雖然我未入紙,但已決定了未來3-6個月會攪,因仍有一些問題想係申請前攪惦.我一直都好Q咁覺得"長命債長命還""只要仲有份工做就一定還到",但最近突然覺得間公司有危機,引發我去認真計吓究竟有幾多債,一計自己都驚,既然問題已係到,就唯有諗辦法解決,最先我諗住做重組,就上網搵吓有關既資料,但越睇就越覺得冇可能,亦問過一間公司,初步回覆要還7年,就算我自已唔食,我仔仔都要食,終於再搵吓搵吓,睇到溫SIR既BLOG,同係另一個網知道有呢個網既存在,呢個月不停咁睇番啲舊POST,個心由開始時既不安,到依家已定咗好多.
我好彩都有朋友可以同我傾,一開始佢地聽到我呢個決定都好驚訝,但佢地都知我過咗好耐"一日皇帝,29日乞衣"既生活,一直幫前夫還之前借落既錢,再加埋仔仔越大,用既錢就越嚟越多,個雪球不知不覺越滾越大,根本就冇可能還得哂,反而破咗我起碼每個月既生活費應該仲安定啲,再加埋有啲ALLOWANCE公司係出現金,亦冇報稅,呢啲我就可以留俾仔仔學嘢,依家佢地都贊成我咁做.
SORRY好似越講越多,講真我以前覺得攪破產係好大件事,係不負責任既行為,會冇哂尊嚴,但依家諗通就覺得反而係負責任既行為,為自己既理財不善付出代價,亦令自己可以斷哂借錢引誘,做番一個懂得量為出既人. |