老破在即，求教師兄！

On99

4條數，花x，渣x，家華，x眾，其中x衆最近1個月先攞，問題如下：
1）如果而家申請老破，x眾呢間會唔會好似其他黒財咁攪你（同佢地攞9萬冚咭數，我只有18000現金，其他佢地開票幫我寄去還）？
2）其中家華欠9仟幾，在澳門碌，又係近呢1嗰月嘅事，會唔會告你因賭而破產？
3）我知如果申請老破時要俾提款卡or簿仔，因為試過用eps係澳門禁過數，問題同上面一樣，係咪會查到？
求救師兄，唔係搏同情，真係冇晚好瞓！

温sir

呢個月至攞9萬幾……咁快就諗住破？？咁可能有問題，不過都係睇解釋啫，你揾律師搞，如果律師話無問題，咁你都可以試吓搞嘅。
喺澳門㩒錢唔代表你係賭博，呢個唔係問題，但你要諗定解釋啲錢用去邊啦，

smallcat

師兄, 個頭借完9皮 雖然係去還卡數, 但咁樣破好似條數太大, 可唔可以唔借咁多而去破, 反正都破, 卡數拖住先夠比律師費皮4左右攪老破先咪仲好?:handshake:D1）
如果而家申請老破，x眾呢間會唔會好似其他黒財咁攪你（同佢地攞9萬冚咭數，我只有18000現金，其他佢地開票幫我寄去還）？ ---> X 眾都會辣辣地, 但應該唔會去到黑財咁嚴重, 但D態度都唔會好似銀行咁客氣

2）其中家華欠9仟幾，在澳門碌，又係近呢1嗰月嘅事，會唔會告你因賭而破產？
---> 9千幾雖然係澳門碌, 但條數都唔係好大好大個種, 有D師兄聽講仲勁, 唔碌都碌左, 所以, 無乜計, 不過, 理論上唔使太驚

3）我知如果申請老破時要俾提款卡or簿仔，因為試過用eps係澳門禁過數，問題同上面一樣，係咪會查到？
求救師兄，唔係搏同情，真係冇晚好瞓！
---> 查就一定查到, 但如果條數唔係好誇張, 知道都未必告你, 因為告你要法律程序, 當然你D數唔好太離譜, 好多老破人士都係唔掂先破, 條數執得靚先破既我相信無幾個, 但最好都係能解釋到為上

bb_q_888

其他佢地開票幫我寄去還....冚咭數,呢個係咪咭數一筆清?
不過幫你唔到,因為.....你自己都知...你無錢還.
最近1個月先借9萬,然後就想破產,點睇都唔合理,就算你話找左咭數,
相信下個月你就用番呢D咭數.

如果你真係想破產,就要有思想準備,以後都借唔錢,亦唔可以借錢過渡日.
再講返x衆....9萬,足夠佢地上門收數理由,你家人有心理準備未?
花x，渣x，家華.....以我所知,渣x都好煩,都一定上門.

另外希望大家明白,想破產就唔可以再借錢,諗住破產就唔洗還而借錢,係詐騙係犯法.
破聯存在是希望幫助後來者,而不是........你明啦!

温sir

Q姐講得好！
佢條新數應該係咭數一筆清啦，唔知佢冚完後仲有無其他數，如果只得X衆一條數，就要睇吓值唔值囉:L

smallcat

温sir 发表于 6-1-2012 23:37
Q姐講得好！
佢條新數應該係咭數一筆清啦，唔知佢冚完後仲有無其他數，如果只得X衆一條數，就要睇吓值唔值 ...

溫蛇, 好似係破前半年定1年來都唔應該借錢, 唔係都幾麻煩, 因為時間太近
透支就唔同  

温sir

smallcat 发表于 6-1-2012 23:51
溫蛇, 好似係破前半年定1年來都唔應該借錢, 唔係都幾麻煩, 因為時間太近
透支就唔同   ...

{:4_181:}其實正確來講，並無規定幾時前唔可以借錢，主要係借錢時有無計劃破產啫。
當然在申破前越少借貸記錄越好啦！亦無分是否透支的。

smallcat

温sir 发表于 7-1-2012 00:07
其實正確來講，並無規定幾時前唔可以借錢，主要係借錢時有無計劃破產啫。
當然在申破前越少借貸 ...

;P溫蛇, 透支係無可避免:lol

温sir

smallcat 发表于 7-1-2012 00:12
溫蛇, 透支係無可避免

{:4_176:}透到無得透咪避免到囉{:4_176:}

wahtung

smallcat 发表于 7-1-2012 00:12
溫蛇, 透支係無可避免

咁係人都知，但個時間日期係有啲問題:L另Ｘ眾收數手法都好麻煩，望樓主有個心理準備:L

wahtung

温sir 发表于 7-1-2012 00:22
透到無得透咪避免到囉

跟住結果咪老破囉:L

On99

多谢溫sir同咁多位師兄師姊....就以上有d補充....
1)x眾只係冚咗渣x透支部份，因渣x有低息分期同透支2條叠埋一齊
2）淸咗家崋以前嘅舊數，（萬幾）剩低18000俾現金票我，然後將d卡cut額，所以冇數可透,
3）然後就係以上問題
除咗x衆之外其他都還咗半年以上，我都知如果而家報可能有問題，但奈何家山有福，家母亦係破產人仕（已一年），再唔幫屋企枉爲人子...唉
想再請教，其實3條數加埋我每月還9仟左右，人工得1萬零幾佰，合資格報嗎？
以現在能力最多拖多3個月到，到時先報會好d嗎？
好想保住份工，但驚報咗後佢地會好似黑財咁去公司追，借x眾時都冇諗唔還，但屋企....
家母係破產人士，冇工作，對將報破有幫助嗎？求咁多位賜教！

smallcat

On99 发表于 7-1-2012 11:26
多谢溫sir同咁多位師兄師姊....就以上有d補充....
1)x眾只係冚咗渣x透支部份，因渣x有低息分期同透支2條叠 ...

