找回密码
 註冊
查看: 3520|回复: 22

好掛住你地, 我就快期滿喇.

[复制链接]
发表于 5-1-2011 23:00:03 | 显示全部楼层 |阅读模式
好耐無同你地傾計, 我仲有幾日就期滿, 我諗都無乜阻滯啩.

我身邊既親人, 朋友, 個個聽到我就黎期滿都話時間過得好快, 但我自己就覺得過得好慢, 好似過左成個世紀咁, 可能係因為我遇著個唔好既主任啦.

不過就黎可以逃離佢個魔掌喇, 希望到時一切順順利利啦.

有無人知係咪期滿之後過一個禮拜打比主任問呢?

睇返呢幾年都唔係太順利, 不過都唔想望返轉頭喇, 只係希望重新開始, 以後都唔駛感覺上樣樣都比人管住, 點都好d既.
发表于 6-1-2011 13:16:10 | 显示全部楼层
以我所知 若有債權人反對的話 佢地要期滿前三个月內提出原因 若刑滿仍沒有收到通知 那可恭喜你了 咁之後自己去破署申請解破信 全免的 但緊記不要掉失此信 因副本不承認 又不能補領 另環聯處会有你破產的記錄 好似要錢同這封信去解的
发表于 6-1-2011 13:33:06 | 显示全部楼层
1# 傻女


首先恭喜樓主重生

日後也請妳多點上黎 ,指點一下我地新人啊
发表于 6-1-2011 21:07:14 | 显示全部楼层
1# 傻女


真係好耐冇見妳出現拿,以前同妳係個blog到傾破產既野,估唔到妳已經4年了,我仲有年幾呀.

有關解破程序,呢度好詳細教妳點做,破產FAQ - 06 - 解除破產   http://www.hkiva.org/bbs/viewthr ... &extra=page%3D1


係呢,妳而家份工返成點呀?
 楼主| 发表于 6-1-2011 22:54:04 | 显示全部楼层
原來收唔到消息就即係好消息, 咁就真係太好喇 !

今日啱啱寄左最後一封年結出去, 諗住下個禮拜尾就打電話上去問.

呢幾年係工作方面就真係唔太順利, 而家做緊果份都係temp job, 應該做到今個月尾.

而家用緊既戶口好騎呢, 應該唔係間間公司都可以用, 所以而家好期待快d搞晒所有手續, 之後就會第一時間去開返幾個大行既戶口, 咁以後搵工就唔駛再擔心係邊間銀行出糧.

不過我知道要等埋法院出既証明都要成3個禮拜, 所以我諗都要疊埋心水過左年再重新出發喇.

講件都唔好嬲都好笑既事比大家知, 話說當年我因為唔係好識填開支表, 咁有間顧問公司寄左張咭片比我, 咪打去問下囉.

佢話收我$1,500, 包4年服務, 教我填表同見主任既事宜, 仲有之後每年既年結, 咁我最後都幫襯左佢.

點知真係火都黎埋, 佢教我填果d開支主任唔批都算啦, 第一年既年結唔係好知點填, 打去問佢, 佢答左等於無答, 最後都係我自己搞掂, 之後我咪無再搵佢囉, 佢亦無再搵過我, 仲話4年跟進喎.

但係早幾個禮拜佢突然打比我提我要交年結, 等我聽到一頭霧水, 聽左好耐先知佢係乜水, 你話好嬲定好笑?

所以大家係選擇呢d服務既時候諗清楚先囉, 我自己就覺得無乜用, 差唔多白蝕比佢呀 !
发表于 6-1-2011 23:13:49 | 显示全部楼层
原來收唔到消息就即係好消息, 咁就真係太好喇 !

今日啱啱寄左最後一封年結出去, 諗住下個禮拜尾就打電話上去問.

呢幾年係工作方面就真係唔太順利, 而家做緊果份都係temp job, 應該做到今個月尾.

