不知點算好到今日

WATER · 发表于 7-3-2010 19:01:34

過去10幾年。天天怨天，日日怨地！點解我咁窮！點解银行財務還極都還唔完！頂咗今個月下個月唔夠錢供。硬着頭皮同親戚朋友借，借完之後有唔知幾時有錢還？借多幾次人哋唔炸型自己都面瘀。呢個月唔夠錢供數。又走去透支，下個月又去績借！一年又一年真係不知可年可月還清憤！
夜晚收工。係條街度遛連浪蕩唔敢返屋企！感覺返到去，唔係嗌交就係塭仔女嚟鬧，主要係覺得家人唔了解自己無人關心我！個個當我係殺父仇人！個個當我隱型晚晚等到屋企人瞓咗至返去！咁样又維持咗幾年。夫妻感情淡如水！子女關係有如水火
日頭開的士。一有乜嘢唔如意又同客人嗌交有幾次同人打交搞到要上差館！搞到自己神經緊張。兼又極度自卑感！認為人人都對我唔住！點解我唔係億萬富豪個仔？點點解我要受苦？點解人哋可以瞓到日上三竿我就日日要捱两份工都唔夠還債？又曾经諗過自殺！死後雙脚一伸！無眼屎乾淨盲！
偶然上網見到一個叫乜鬼破產聯盟心諗都係一班吹水唔抹咀人係度9up！即管睇吓！晞睇吓又覺得幾有用！於是自己認真考瀘呢班沐咀講嘢係堅定流！你哋唔好怪我因為綱上有好多不負責任言論
         经過多月上鋼睇老破綱！加上自己真係頂唔順！自己又越嚟意志消沉！曾经買定紅酒，心愛食物，炭準備自殺！準備中突然諗起我就一了百了，但係屋企人又會點樣？雖然話時問可以冲淡一切！但心靈上可以撫平嗎？最後谷鬼氣飲完支紅酒就上床瞓！
         後來上嚟破鋼多咗。到最後將我心事同老婆傾訴。得到佢支持！最窩心的一句就是：只要你認為是對的。你就去做！不論日後結果會點樣？我同仔女都會支持你！其實過去幾年，仔女都好想同你傾計，但係驚你心情唔好，所以唔敢出聲；
         終於鼓起勇氣去搞老破。開始時個心貞係好担憂，不知後果會點樣！後再多上破鋼又得到各位指點迷津！個心開始定啲！上個月終攞咗老破令！

roy · 发表于 7-3-2010 19:09:33

水哥,既然得到屋企人諒解及支持,咁以後就好好生活,吾好再諗D吾開心既事情了.

破產後有乜問題就係度問下大家啦.

nokia · 发表于 7-3-2010 19:10:47

1# WATER

水哥~日後要好好珍惜妻兒及家庭，現在還在揸的士嗎？生活安定了嗎？:handshake

這裡都是同途人集中地，四年時間會很快就過去的．:)

WATER · 发表于 7-3-2010 19:26:59

吃埋飯再同你傾.

KEIKEI · 发表于 7-3-2010 19:27:38

其實破產都同普通人無分別,只要呢4年交足年報,無什麼大件事都唔好搵主任,好快過的,有唔明就上來發問:)

lalaeveryday · 发表于 7-3-2010 19:32:20

過去10幾年。天天怨天，日日怨地！點解我咁窮！點解银行財務還極都還唔完！頂咗今個月下個月唔夠錢供。硬着頭皮同親戚朋友借，借完之後有唔知幾時有錢還？借多幾次人哋唔炸型自己都面瘀。呢個月唔夠錢供數。又走去透 ...
WATER 發表於 2010-3-7 19:01

{:4_176:} 祝好運. 你今天買了燒味回家加菜味{:4_175:}

lalaeveryday · 发表于 7-3-2010 19:37:59

吃埋飯再同你傾.
WATER 發表於 2010-3-7 19:26

星期三天氣又轉冷了,你不如plan下買d好野回家和家人火下鍋{:4_176:} 唸起都留口水.

