|
|
本帖最後由 manbomfy 於 2009-11-21 02:02 編輯
我欠債17萬幾,月薪$7000
個個月交min pay都成6千銀,真係頂唔順
而且持續左半年有多,咁攪法要還足26年..(有人計過如果剩還min-pay係還26年)
期間我工作不穩定,有2-3個月無工開...結果靠自動增值八達通過日子,咪又係變相碌卡!!!
咁我可能會還足一世$$$
最慘有時遲還了min-pay,竟然收手續費$1000另+36%年利率...超誇張(渣x私人太款)
打上去扮死狗叫佢幫下忙,過2日入番min-pay數唔好扣我$1000啦,都係唔肯,,,,唉
銀行好似怕我唔死,重要踩多我幾腳....大佬呀,我無工開無收入,幫下忙都得掛???
走去做一筆清又唔批(星x要cut卡個種),想做ive又要我有好穩定的收入...
把心一橫,老破算了,簡簡單單!
有次我係屋企,有個無來電顯示的電話打來搵我叫我入數
個次我好驚,因為佢之前無打我手提,係直接打去我屋企...
我爸爸有血壓高,我一直好擔心會影響到佢,真係好驚佢會有事
我成30幾歲人都係無好好咁比到安穩既生活比到佢,已經覺得自己好無用
而家重要攪到爸爸擔心..我好不孝,唔想佢為我難過(破產既事屋企人唔知)
我知道17萬我爸爸媽媽可能會有,但我實在唔忍心用佢地血汗$$$
我爸爸只係的士司機,媽媽係清潔工,,,,
我自己衰就好,唔想連累到佢地!!
d$佢地留番比自己去旅行,買東西.... |
|