著頭皮同家人講,好在借到$20000搞破產和生活費,於是我就的起心肝黍尼到每日扒文希望可以盡快搞掂,當初我本來諗住比$揾顧問,因為真係無從入手,但到最終還是慳反幾千$自行申破,始終想留反多d$作生活費.  當我每日扒文的時候發現到有一個非常困擾的問題令到我唔敢申破,就係尼到好多人都會遇到的問題"提取過mpf"!!!!! 本人6年前曾經提取過mpf,所以當時非常擔心如果申破左又會比人告,個種申破又死吾申破又死的心情足足困擾左我成個禮拜,晚晚都失眠,完全不知如何是好!  但由於追數個邊壓力已經承受吾到,所以唯有冒著被告的危險都要作出一個決定,就係要破產!!因為我已經諗左無數的可能性亦有心理準備,但當時冇得揀,我之前每個月要玩$20000,我有諗過將借反黍的$去還比收數公司,但我確實吾肯定幾時會揾到工作,怕就算而家還左甘下個月尼? 倒不如而家用$9045去自行申破,我都仲有$10000留黍生活直至揾到工作,雖然係冒險d,但我諗尼個係最好選擇!
 楼主| 发表于 8-4-2016 13:27:58 来自手机 | 显示全部楼层
好喇,決定左就要去申請了,1/3/2016永遠吾會忘記的日子,我踏出一步未知知數的未來,因為我知道吾會真係申請左就可以無憂無慮,而係行錯任何一步就會招致被告的心理壓力. 當然最終申請完左就等5/4/2016上庭等頒令,期間當然沒有放棄過揾工的機會,21/3/2016距離頒令的日子只有兩個星期,我終於都找到新工作,而且人工有$35000,完全可以有能力還$,當日我諗都吾諗就決定撤銷破產申請,因為我知道頒左令都一定要用$25000去還$,甘我點解吾撤銷?起碼我當初的擔憂吾須要再驚,起碼我可以有自由!! 再加上我做管理層,如果破產確實會有好大影響,所以我知道我無論如何都要撤銷!!  同日21/3/2016我已經立即打哂比d債主同佢地講我的情況,希望可以傾還款安排,當然所有銀行都好歡迎我尼個還款建議書,全部銀行加埋每月還$15000,為期大約一年,並出信證明支持我撤銷破產.  22/3/2016我二話不說去高等法院詢問如何申請撤銷,但由於申請必須最少要在頒令一星期前要做哂相關手續,故職員都話我時間有d緊(因為中間好多假期),但由於我23/3就要開始反工,所以我一定要當日完成手續,當然我諗都吾諗就即刻申請啦,宣誓.....的手續,仲排埋期係頒令當日即5/4/2016上埋庭(法院個邊有律師係可以免費查詢15分鐘的時候教我的),可幸的係我能夠係法院關門前搞掂曬,不幸的係當初我申請破產時因為冇諗過頒令前會搵到工,所以冇開戶口,諗住頒令後先開戶口,點知而家有新工作要出糧戶口時卻所有戶口被凍結,之前扒文知道有好多銀行係入吾到出吾到,本人用恒X,已打過去問確認入吾到出吾到,所以就算申請解凍信都冇用,但另一方面怕月尾公司出糧時出吾到會知道我戶口被凍結係因為之前申請左破產,所以到最終押後去1/4/2016先開始反工,起碼有多d時間比我如果成功撤銷破產之後可以去申請埋戶口解凍係四月尾前,甘就完美了.
发表于 8-4-2016 14:33:38 | 显示全部楼层
順帶一提,當日法官親口忠告我地千其吾好搵顧問或財務公司幫你申破 -> 佢有冇提破聯 >.<

另恭喜你不用申破!
发表于 8-4-2016 14:58:04 | 显示全部楼层
:victory:
多謝分享,
雖然密麻麻,
有時間至詳細睇......:lol


发表于 8-4-2016 15:01:57 | 显示全部楼层
re_born 發表於 8-4-2016 13:27
好喇,決定左就要去申請了,1/3/2016永遠吾會忘記的日子,我踏出一步未知知數的未來,因為我知道吾會真係申請左 ...

同日21/3/2016我已經立即打哂比d債主同佢地講我的情況,希望可以傾還款安排,當然所有銀行都好歡迎我尼個還款建議書
先恭喜C打!!! 自行老破 3個字: 快靚正!!:handshake

睇你字裡行間,咩搵哂債權人出哂信.,應該做慣文書.自破根本無難度可言呀!! :D
想問:
有無得傾更好的利息,如信用卡的數,會以咩息口傾妥.

最後,恭喜你收番 4K 尾數. 原來臨時唔破有呢D 好野.
 楼主| 发表于 8-4-2016 15:09:33 来自手机 | 显示全部楼层
多謝各位,其實當初我真係乜都吾識,但唔默識就要問,所以成日打去破署,高等法院查詢如何做,其實到最終銀行不會有任何加息或減息,同銀行傾只係傾每月供款,至少吾怕要再還更多的錢,
发表于 8-4-2016 16:03:42 | 显示全部楼层
聽到都戥樓主開心。飲杯!
发表于 8-4-2016 17:08:25 | 显示全部楼层
恭喜恭喜,人總要經過挫折才會成長,只要肯面對問題,才可以解決問題,
发表于 8-4-2016 17:29:04 来自手机 | 显示全部楼层
恭喜您 可以撤銷破產
发表于 8-4-2016 22:43:59 | 显示全部楼层
本帖最後由 Alex2233 於 8-4-2016 22:46 編輯
301 發表於 8-4-2016 14:58
多謝分享,
雖然密麻麻,
有時間至詳細睇......

真係幾勵志:victory:

不過某程度上,

佢能力根本輕易面對債項,3萬幾/月既市價,面對果二十幾萬數,

只係遇上失業才會坐過山車:lol

如其他會員屬於極度嚴峻既案例,本身無乜能力,條數又巨額,未必適用:(


題外話:如果當初撤銷之後,份工又出現詐糊,咁就真係企左係到:L
发表于 9-4-2016 14:56:23 来自手机 | 显示全部楼层
請問有冇師兄師姐比到意見 取了MPF後再在香港返工有冇人是否㑹被捕呀
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 17-11-2026 19:54 , Processed in 0.046731 second(s), 17 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表