lalaeveryday · 发表于 7-3-2010 19:43:32

過去10幾年。天天怨天，日日怨地！點解我咁窮！點解银行財務還極都還唔完！頂咗今個月下個月唔夠錢供。硬着頭皮同親戚朋友借，借完之後有唔知幾時有錢還？借多幾次人哋唔炸型自己都面瘀。呢個月唔夠錢供數。又走去透 ...
WATER 發表於 2010-3-7 19:01

由民政事務局和青年事務委員會舉辦的「青年高峰會議」風波不絕，會議期間有多名示威者「踩場」抗議及向署理特首唐英年擲鞋。一名有份與唐英年對話的青年代表會，更指斥大會多番修改其問題，更聲稱曾被威脅...

<<<<< Water大佬今天就轉運了. 我地雖然係破左產,但係如果可以認認真真生活,就一定比阿唐唐好dd{:4_201:}

301 · 发表于 7-3-2010 21:16:02

本帖最後由 301 於 2010-3-7 21:20 編輯

身同感受,
相信眾多會員皆有同感,共鳴,
感動認同,加分.
:victory:

不知點算好,到今日:dizzy:
不知點? 算好...到今日.:shutup:
不知點算,好到今日.:lol

WATER · 发表于 7-3-2010 23:29:23

後續由上律師樓開始，生活可以話有轉變。以前月月清不止重要頂數！到今時今日月月有少少積蓄。同屋企人關係好咗好多！好似今日咁大家開開心心去大角咀睇廟會然後去踎大牌檔。雖然簡簡單單食一歺飯，大家都好開心，到夜晚就两公婆煑飯仔咁就過咗一日。以前諗到唔敢諗！NOKIA師姐我而家都係揸的士多謝關心更加多謝各位俾過寳貴意見同俾我無限支持溉師兄姐！如果無咗你哋。我可能日復日。年復年不知可時到終點？我會以後更加珍惜家人！多謝各位

！希望企係老破邊緣，有不知如何決擇嘅朋友多啲上嚟睇睇！呢度一定可以帮到你！我唔係擦鞋呢啲全部係我有烕而發

:P :lol

pppw · 发表于 8-3-2010 00:04:56

嘿，水哥，你居然叫我做沐咀，你你你...................（反思更）又講得幾似喎。:lol

kwok1234 · 发表于 8-3-2010 08:32:12

支持水爺~~其實老破最難過都係頭一年~又驚屋企人知道又驚公司知道你老破~無左份工作.但係諗深一層知道又要過唔知又係要咁過~開開心心又一年..好快又四年..祝你四年愉快度過。

由零開始 · 发表于 8-3-2010 10:00:25

後續由上律師樓開始，生活可以話有轉變。以前月月清不止重要頂數！到今時今日月月有少少積蓄。同屋企人關係好咗好多！好似今日咁大家開開心心去大角咀睇廟會然後去踎大牌檔。雖然簡簡單單食一歺飯，大家都好開心， ...
WATER 發表於 2010-3-7 23:29

一家人最重要 ,齊齊整整 ,平平安安 , 一個都不能小 .
這是我申請破產的最大動力......加油

rayjj88 · 发表于 8-3-2010 12:32:22

我同大家一樣撐你!雖然我都係破破新丁一名，大家經歷都差不多，生命同家庭比錢緊要億萬倍以上.....
好似我甘破破左，生活無以前甘担心，出糧要還咭數，最後不惜用左個仔D傷殘金去搞破破。內心都掙扎到最後....:L
遲D我老婆都要同我一樣搞破破，她而家無改地址成年幾，潛水中(因為無錢搞破破，而俾我搞左先)

301 · 发表于 8-3-2010 12:36:13

我同大家一樣撐你!雖然我都係破破新丁一名，大家經歷都差不多，生命同家庭比錢緊要億萬倍以上.....
好似我甘破破左，生活無以前甘担心，出糧要還咭數，最後不惜用左個仔D傷殘金去搞破破。內心都掙扎到最後....:L
遲 ...
rayjj88 發表於 2010-3-8 12:32

唉,
貧賤夫妻百事哀,
過來人明架喇.

