想問些版主可能會扣我分既野....

Poey

即係呢.... 我想問.... 要點問先唔會比人扣分呢.... ?? {:4_178:}

我搵緊律師, 由$12xxx, 至 $15xxx, 你知啦, 已經窮到嘔 , 差幾千大兩真係可以交成個月租 {:4_201:}.... 但我又明知版規唔比問, 而我又因為新黎, 入唔到"律師討論"睇下.

咁或者我咁問啦.... 其實搵律師/顧問公司, 有咩要留意架? 我自己諗到幾樣:

1) 間野有真正律師? 定係只係顧問公司得D會計師呀職員咁?
2) 個價錢包晒D影印費/郵費/車馬費, cake lei qua lak 未?
3) 由交齊錢交齊交件計起, 最快幾耐入到紙, 等你有個No可以停追數?
4) 佢會唔會代你上埋庭? 定係佢只係陪你上庭?
5) 個價錢包唔包那4年替你填年報?
6) 個價錢包唔包破產解除?

仲有D乜? {:4_182:}

我發現一D顧問公司雖然冇律師, 同地佢地唔會替你上庭, 但又會替你填晒4年內所有年報, 好似跟足4年咁.
但一般律師行就相反, 佢地會替你上庭, 但唔會跟你之後4年既年報.

其實自己問過咁多間比較完後, 都分析唔到, 咁請問, 其實邊樣重要? (替你上庭/填年報) {:4_182:}

還有, 有間(A)話上午交齊錢交齊交件, 下午便可入紙, 即日/第二日便可有No.
但另一間(B)又話, 跟本冇可能咁快, 話之前那間呃我, 起碼要5個working days.
咁到底, 係A啱? 定B啱? {:4_182:}

版主大大, 手下留情, 唔好扣我分呀~ 我已經問得好乖乖喇~  {:4_174:}
不知者不罪, 若我犯了其他什麼版規, 請提點提點小妹啦~~~

謝謝各位兄台~

cc4321

1.顧問公司會同律師樓合作,但未必有律師代你上庭,因為律師個價同顧問公司個價都唔同,如果搵顧問公司再轉比律師,咁不如直接搵律師樓搞
2.顧問公司只會協助你填表格,通知債權人同你四年內年報
3.正常交齊所有野仲要宣誓,呢樣就要睇律師方面有無時間,好彩有的話上午交齊文件下晝宣誓就可以即日入紙,但一般都無咁快,你預兩三日喇,如果搵顧問公司,入紙都係你自己親身上去
4.顧問公司係法律上無權代表你上庭,但會陪你上庭
5.包唔包就要問清楚顧問公司,但一般都包埋
6.唔包,解破一定要自己親身去辦

睇落無錯搵顧問公司係可以平幾千蚊,但係入紙/上庭呢d要自己親身自己去做,如果咁唔好彩文件上有問題咁又要再搞過好嘥時間,而搵律師只係比資料同文件佢再去宣誓,入紙/上庭律師樓同你做哂,你只係等破產令出,呢幾千蚊你覺得值唔值就自己諗喇

温sir

小妹？？{:6_337:}........嘅然係 小妹.....咁我都答吓妳啦{:6_367:}
妳誤會喇！我哋唔係唔比問！只係唔可以上嚟搵人介紹律師或顧問公司(違者必扣分兼禁言！)，這只係防止"有心人"借呢度揾生意，保障大家啫！
妳問嘅嘢亦好正路，唔會扣分嘅！
簡單答妳 : 律師同顧問公司分別在，一個係打正招牌做生意，一個係借"破產"嚟做額外生意。服務當然各有不同。
律師行價錢，通常一口價(全包)包到出破產令。(特別情況及特別指明服務除外)，往後4年年報自己搞。
顧問公司會為爭生意，部份會包填4年年報。(但其實年報並不難填！)
兩者價錢其實相差不大，妳可計下，律師行價一般由13500至15500左右，減去破產費約11000(必須自付)，其它是律師行收費。顧問公司收費卻有很多計法，難說明，妳可自己衡量。
當然，講信心自然是選律師行啦！
法庭係逢星期二辦破產申請的，所以理論上，最快係在星期一或二上午交齊錢交齊交件,安排宣誓，下午便可入紙, 即日/第二日便可有No.的。但當然要所有程序順利和律師好得閒啦。
我當年係星期六交齊錢同交件，星期一宣誓，星期二有No.了。算快的了！
答完.......乖！唔使擔心！我唔扣妳分！{:6_331:}

301

cc4321 发表于 10-11-2011 09:04
1.顧問公司會同律師樓合作,但未必有律師代你上庭,因為律師個價同顧問公司個價都唔同,如果搵顧問公司再轉比 ...

呢度補充兩句:
如代辦應找律師,非會計師.

但律師廣告話:上午來,下午起(入紙),
不可信,
大部分都唔會甘有效率,
為一分文件要一個專人(boy)去高院幫你專做 !:curse:

多數會儲多幾份才一齊入.

而且你申辦亦未必一次提供齊資料俾師樓,
上多次去才齊料好正常.

:sleepy:

cc4321

301 发表于 10-11-2011 13:22
呢度補充兩句:
如代辦應找律師,非會計師.

所以我話要二/三日 {:4_176:}

cc4321

温sir 发表于 10-11-2011 10:53
小妹？？........嘅然係 小妹.....咁我都答吓妳啦
妳誤會喇！我哋唔係唔比問！只係唔可 ...

我都好好彩用左四日時間入到紙(同你一樣有一日係星期日),第一日下午上去填資料同交文件比佢,第二日上午就上去宣誓,所以準備功夫做好,慳到係自己時間 {:4_181:}

cc4321

多謝301版大加分 {:4_207:}

温sir

301 发表于 10-11-2011 13:22
呢度補充兩句:
如代辦應找律師,非會計師.

{:6_336:}我答得唔好咩！？點解無人加我分？？{:6_371:}

.時光倒流

我自己係街的廣告搵返來，價錢又平，不過要自己上庭囉:sleepy: