想再請教下各位

catcat0308 · 发表于 24-2-2010 16:46:04

上次開POST講過話傾完生活費後,結果每月還五百+二百五分期還雙糧~~(這個已經沒問題了)
現在的問題是我在男友在廣州的家族生意,經他打理後,
生意倍增,他家人打左D本俾佢再開分店(應該六月開),
佢想我辭職過去幫佢一齊經營,(佢唔知我申請左破產),
我都想跟他上去發展~~(因為我們打算下年尾結婚)
問題係我可以辭職上去嗎?因為我本身要還錢俾外判的,
我如果上去可能一個月才回一次香港,又可以嗎?
應該點做才對~~

roy · 发表于 24-2-2010 21:14:16

香港始終有人權,你辭職唔做,外判冇權干涉你.

不過如果你長時間離開香港,就應該給予外判公司一個交代,同埋有事點樣聯絡到你.

catcat0308 · 发表于 24-2-2010 23:56:21

咁係咪當我遞信俾公司時,通知外判?
定都正式離職當天先講?
係咪辭左職之後我要立即還返之前果份雙糧給外判?(之前話分30期)
如果我立即還返之前果份雙糧給外判,會唔會都唔俾我長期上大陸架?
我辭職無收入,每月就還唔到之前同外判講好果五百,(因為我想同男友一齊經營鋪頭,佢包我食宿,我無諗住話咩要人工果D),
咁會唔會視我為不合作呢?
如果一定要繼續還,我諗五百我要拿,應該都可以,
但其實離職後,係咪一定要再同外判重新傾過生活費呢?

因為我真係好驚,到我真係決定辭職上去,先發現原來唔可以就慘,所以想問清楚D~~~

一怒殺龍手 · 发表于 25-2-2010 01:50:38

辭左職都無野做報左比佢聽就得架啦

無野做還條毛比佢咩  資助人咪寫你男友囉

又無話唔可以返大陸定居既  有男友養唔駛做

破產唔一定要有野做架  其他自己諗啦.....

dopod123 · 发表于 25-2-2010 13:48:17

你搵個理由同佢講要上大陸住先.
離職後先通知外判都得.

catcat0308 · 发表于 25-2-2010 18:30:51

如果我坦白講話想上去陪我男友搞生意睇鋪同一齊生活,呢個理由你們話行唔行得通呢?
因為我四月讀完過DEGREE,本身同姐姐住,但租約到五月尾就完,姐姐話肯同返媽咪住,
咁我就唔駛再支出咁貴既屋租同埋唔駛留港睇實姐姐喇(佢有抑鬱症,食緊藥),
所以我應該五月頭會遞信,五月尾就離職,到時就通知外判,我辭左職是嗎?
辭職駛唔駛有合理解釋架?駛唔駛再預D時間上律師樓再傾生活費或還款安排架?
THANKS~~

catcat0308 · 发表于 25-2-2010 18:47:57

剛才睇到其他POST,話離開香港申請返D MPF出來要充公,我無諗過攞出來,但外判會否要求咁做呢?
同埋係咪要四年內還返之前份雙糧俾佢先可解破??~~(欠果份雙糧之前傾左$9000分36期還,每月$250)
如果要我諗我會用最後出果份糧,還返俾佢,但最後果份糧,佢會唔會都充工埋?
還有我公司話將會加人工,係咪要打俾外判同佢講,同埋係咪本身還給$500,如果加$500人工,就要還$1000??

現在到六月之間好似有好多野搞咁~~搞到我都唔知點行,而家先破左半年咋~~係咪個個剛破果年都係咁多野煩架呢.....

roy · 发表于 25-2-2010 21:32:22

7# catcat0999

1,放心啦,MPF唔會被充工的.

2,至於你要分期還款,我意見你可以用最後出果份糧,還返俾佢亦得.其實亦可以照分期還,不過到時你冇工作,就要交代邊位資助你,同時有可能要交出資助你既人的資料,不過你話你男友吾知你破產,咁呢方面你自己衡量了.

3,另外加左人工冇錯係要照還多D,亦要通知外判.

4,放心啦,初時係比較多D野煩,當安頓一切後就可以正常過活.

bb_q_888 · 发表于 25-2-2010 22:23:33

咁係咪當我遞信俾公司時,通知外判?
定都正式離職當天先講?
係咪辭左職之後我要立即還返之前果份雙糧給外判?(之前話分30期)
如果我立即還返之前果份雙糧給外判,會唔會都唔俾我長期上大陸架?
我辭職無收入,每月就還唔 ...
catcat0999 發表於 2010-2-24 23:56

睇完你個POST....諗左一陣,

表面上你計劃完美.

不過實際都有好多問題.

第一.你唔做工,又話要長期返大陸....咁主任實問你點解? 你點解釋?

你唔上去結婚,解釋唔到.

如果結婚又要上報對方身份. 你男人又唔知你破產.

第二.做生意....你幫佢手會唔會要你開戶口...用作管理之用?

