唉...破產左後煩惱~"~

colin123 · 发表于 17-12-2009 21:13:50

本人大學畢業,破產後2星期搵到份工月入10k(出現金), 2x歲
畢業後欠政府十幾萬,已經拖左年幾未還過,不斷申請延期
直至3個月前因欠各大財務公司共二十多萬,頂唔順每月要還六千幾蚊決定問朋友借錢申請破產
今日收到政府學生資助寄來既信要我彌債人即我daddy,
一次還清所有學生資助債項
因為我屋企人都唔知我已經破產同埋之前欠人咁多錢
再加上我由中5到依家同屋企人關係惡劣,日日比人鬧
因為果時開始冇零用錢,要自己出去做野,唔做野就冇飯食,冇屋企番,
依家都係每月比2千先有得住,食就日日出街食,,,,,
依家唔知點算好...有冇辨法唔比屋企人知....?
定係我搬出住走蹤...??
好煩惱...請問有冇其他方法唔比屋企人知我破產丫.....
如果比我daddy知呢單野,我諗明天會上港聞頭版....
好煩....如果我死死地氣還錢比政府會唔會唔比屋企人知?
請求...各位幫忙

colin123 · 发表于 17-12-2009 21:35:47

點算呀.......救命呀...求求大家比d意見丫......

hic2008 · 发表于 17-12-2009 21:37:30

點解你同家人關係一般, 父親都肯做彌債人?

colin123 · 发表于 17-12-2009 21:44:56

3# hic2008

佢地唔比錢我讀書,我又想讀,咁咪借錢讀書,果時同佢咁講佢就簽名,
所以我先唔想比佢知我一直都冇還錢煩到佢.....
thx

colin123 · 发表于 17-12-2009 21:47:27

4# 301

主任冇檢控,我意思係借左政府錢讀書,之後破產,依家政府追我彌債人一次還哂十幾萬,我想問有冇方法可以令到屋企人唔知呢件事?
thx~

301 · 发表于 17-12-2009 21:48:49

父親做彌債人好正常.

呢 d 野好難唔俾屋企知,
何況你而家已末期.
應平和地一家人商量對策.

:Q

hic2008 · 发表于 17-12-2009 21:51:38

咁就岩啦, 等你父母還米得law.

colin123 · 发表于 17-12-2009 21:51:51

唉......真係唔知點開口.....破產前又係死,破產後又係死........

301 · 发表于 17-12-2009 21:56:58

9# colin123

錯,
你話破產前后都死係錯,
辦破產就無死既.

colin123 · 发表于 17-12-2009 21:59:34

7# 301

即係依家
1,一係搬出黎住逃避一切成世唔安落,
2,一係講比屋企人聽一定家破人亡,家無寧日,日日番屋企比人鬧,重要每個月比番錢我daddy還比政府.
3,求求各位有冇第2 d意見.....thx

比著大家會點做.....

Milkki · 发表于 17-12-2009 22:10:04

7# 301

即係依家
1,一係搬出黎住逃避一切成世唔安落,
2,一係講比屋企人聽一定家破人亡,家無寧日,日日番屋企比人鬧,重要每個月比番錢我daddy還比政府.
3,求求各位有冇第2 d意見.....thx

比著大家會點做..... ...
colin123 發表於 17-12-2009 21:59

面對現實, 因為個禍因你而起, 關係點唔好, 家人都唔會睇住你死.... {:4_209:}

hkbankrupt · 发表于 17-12-2009 22:16:31

無其他辦法，你應該正視呢個問題，勇敢同屋企人交待清楚，唔通你諗住可以避得一世咩? 當初你選擇產呢條路，為左可以比個機會自己，唔洗再逃避，堂堂正正去處理自己的問題，捱埋呢四年，重新做人!

colin123 · 发表于 17-12-2009 22:30:13

我都諗得好清楚,大家都講得又有道理
既然大家都咁認為我明天就講出黎.....
到時睇下會有咩反應,如果真係過份到砍我,影響到我人身安全,
我先再搬出黎住都未遲.....
一來可以借今次知道我嚮屋企人既地位,
二來真係咁樣要搬出黎住咁我都安心脫離關係,失蹤
況且我已經準備4個月租屋錢.....
thx大家

lalaeveryday · 发表于 18-12-2009 02:03:14

我都諗得好清楚,大家都講得又有道理
既然大家都咁認為我明天就講出黎.....
到時睇下會有咩反應,如果真係過份到砍我,影響到我人身安全,
我先再搬出黎住都未遲.....
一來可以借今次知道我嚮屋企人既地位,
二來真係咁樣 ...
colin123 發表於 2009-12-17 22:30

