其實我寫嘅開支佢都OK,只係還3位數,但申破俾6C攪,我嗰時因拎番保險金黎攪,嗰時6C話要寫數千為cash in hand,已同個6C講我手頭根本冇,佢而家攪到外判話我要嘔番出黎,我啲醫生單夠come一半咋~頂佢~~嗰時根本入不敷支緊,又要還錢,但佢竟然話因為我張票係9月中入唔可以話冇晒,但我一出糧(9月頭)已經俾晒min pay,真係好無奈........
外判係有權決定收唔收㗎,我意思係接見你個職員仔未必話到事。點解咁講呢?其實,類似嘅事都發生過喺我身上,所以我完全想像到你當時嘅畫面。我都為咗呢個“cash in hand" 同外判糾纏咗20分鐘,死好多細胞。不過唔關我個律師事,完全係我自己手多。嗰20分鐘裏面,我強調咗好多次交唔出嘅理由,佢就重複咗好多次,收唔番錢,佢交代唔到,不過態度OK嘅。Dead air 咗半分鐘,我同佢講,“唔好意思,我填錯咗,可唔可以改番?” 佢出咗房一陣之後同我講,“幫你問過喇,如果你覺得填錯就改啦,簽番名就可以。” 成件事咁就解決咗。諗番轉頭,佢都唔係無道理,佢同我講,唔寫落去,我可以話係我嘅生活費,寫咗,就成為我嘅資產,因為嗰個係“資產表”。其實係唔知見你嗰個話唔話到事,所以叫你考慮下寫信。