你一日未同你男友講清楚,就撤職上去有d危險性.....

catcat0308 · 发表于 25-2-2010 22:55:35

本帖最後由 catcat0308 於 2010-2-25 22:59 編輯

要俾資助人資料,即我男友既資料,咁會唔會直接搵我男友架?
如果會搵,又真係好煩~~咁如果資助人寫我媽或我姐又可唔可以呢?

catcat0308 · 发表于 26-2-2010 19:29:04

第一個問題:其實我而家間公司壓力都幾大,我每月最少睇兩次醫生既,
同埋成日偏頭痛,醫生話係壓力喎~~如果以咁樣為理由可行嗎?
如果我有辦法叫男友出返張員工合約俾我,當我打佢工,會唔會易過關D?
我寧願還D$俾外判,都想上去~~

第二個問題,佢已經有兩個公司戶口,應該唔駛我開戶口~~~

我媽昨日話不如搵老豆幫手,佢長居大陸,同媽分開左好多年,
但我要搵佢都唔難,叫佢做我資助人又會否少d麻煩??~~~

dopod123 · 发表于 26-2-2010 19:38:21

10# catcat0999

正常唔會聯絡所謂資助你的人,你寫邊個冇關係.
明明你有工作在香港有工資,你話番大陸住但冇收入?
講真你因幾錢而申破?
但你成個故事我有唔明,你幫你男友做生意佢點都點都有人工比你架.
你唔同你男友講你已破產why?但你又諗跟佢上大陸做野冇人工?(呢2個唔係破產問題)

catcat0308 · 发表于 26-2-2010 21:37:04

我諗我男友會俾我$既,因為我呢排忙緊考試,所以諗住遲D真係辭工果陣先再傾,
但我諗唔會真係好似打工咁計卦~~如果要計我都唔知問佢拿幾多...
我欠三十幾萬喇~~但我男友係知我欠$,但佢唔知咁多~~
而且佢上大陸時,我都未諗過破產,係破產前果個月突然屋企又有幾萬要支出,
我問過家人,幫唔到手,因為我姐姐本身亦是剛解破既人士~~才決定破產...
我男友離港前兩年都欠三十萬,不過佢收入高,到被抄時都差不多還清,
而且佢有屋企幫手,但我知道佢家都有問人借錢作為生意周轉~~
我無同佢講,費時佢煩喇,佢剛上去要學做生意已經很累~~
而家搞左破產成半年囉,突然又同佢講,我都唔知點開口~~
佢前排問過我,仲要還幾耐要還幾多$,我仲話差不多還完架喇...:L

如果我同男友傾叫佢當請我咁俾返幾千人民弊我一個月,我直接同外判講話上大陸工作,
又會唔會無咁大問題?

roy · 发表于 26-2-2010 21:46:19

13# catcat0999

你可以簡單一D,直頭話轉工返大陸工作吧,不過一定要有合約證明.

另外如果妳真係吾介意還些少錢,等個心好過D.咁份合約就自行決定入息係幾多,反正都係你男友公司自訂的.

相信以上方法係最簡單了.

dopod123 · 发表于 27-2-2010 01:09:06

13# catcat0999

同男友傾叫佢當請你俾返7千人民弊一個月你做人工,再同外判講話要上大陸工作.
呢個最好方法.再講同你男友講清楚好啲,反正破咗產仲有幾年先完.祝你地生意成功先,30萬唔係咩大數可能你過1-2年提早解破呢:victory:

catcat0308 · 发表于 28-2-2010 23:28:10

14# roy

THANKS,那麼我叫男友替我整份合約吧,但我想問如果我當轉工上大陸工作,
生活費係咪要上去律師樓再傾架,有D咩費用我可以CLAIM?
例如我在香港的屋租可照CLAIM嗎?因為我都會隔個星期返香港住兩、三天,陪下姐姐和媽.
例如佢之前批我食飯每月三千,會唔會因我上大陸減少,
因為我諗住計到大概還$500-1000左右,(因為始終都是我男友既$,如果佢唔係想同我生活,根本唔駛咁貴請個人)
可唔可以比D意見我點報?
同埋我都諗過上去前同佢講清楚我破左產呢件事,不過我好擔心佢既反應啊~~如果係你,你會點反應呢?

我打左兩次俾外判都無人聽~~如果我就咁寫兩句話自己加左人工同FAX封加人工信俾佢,得唔得架?

catcat0308 · 发表于 28-2-2010 23:36:51

15# dopod123

謝謝你既祝福,希望承你貴言喇,我都好想早日解破,因為都幾煩~~好多野要顧慮~~
我諗下次再傾話上去時,我會同佢講既,不過唔知會唔會嚇親佢呢,我都仲諗緊如果要講,點講先較好~~唉~~
昨日返學聽同學講話佢有個親戚去澳門玩加勒比海樸克,摸到同花順,中左三十幾萬,我果時諗係我就好LU,
不過突然諗起個問題如果破左產之後去澳門贏左一筆大錢,會唔會被人CHECK到充公既呢?

roy · 发表于 1-3-2010 00:04:19

16# catcat0999

首先答妳既係有關你破產一事,講吾講比男友知,因為感情係你地兩位,第三者冇得比意見的,你自己衡量過作出決定吧.

至於日常開支,包括香港及大陸的屋租等等,我建議妳照報住先啦,到時等佢cut.
點都好妳一定要通知到外判講出妳所有情況,相信生活費一定要重新傾過.

dopod123 · 发表于 3-3-2010 00:18:27

17# catcat0999

'去澳門玩加勒比海樸克,摸到同花順,中左三十幾萬,我果時諗係我就好LU,'破產唔可以賭博喎....:shutup:

加勒比海樸克,中左得三十幾萬,係細同花順呀,唉............慘慘慘.有錢你都唔好賭.........已經破產唔同好諗.....

努力工作啦

siuwanpatrick · 发表于 3-3-2010 10:31:27

我都覺得唔應該再寄望d 橫財或者博彩去馬上還哂債, 咁樣係不切實際.
及早回頭四年後就可以從新做人. 否則祇會越踩越深.

		自动登录	找回密码
密码			註冊