人生就是好多無奈的. 不管如何都是果幾十年...加油吧. 有甚麼事..就一定要找我地的香港政府^^

由零開始 · 发表于 18-12-2009 09:05:48

1# colin123

反正你同居企關係都咁差 , 講出來仲好啦 .
走老唔係辦法 , 你得2x歲 ,人生仲有大把路要走 ,
同父母認錯啦 , 有邊個父母唔幫自己仔女 ,
你真係要好好反醒 , 點解會同父母關係咁差 ,
你一定做在好多另佢地傷心D事 ,
你唔解開同家人關係差個死結 ,你出來社會做野 ,
你唔會有咩成就 , 因為人際關係好重要.......
想清楚以後點對你父母好D啦 ,
做錯就一定要自己負責後果 , 唔好推債任比人...........{:4_187:}

BB5555 · 发表于 18-12-2009 09:36:46

1# colin123

反正你同居企關係都咁差 , 講出來仲好啦 .
走老唔係辦法 , 你得2x歲 ,人生仲有大把路要走 ,
同父母認錯啦 , 有邊個父母唔幫自己仔女 ,
你真係要好好反醒 , 點解會同父母關係咁差 ,
你一定做在好多另 ...
由零開始發表於 2009-12-18 09:05

唉!! 始終果句. 要夠錢先好讀大學. 我之前都係出左黎做野有人工先讀大學. 雖然辛苦d時間好迫同每月分期還. 不過係比較有預算d. 遲d讀書又唔係唔得. 我好明白現在打開份報紙同上網搵工. 一般好d既工都要大學畢業. 我d其他中學同學好多都中五畢業. 之前我去讀大學佢地就有錢都唔讀. 做野冇問題仲唔錯係冇degree. 到而家經濟唔好比人炒左出黎, 想入職d比較好既工就因為冇大學學歷人申請唔到. 高不成低不就. 而家先黎再讀. 成三十幾四十歲人同d二十歲青少年一齊上堂. 好似有代溝同其他人有問題(唔明白其他同學諗咩) 比人排擠. 又好似冇人讀得咁順. 睇到都好同情佢地. 佢地既其實係能力方面係絕對冇問題.

mickey7100 · 发表于 18-12-2009 10:13:29

我都諗得好清楚,大家都講得又有道理
既然大家都咁認為我明天就講出黎.....
到時睇下會有咩反應,如果真係過份到砍我,影響到我人身安全,
我先再搬出黎住都未遲.....
一來可以借今次知道我嚮屋企人既地位,
二來真係咁樣 ...
colin123 發表於 2009-12-17 22:30

盡番自己既責任啦,錢係你借既,書又係你讀,你屋企人幫你係人情,唔幫係道理,好聲好氣同屋企人傾,相信如果佢地有能力一定會幫你,佢地都冇錢都冇辦法.
可況你依家搵到份工成萬蚊,你又住屋企,相信點都有餘錢可以還,成日諗搬出去住,你以為就咁就可以逃避一世咩,你咁樣只係將個責任掉俾你阿爸.

301 · 发表于 18-12-2009 13:32:53

本人大學畢業,破產後2星期搵到份工月入10k(出現金), 2x歲
畢業後欠政府十幾萬,已經拖左年幾未還過,不斷申請延期
直至3個月前因欠各大財務公司共二十多萬,頂唔順每月要還六千幾蚊決定問朋友借錢申請破產
今日收到政府 ...
colin123 發表於 2009-12-17 21:13

今朝我睇晒全港報章頭條都無一段關於錢債的,
你言重啦.
唔破都破左咯,個個老破最艱辛係申破前後一個月,
(其實一被頒令已大解脫,但亦係最窮的一個正月)
你而家過渡緊.

係呀,
學生貸款人一申破,
擔保人係要即全數清還架,
不過有商量分期,
所以你一定要同daddy商量及聯絡學生貸款既處理主任.
:curse:
呢團火肯定包唔住,
早爆好過遲爆;
但點鋪排暴光,
就要你自己心思咯.

仲有: 唔好成日話"破產後煩惱";
點解你唔講下"破產後的輕鬆,快樂",
而家有無人追你數呀?
實非身歷其境可感受的.

:handshake
願主祝福你,
以後一切順利.

lok196305 · 发表于 18-12-2009 16:05:55

19# 301

面對現實~係最佳解决方法!

dopod123 · 发表于 18-12-2009 16:39:35

錯就要認點都要交代清楚,都已經破咗就去面對,他日好好再和家人相處,比人鬧忍囉你收入得一蚊仲話想搬走,將租金還比你亞爸,

		自动登录	找回密码
密码			註冊

唉...破產左後煩惱~"~

评分