|
|
由10年前開始幫前夫借的第一筆錢開始,呢10年都係過住左手嚟右手去既生活,但上年有一段時間好似樣樣都唔順,加埋個仔越高年級用既錢就越多,個腦就開始諗埋好多負面嘢,終於的起心肝迫自己去面對面前既問題,一開始完全冇諗過行破產呢條路,不停咁上網搵關於債務重組既資料,但係搵既過程中就知道呢個計劃對自己根本冇用,無意中就睇到有關破產既討論,跟住再同啲好熟既朋友傾,最後都係覺得破產會適合我.
呢一年心情係輕鬆咗,因為已知道應該點做,原本諗住今年死約完就搬去另一處平租啲既地方先攪,但點知近呢年既租金升到阿媽都唔認得,居然啲舊樓要行樓梯既仲貴過我依家租既地方,而因為個仔仲細冇可能搬去啲套房住,所以都係決定唔搬住,到時先再算.
呢個月開始冇還min pay(月中到期),因為諗住下個月頭會去申請,呢2日開始收到電話追交,第一次收追數電話,個一刻有啲驚,雖然之前已睇哂呢到啲post知道一定會收到,但當聽到既時候都係有啲口震震唔知點答:P 如果只係電話追都應該應付到,我亦同我老細講咗,雖然佢覺得我咁做好唔值,但都好體諒,所以我唔驚打嚟公司.但最驚係上門追,睇需知話通常過2-3個月先會搵人上門收,但唔知會唔會依家多咗人破,佢地會追得緊咗{:4_209:}
今日打咗去幾間律師樓問,價錢真係間間唔同,由12000-15000,我諗我會搵間最平而又近自己,因為慳得一蚊得一蛟同埋有啲咩文件唔齊都可以好快補番. |
|