而家用緊既戶口好 ...
傻女 發表於 2011-1-6 22:54

多謝你的笑話 和分享 都係一种警示比後來者(最好冇啦) 祝你一路順景啦 得閒上來分享下 經驗啦好嗎?
发表于 7-1-2011 22:12:06 | 显示全部楼层
{:4_192:} 前輩來wow,祝你以後事事順利.
发表于 7-1-2011 22:33:33 | 显示全部楼层
恭喜晒 ~ 我都一樣岩岩期滿, 受託人(黃+STONE)話封不反對解除破產令信一個月後就可以上去攞..........
 楼主| 发表于 7-1-2011 22:43:28 | 显示全部楼层
8# poormami

唔係啩? 你唔好嚇我喎, 要成個月咁耐先可以拎封不反對通知書?

咁連埋等法院封正式文件咪要好耐?

我仲等住份文件去銀行開返d戶口去搵工添.
发表于 7-1-2011 22:48:37 | 显示全部楼层
個個人唔同咖, 果日我上完去走時晌lift 入面有個ching 問我係咪第一次,
我話唔係呀, 我last一次等攞信, 原來佢都係上去拎信, 但佢話佢等左成
3個幾月添, 你跟主任定受託人咖, 自已打去問清楚囉, 唔洗煩........



8# poormami

唔係啩? 你唔好嚇我喎, 要成個月咁耐先可以拎封不反對通知書?

咁連埋等法院封正式文件咪要好耐?

我仲等住份文件去銀行開返d戶口去搵工添. ...
傻女 發表於 2011-1-7 22:43
 楼主| 发表于 8-1-2011 15:52:33 | 显示全部楼层
我係主任跟, 唔係外判, 不過我要下個禮拜尾先可以打去問, 因為我都係啱啱期滿, 諗住等佢收左我封年結先, 不過而家覺得囉囉(聯)咁.
发表于 8-1-2011 20:32:22 | 显示全部楼层
恭喜晒妳, 可以重生! :victory:

我係新加入, 家下重煩緊做IVA定DRP好。 :dizzy:
发表于 9-1-2011 13:20:40 | 显示全部楼层
先恭喜你可以重獲自由 {:4_186:}
呢d顧問公司一入紙就有寄信黎,睇完內容都轉手就掉,講真,佢提供d所謂跟足四年服務上黎呢度都好多ching可以幫到,邊駛用千幾蚊 {:4_206:}
发表于 10-1-2011 13:29:48 | 显示全部楼层
**
敬希各會員即使期滿,
都請經常性回來探下"破聯',
兼且幫助到各邊緣人,
又温故知新,
幸甚.
:handshake
发表于 10-1-2011 17:13:31 | 显示全部楼层
**
敬希各會員即使期滿,
都請經常性回來探下"破聯',
兼且幫助到各邊緣人,
又温故知新,
幸甚.
:handshake
301 發表於 2011-1-10 13:29

同意,始終過來人先有實際經驗 {:4_186:}
发表于 16-1-2011 00:38:07 | 显示全部楼层
恭喜恭喜:)
发表于 17-1-2011 23:21:40 | 显示全部楼层
恭喜晒啦,我今年4月至到第2年咋.....好羨慕呀~~~{:4_186:}
 楼主| 发表于 18-1-2011 21:18:01 | 显示全部楼层
真係好好彩, 唔知係咪咁啱主任心情靚, 我一打去話想今個禮拜去拎封不反對通知書, 佢話無問題, 我已經去左高院辦手續, 3個禮拜後我就可以拎到份正式文件喇.

雖然我已經重獲自由, 但係我都會繼續上黎架, 希望我既經驗可以幫到有需要既朋友啦.
发表于 19-1-2011 21:06:31 | 显示全部楼层
真係好好彩, 唔知係咪咁啱主任心情靚, 我一打去話想今個禮拜去拎封不反對通知書, 佢話無問題, 我已經去左高院辦手續, 3個禮拜後我就可以拎到份正式文件喇.

雖然我已經重獲自由, 但係我都會繼續上黎架, 希望我既經驗 ...
傻女 發表於 2011-1-18 21:18





妳終於搞掂拿,恭喜晒
发表于 19-1-2011 22:05:50 | 显示全部楼层
18# 傻女


kung hei kung hei come here for further sharing la
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 16-11-2026 13:23 , Processed in 0.039480 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表