開學令人發癲~ 上學期

bb_q_888

以下(投票)都係我近來問題,但一般家長都係有咁多問題.
好難怪學生有心理問題.學童失蹤潮開課爆七宗

我女自己上次去睇政府醫生,同醫生講唔開心,跟住就做問卷調查.
咁....就轉介去睇心理醫生,原來.......

而家間間學校都想轉直資,我相信理由唔只為錢,有時係因為教育政策問題.
無人想比佢點.

嗱~各位家長發表下,舒緩壓力....唔淨係鬧家人,有好多野可以鬧.

bb_q_888

我想講下返學時間超長既問題，講明先...我唔係住係深震.
2個細佬都係行5分鐘路程返到學校,正常既返學時間8:00am-3:40pm/4:30pm
但係其實一個每星期返2次拔尖補底班要成七點鐘起身,每天放學後要成五點後才做功課,
功課包括有中英抄寫,數學10幾題到包括算式,網上練習網上聆聽,溫習默書,課外閱讀,
每2星期默中英默書約一次,中英數3次小測一學期,其中試一次大考一次,多到記唔清楚,
我都唔明點解d學生點解咁多野做,唔通咁教就會變天才?

   另一個,話返8點到四點半但係其實每日放六點,因為學校話要佢地自習,我女話係被迫既,
到底係迫佢地溫習定係自殺?迫得佢地咁緊要讀完書係咪真係可以搵到多d錢?其實真係唔知咖bo!
過去果個暑假因為佢有科目唔合格又被迫返去自修(自修2件),又係學校被迫住佐1個月得返2個禮拜暑假,
佢話非人生活,成績好既去佐邊呢?原來去佐遊學,總之做學生係好忙既,而父母亦到要好有錢要支持佢地去補習,
同課外活動,支持"學校籌款"跟隨學校校外考察,總之就係"錢,錢,錢"囉!

bb_q_888

早睡早起
我記得第一次開家長會(一年班),就講到伊個問題學校教我地,寫張日程表我都唔係記得好清楚,
我淨係記得張表排到九點半,之後就叫佢地訓教,當然我知伊個係無可能啦,因為放學之後既行程,
放佐學之後除佐休息一陣就係做功課,溫習,預習之外就係叫你課外閱讀,
仲有半個鐘頭談心時間,跟住就叫你訓教,你做細路你濟唔濟啊?

家長會果日又同我地講,如果d細路仔唔早睡早起就會冇精神返學,所以呢九點至十點就要訓咖啦,
假設五點鐘開始做功課,正常個仔要做三個鐘加埋溫習,有時要默書所以會超時,
咁就一個鐘頭加埋食飯同沖涼同"吞仆",仲淨返一個鐘頭親子活動做下無謂野,我相信你都唔夠時間放鬆下啦....

於是佢晚晚都十一點幾先訓,而又要七點鐘起身,我相信你都大既係咁啦,
點可以做到早睡早起呢?

其實我唔係反對讀書要成績好,但係洗唔洗咁辛苦啊?
好似學校同家長聯合迫學生要成績好好咁,未殺校前d學生已經c哂啦~

早2日我女話考評局到佢學校演講,原先係四點半到五點半/再早d,但係佢返尼既時間係七點半......
我個女話好彩仲未全部屍還編野囉~

佢地伊咖每日係學校有時可以係堂上聯機玩" 周公online " 伊d就係中學生既生活啦~

早睡早起對我地尼講係遙不可及~

bb_q_888

忘記講早睡早起定義,每天有8~10小時睡眠.

壓力上升
我實在講唔出學校有任何錯失,因為人人都做,間間都咁教,但生活迫人.
由幼稚園開始加強學習,上小學再認真學習,中學更要強迫學習.
之後...無論大學或到社會都要不停主進修,但付出與收入又不成正比,
難怪朋友都想去外國讀書,順手移民.
一班學生壓就十幾年,細路未必輕鬆過大人,改制改到人都癲.
有幾癲....有留意近三年新聞就知,不再在此回顧.