找回密码
 註冊
查看: 2485|回复: 18

可能會被追到破產...好多問題...能幫幫忙嗎?

[复制链接]
发表于 1-6-2010 22:44:50 | 显示全部楼层 |阅读模式
初黎報到,多多指教

做零售舖,昨天通知業主結業,佢地講會追返所有合約期租,如果實數都成六十幾萬
1)由大公司佢地追數,我冇錢比,係咪先上法庭告我......會搞幾耐的,當然輸梗,法官會叫我還錢,我冇就係咪有一方面申請我破產.....
2)現在未需破產,我想賣左供緊架車.....但都只係平手或執少少,叫做搵人接手
3)有幾份保單由我供,有我自己二份,一份係幫仔仔買,另一份係幫老婆買,全部由我每月過數,而家保險sales叫我轉定名由我老婆每月過數
4)有份基金供左三年,現在沒供,但份基金係頭三年供款到三十年後先可取回錢(四年-三十年可隨時攞或停供)
5)有層聯名樓供緊還欠四十萬左右恆生銀行按揭,但我有兩條恆生銀行貸款十四萬左右,到真係破產會不會被恆生銀行收樓拍賣,找個擔保人承諾還錢得嗎?

其實現皆段我係唔知會被追數,追幾多,有冇得還,最後會不會破產
係咪唔駛理咁多,可以做得既照做
因為我唔會自己申請破產,被人申請我破產冇計

最後真係被人申請我破產,破產官理處問我所有野,我都答我都唔知會破產
另外我仲有小生意做緊
賣車既錢,保險單可套出黎既錢,我都可以用黎買貨做生意
我做生意突然有十幾萬回,也可還恆生銀行貸款十四萬清數(其實係問人借先還)

點做好........
发表于 1-6-2010 23:24:55 | 显示全部楼层
破產保護令,係保護冇能力還錢既人,

樓主諗清楚,係咪真係冇能力還錢先.....
 楼主| 发表于 1-6-2010 23:33:50 | 显示全部楼层
本帖最後由 hatatse 於 2010-6-1 23:35 編輯

如果被追欠合約租既數(兩年合約,只租了六個月仲有兩個月按金,仲有十六個月)
六十幾萬
當然冇能力還
发表于 1-6-2010 23:44:07 | 显示全部楼层
如果被追欠合約租既數(兩年合約,只租了六個月仲有兩個月按金,仲有十六個月)
六十幾萬
當然冇能力還
hatatse 發表於 2010-6-1 23:33

我理解:
1. 如果無人承租,業主可以追討損失。所以你可以搵地產去轉租。
2. 一般業主(唔係大商場個D),會只係沒收按金。
3. 大業主都可以講數。
发表于 1-6-2010 23:46:03 | 显示全部楼层
你要明白,如果佢地一告你,

你名下所有,都會被凍結,

會否多過六十萬?
发表于 2-6-2010 00:32:43 | 显示全部楼层
3# hatatse

你最好頂租比人~其它諗清楚先做啦~你層樓業權一半價值超過6十幾萬都唔值得破啦!
 楼主| 发表于 2-6-2010 09:43:08 | 显示全部楼层
我在四月自己搵左人頂租,新租客仲比頂手費我,跟住佢和大公司傾,大公司仲加佢三千租,但新租客都冇問題
接著新租客上左大公司office租務部傾,講明裝修不變,只換人換貨,傾完等左兩個星期,搞左成個月到四月尾大公司回覆我地一兩個,
係唔批準,因為大公司個邊覺得新租客唔識做生意.........................
跟手我同佢地講,你唔批我冇得走係冇錢交租最後一係自己走,一係比你地封舖
佢地回覆都係冇辨,我話咁我再搵人頂你地咪又唔批,未必既
跟手我書面比佢地我冇錢交租,叫傾下比我走得唔得........租務回覆,我地幫你搵緊新租客等下啦
最後我係31-5-2010通知書面通知佢地結業,交還鎖匙
有三個月按金,欠五月份一個月租
問佢地我好頭好尾約個裝修師傅幫手還原裝修好唔好
佢地又話未知點做
等公司回覆
 楼主| 发表于 2-6-2010 09:51:01 | 显示全部楼层
你要明白,如果佢地一告你,

你名下所有,都會被凍結,

會否多過六十萬?
man152 發表於 2010-6-1 23:46

層樓係村屋約180-200萬
欠45萬左右按揭
但聯名,好難賣樓,另一半名係我mother(己退休)
我基本上冇月薪,層樓都未必借到錢
只有安信或康業,但好貴,估計分5年還一個月都要皮半,再加我而家一個月還一皮數..還有家庭開支....唔掂
发表于 2-6-2010 11:00:59 | 显示全部楼层
本帖最後由 301 於 2010-6-2 11:17 編輯

9# hatatse

個人被人申請破產非咁簡單;
休想對方輕易入紙.
大把方法令你還債都唔會用近兩萬元申你破啦,
你既破產之路遙不可及,未有%指數.
你仍有其他方法嘅.
发表于 2-6-2010 12:31:23 | 显示全部楼层
香港做小生意好難賺錢...

我個 friend 做小型茶餐廳, 半年蝕左30萬,重有兩年租約.

後尾頂手比左個伙計, 算可以拎返多少裝修錢..
不過頂手費要分期兩年比晒..
发表于 2-6-2010 15:19:02 | 显示全部楼层
1# hatatse


由大公司佢地追數,我冇錢比,係咪先上法庭告我......會搞幾耐的,當然輸梗,法官會叫我還錢,我冇就係咪有一方面申請我破產

佢地唔會申請你破產,
发表于 2-6-2010 15:28:20 | 显示全部楼层
8# hatatse


我唔知你係邊間發展商,但你這情況有新租客又肯比新租金簽新租約,你又肯用按金作補償,而對方拒絕你,理論上佢未必可告得入你.

正常追租約錢是你如下租期的租金差額,所以你大可放心,而且60萬條數太細.你再可搵律師問問你簽的是什麼的租約.
发表于 2-6-2010 15:33:45 | 显示全部楼层
7# CPKing


PS. 我都做地舖老板仔,試過生意唔好要退場,按租約要比10皮左右,好在parnter揾倒人頂,所以冇事。

而家啲業主好pk 搵人頂都要剎按金.當轉名費.
 楼主| 发表于 2-6-2010 17:33:54 | 显示全部楼层
9# hatatse

個人被人申請破產非咁簡單;
休想對方輕易入紙.
大把方法令你還債都唔會用近兩萬元申你破啦,
你既破產之路遙不可及,未有%指數.
你仍有其他方法嘅. ...
301 發表於 2010-6-2 11:00

即係搵收數公司收數?
如果佢告上法庭我我爭佢錢唔還,最終法官會判咩?
 楼主| 发表于 2-6-2010 17:34:48 | 显示全部楼层
我做生意開舖都做左12年了
但呢幾年巿道真係越來越差
 楼主| 发表于 2-6-2010 17:37:24 | 显示全部楼层
7# CPKing


PS. 我都做地舖老板仔,試過生意唔好要退場,按租約要比10皮左右,好在parnter揾倒人頂,所以冇事。

而家啲業主好pk 搵人頂都要剎按金.當轉名費. ...
dopod123 發表於 2010-6-2 15:33

佢地係4月尾PK到,唔批比我搵到既新租客
我聽到消息即時由天堂跌到谷底,又係佢地叫我搵頂租
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 14-11-2026 15:25 , Processed in 0.035826 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表