想再請教，其實3條數加埋我每月還9仟左右，人工得1萬零幾佰，合資格報嗎？
---> 當然合資格破, 你還款已佔你收入9成, 基本上已經係生活唔到, 一般還款額都唔應該過收入既6成, 所以, 乜野重組呀, iva, 等, 都係要求還款人士用5成,頂盡6成去還, 多過6成基本上佢地都唔受你玩iva 等

以現在能力最多拖多3個月到，到時先報會好d嗎？
---> 呢樣睇你自己選擇, 有d師兄覺得如果要破, 不如早破, 4年後一條新好漢, 問題係你借完幾大嚿錢先去破, 咁係有問題, 所以, 呢樣睇下其它師兄有乜意見

好想保住份工，但驚報咗後佢地會好似黑財咁去公司追，借x眾時都冇諗唔還，但屋企....
家母係破產人士，冇工作，對將報破有幫助嗎？求咁多位賜教！
---> 追數呢樣野真係好難講, 如果佢有你公司資料, 我想好難唔打去你公司搵你, 但到呢一刻都唔係你可以控制, 伯有 係破產人士同你破唔破無關係的, 唯一關係係將來你生活費, 只會同伯有 有d關係, 但批唔批都要睇外判, 唔一定批供養父母生活費的


:handshake:D

301

smallcat 发表于 7-1-2012 11:35
想再請教，其實3條數加埋我每月還9仟左右，人工得1萬零幾佰，合資格報嗎？
---> 當然合資格破, 你還款已 ...

樓主伯母既是破產人士,
全家應不乏破產知識,:lol
甚至向伯母討教.

301亦悉有一家內兩人皆破,
完全正常做法.:shutup:

smallcat

301 发表于 7-1-2012 11:46
樓主伯母既是破產人士,
全家應不乏破產知識,
甚至向伯母討教.

:handshake:loveliness: 經濟逆轉, 破產無人想, 希望樓主努力面對!
301 板主可以將寶貴經驗給予樓主 :handshake

On99

smallcat 发表于 7-1-2012 11:35
想再請教，其實3條數加埋我每月還9仟左右，人工得1萬零幾佰，合資格報嗎？
---> 當然合資格破, 你還款已 ...

多謝small cat,x眾係借9萬還13個隻，分40朝，啱啱還咗第2期...其實我都覺得有問題.....你講得啱，都唔驚得咁多，但我諗我會選擇拖多幾個月再攪....其實最關鍵係我如果之後去報，律師受理，通知咗債權人之後佢地會唔會追到公司，例如fax呀，電話呀之類，因我有係呢度做過功踝，話佢地始終都係高級d，唔好似其他黑財咁，通知咗佢地有哂no.都要攪你....

On99

301 发表于 7-1-2012 11:46
樓主伯母既是破產人士,
全家應不乏破產知識,
甚至向伯母討教.

多謝301，感激！

casualking

On99 发表于 7-1-2012 12:07
多謝small cat,x眾係借9萬還13個隻，分40朝，啱啱還咗第2期...其實我都覺得有問題.....你講得啱，都唔驚 ...

律C係幫你呈請,你所講,佢照寫,有時亦會提點,但唔係建議,最後責任是你哦{:4_208:}

On99

casualking 发表于 7-1-2012 14:06
版主係幫你呈請,你所講,佢照寫,有時亦會提點,但唔係建議,最後責任是你哦 ...

多謝你casualking，正如有師兄話齋，我諗我而家係迷惘期，想還，還唔起，想破又好似未夠期，點都好，自己種嘅因，到最後必定自己受番，我亦會勇敢面對....但正如上文提及，唔想公司知（因為x衆條數同埋唔知有冇好似類似case),最後，如果呢個帖嘅問題及說話有得罪地方，請各位多多包涵！再有問嘅話希望各位師兄賜教，感激！

casualking

On99 发表于 7-1-2012 14:41
多謝你casualking，正如有師兄話齋，我諗我而家係迷惘期，想還，還唔起，想破又好似未夠期，點都好，自己 ...

Sorry...{:4_178:}我用手寫板係寫栗C,唔知點解出左板主{:4_194:}
原句係:栗C係幫你呈請,你所講,佢照寫,有時亦會提點,但唔係建議,最後責任是你哦.
你嘅問題及說話冇得罪地方,我出錯堵{:4_179:}祝你順利排除萬難啦{:4_195:}
原來我手寫板寫律C係變(板主){:4_182:}Sorry{:4_192:}