加油.

bb_q_888 · 发表于 8-3-2010 12:58:02

1# WATER

有時d野要開心見誠對家人講,你唔講佢又唔敢問....就一直誤會落去.

好彩你終於諗通,家人又體諒你.

四年轉眼就過,祝你一家人開開心心.

queenielamok · 发表于 8-3-2010 16:14:22

1# WATER

有時d野要開心見誠對家人講,你唔講佢又唔敢問....就一直誤會落去.

好彩你終於諗通,家人又體諒你.

四年轉眼就過,祝你一家人開開心心.
bb_q_888 發表於 2010-3-8 12:58

你講得無錯... 有時俾屋企人知道左未必係壞事...

好似我咁... 原本一路瞞住屋企人搞老破... 由1月申請到2月頒令... 到過埋年... 屋企人都唔知我欠銀行咁多錢... 要搞到老破...

直至上月底... 因為自己疏忽... 無通知mpf公司改地址... 而破署寄左信俾mpf公司... 通知佢有關我老破... 咁就抄送左一份copy 寄左俾我... 係寄去我舊居 (即阿媽 & 家姐地址)... 佢地收到有封破署寄俾我的信... 第一時間打電話俾我問我做咩事... 我當時驚到個腦空白... 因為我從來無諗過俾佢地知... 亦唔想佢地知 / 擔心... 所以那一刻真係唔知點算... 但我 bf 同我講... 既然佢地都知道左... 咁不如返去面對啦... 所以當晚我都返左去...

佢地見到我... 無鬧我... 只係擔心咁問我點解會搞成咁... 我同佢地講左個情況... 佢地話兩句就一定有... 但真係一句都無好惡咁鬧我... 只見到佢地好擔心... 之後我走左... 上星期初... 一直都唔敢打返去... 但因為擔心阿媽身體唔好... 又要俾家用... 咁就面懵懵咁返去... 返到去... 都用心再同佢傾左一陣... 再叫佢唔洗再擔心... 因為一切都已經搞掂...

從小到大... 我係佢地心目中都係一個乖女 / 叻女... 唔洗佢地擔心... 但今次真係令佢地好失望... 自從堅持搬左出來住... 同佢地關係差左好多... 近呢兩個月先叫好返... 直至佢地知道左我破產... 我已經做定最壞心理準備... 佢地會徹底放棄我... 但原來世事就係咁無法預料... 佢地唔單止無放棄我... 今朝阿媽仲打返電話俾我... 叫我聽晚上去飲湯... 我地關係仲有得救的...

宜家俾佢地知道左... 雖然令佢地又擔心又失望... 但我個心起碼少左個負擔... 唔洗再擔心俾佢地知道左會點... 又唔洗諗辦法去隱悶...

以往成日無錢的日子... 好日都唔請下佢老人家飲餐茶... 日後如果手頭鬆動返... 真係要好好咁考敬返佢老人家... 唔好再要佢為我呢個女擔心...

puzzle · 发表于 8-3-2010 16:40:54

好有共鳴! 雖然我未至於要夜闌人靜先返屋企, 但係債務纒身確係令人好困擾! 我都係破產新丁一名, 四年破產生涯剛開始, 表格未交, 又未知主任定外判跟, 不過最初忐忑不安嘅心情已經開始平復, 無電話追數嘅日子真係好舒服!

我都好多謝各位, 就算唔係直接比意見我, 睇你哋比其他人嘅意見都一樣幫到好多!!!

puzzle · 发表于 8-3-2010 16:46:49

19# queenielamok

加油呀! 聽妳講一講, 我都要 check 吓 MPF 改咗地址咪... 真係唔該晒! :)

queenielamok · 发表于 8-3-2010 17:05:19

19# queenielamok

加油呀! 聽妳講一講, 我都要 check 吓 MPF 改咗地址咪... 真係唔該晒! :)
puzzle 發表於 2010-3-8 16:46

我會加油 & 生性的！

係呀... 破署真係會寄呢封信去你mpf 登記地址的... 係通知 mpf 公司有關你老破... 如果你提取供款... mpf 公司係要通知破署的... 你留意返啦...

		自动登录	找回密码
密码			註冊

不知點算好到今日

评分

评分

评分