大家得閒討論下...

man3x

其實近排好忙...不過...上星期6聽左我朋友電話..見佢都好頭痕...大家得閒...討論下..

我呢個朋友..識左20年...睇住佢...結婚生仔....仔..19...已出來打工月入..9000....比家用$1000
女....15...仲讀緊書..
佢老公..本身渣巴士....早排比公司炒...依家上數中....欠下卡數..接近...30萬...半年前自己同老婆講..佢大陸有個女人...每星期放假都要上大陸交人...錢...上個月都仲比到家用...幾多我就唔知...個老公只係話..甩唔到個女人....
奶奶...同住...
依家一家5口住居屋...元朗...已供左..11年..月供...$4000
我朋友...月入....$9500左右

問題係..佢話佢老公應該留唔到份工..如果留唔到..就可能要申請破產..
佢一個人...好吃力....而佢又要忍..佢老公係大陸有女人...
我朋友既工作...可能過多兩年都無得做..因為佢係做診所護士..醫生都好老..隨時想退休..又無生意..比大陸朱咪咪個間搶晒D生意.
,,朋友都42..又讀得書小...萬一無左份工都幾麻煩.....
我同佢講....點解要忍...咪離婚囉...
佢怕..佢老公破產..層樓唔知點算..一個人又供唔起...賣左佢..又無地方住..

問題...
1>..仲忍唔忍佢老公係大陸...有女人.
2>.老公咁衰..仲頂幫佢照顧佢奶奶.
3>.賣樓又無地方住..唔賣..又怕釘契..他日想賣都無得賣..如果佢老公..破左之後無錢攞反黎..佢一個人都係供唔起.到時仲麻煩.

唉....一諗到佢既情況..真係頭都痕..

MEIMEI

純粹個人意見:
1, 2. 的問題, 我會選擇同D細路商量, 反正D細路都大. 加上現今社會D細路的思想都比較成熟. 但最終我係唔會忍個死佬囉.

3. 我一定會賣樓攞返舊錢先, 話之個死佬. 到時租屋住. 再申請公屋.

eva

純個人意見：

賣樓

分錢

離婚

租屋住

申請公屋

温sir

先講，感情事唔方便比意見，離婚與否佢自己考慮吧。

假設以離婚為前題.........
一， 仔已成年，會跟父或母同住？
二，層樓是否聯名？月供方面有否証明她自己有份供？
三，物業唔係釘契，日後要賣仍然可以，只係破署會扣除妳應付款項。

若仔仔跟母住，兩母子有工作，日後生活應可應付。
層樓若是聯名，離婚時可要求男方將業權以膽養費方式，全送於女方。(當然要在男方申破前辦好所有手續先)

dopod123

3.賣樓，有幾錢袋先，多就申請唔到公屋．

佢買佢老公嗰份要幾錢？  樓值幾錢？

我自已講嘅唔代表個個男人一樣，幾時都可以甩亞大，亞二，亞三，（而且機會圴等）除非有特別問題例如上面有子女（上面條女可以要仔唔要公），

呢啲冇話邊個忍邊個。鐘意咪走囉，42唔係老有好多仲花樣年華LOOK，大把機會。家庭事有時只有所謂苦主自己先清楚發生咩事。

k018354

申請破産前一定要搞掂層樓先,否則 “一無所有“ ！！！切記

man3x

佢地係居屋黎！賣左應該都有幾十萬！
想問下！萬一佢唔離婚！而佢老公又申請左破產！層樓會點呢？
假設佢一直都唔賣！過左破產期四年後！解左破！先黎賣會點呢？

man3x

eva 发表于 10-4-2013 18:09
純個人意見：

賣樓

我個人完全認同你既想法！

温sir

man3x 发表于 10-4-2013 19:52
佢地係居屋黎！賣左應該都有幾十萬！
想問下！萬一佢唔離婚！而佢老公又申請左破產！層樓會點呢？
假設佢一 ...

破產主要係資不抵債，如資產足夠償債，那破產就無意義！
而破產人嘅所有資產，在破期內都係由破署管理嘅。
所以首先要睇層樓係咪聯名！

若層樓係老公一個名，咁破署可能會將層樓拍賣，依拍賣所得扣除債項加利息、手續費等等，有剩會歸還破產人，這樣就算完成破產期。如不足償債，就繼續至破期滿。

若層樓係聯名，則破署只管理破產人所佔業權份數，破期滿後一樣。解破後賣樓，破署都會依業權份數，取回賣樓所得，再扣除債項加利息、手續費等等，有剩會歸還破產人。

homan

將業權以膽養費方式，全送於女方
不知可否，我經律師辨理業權轉名是律師提過因業權當時無金錢上交收(如送增)，如對方5年內破產破署有權要求取回業權。

flypig

homan 发表于 11-4-2013 11:00
將業權以膽養費方式，全送於女方
不知可否，我經律師辨理業權轉名是律師提過因業權當時無金錢上交收(如送 ...

膽養費方式 係可行.
因為離婚,另一方可索取膽養費,以供15歲個女個幾年生活

另外,居屋都值百萬之上喇.今時今日好難有幾十萬貨仔.

man3x

其實..我個人都係認為...一定要賣左樓先..多多小渣住D錢...離唔離婚都無所謂...不過我就一定會同死佬暫時分開...
已經對我不忠..仲想我照顧佢呀媽..真係好笑..
至於仔女..佢地都大個..自己識分..邊個岩同錯...
個死佬..你鐘意..咪比佢反大陸囉...都費事同個大陸婆爭....

自己有能力..照顧自己..仔又大...都應該可以照顧到自己啦...個女..咪叫死佬比錢..養佢呀媽時...養埋個女囉..

k018354

“業權轉贈“！！！

smallcat

如果條老有第二個, 更加要離婚, 一單還一單, 生活還生活, 肯做一定唔會餓死, 大不了做洗碗, 雖然好辛苦, 但都過一皮野!

一次不忠, 都唔使講下句, 呢段婚姻已經無意思:handshake

andrewhome

如果由女方申請因通姦理由而要求離婚及膽養費, 會唔會更好呢?

zeta0083

如果男的申請破產 , 要睇層樓係唔係聯名 , 如果係聯名 , 只係凍結層樓 , 唔比賣 (但又唔係迫你賣) 的