|
|
呢個 post 想同大家分享下我攪破產既經過, 比大家有個參考.
小弟攪破產既時候唔知有破聯... 乜野都唔知唯有搵律師攪... 正確黎講係攪左兩次...
因為其實我係擔保人... 相信大家都諗到係乜野事... background 唔駛 la, 走投無路知道攪唔掂條數...
當時其實仲係有心還, 我仲打比收數公司同佢傾, 可唔可以將條數攤長 d 黎還...
佢就不停同我講: 喇, 我幫你傾冇問題, 不過你都要做返 d 野比我睇, 你點都還住一兩期先, 我先可以同公司交代, 我會叫 d 同事唔好追數住.
當時其實已經追到上門, 間中就黎拍門... 仲會0係門口大叫我全名... 等等. 不過好彩冇其他過激行為.
當然我都唔係傻仔, 一聽就知佢根本祗係諗住收得幾多就收返幾多, 我最後同佢講: sorry, 你咁樣幫我唔到, 有錢還我入左數啦! 而家咁我唯有攪破產.
條友就答我: 哦, 咁你快 d 攪喇, 我 d 同事會繼續做野.
然後就到好多版友開心既題目啦.... 手頭上仲有 d credit card, 保險... etc... 有 d 人會擔心會唔會有問題,
呢個 risk 留返大家去決定, 我做左兩次... 都係兩三萬... 最後攪果時係冇問既. 其實我個人認為... 除非一百幾廿萬, 如果唔係邊個去 check 你...
當然, risk 係一定有既, 我亦唔主張大家去做...
其實之後既野就好快 settle 落黎, 如果係搵律師攪, 佢會好快叫你比哂 d 數佢, 佢就會做野, 兩三日出個臨時破產令, 同埋會通知所有債權人停止追數, 不過一定要 court 出左 order 有左個 case number 先得! 跟住除非你借既係街數, 如果唔係正常既收數公司係唔可以再叫你還錢, 再有人叫你還錢你嗡你個 case no 比佢就 ok! 最多都係 fax 封臨時破產令比對方睇.
跟黎煩既野應該係見官... 其實冇野既, 正常係一大班人等個官叫出去聽一輪官腔, 然後就指你比外判, 外判到時會同你講, 你既開支其實係要再傾既! 呢個先係惡夢, 因為黎到呢一刻你都未知你黎緊呢 4 年會有幾多錢駛. 以我為例, 我係破產後差不多一年佢先叫我上去計開支! 計完數之後, 好彩既係我唔駛還錢住... 但係之前係有正數, 所以要嘔返 d 錢出黎... 當然仲未計第日加人工果 d !
好喇, 收工, 打到呢度先, 一陣繼續! |
|