拎左出糧信，中銀⋯

我_重新做人

你地有無人系用中銀的師兄分享一下
小弟小小分享：
第一次被凍結，今早去銀行拎最新結餘證明 ，排左個幾鐘，然後去石仔寫字樓 等拎信，拎完信又去中銀櫃面排隊個半鐘等拎錢，點知原來拎唔到，職員反問我有無收到電話來呢間分行拎，我話無喎，但個職員俾信我個個講明叫我去事旦一間分行都得，銀行職員就話拎曬我資料去影印先，填完表格+資料，要sned番去後台，我後台send上受託人，受託人覆左銀行可以允許取款指定生活費後，銀行才打電話俾我 通知去指定分行拎現金，話每個月每一次都要做呢個程序，佢地無權俾我取款，但封信寫明請允許我提取金額$1xxxx作生活費，甘搞法要分幾日請假去搞，岩先當面問左銀行職員最快幾時會通知，銀行又話唔清楚，可能星期一，甘星期一又要請假聽銀行電話通知，因為我番工到收工 銀行都關左門了，同埋我番工有時系地牢地盤無信號都收唔到電話信號，迫住要請假等通知再去排隊拎錢，如果星期一無消息，星期二又要請假，老細都分分鐘嫌我麻煩友 炒左我，搞到有點心灰意冷絕望的感覺

Vtk1

師兄，我都係用中銀，黎緊都會比佢凍，申請解凍麻唔麻煩

HS1975

與其咁樣，不如同受託人直接擺爛！加監咪由鳩得佢加囉，一分錢都唔鳩俾佢，自己出去做炒散出現金糧！企硬D啦，要講道理嘅嘛！

我_重新做人

青到我頭都暈拖拖 ，糧又未拎到

我_重新做人

搞到暈拖拖 ，周圍跑拎籌排隊

nakamura

HS1975 發表於 6-6-2026 10:52
與其咁樣，不如同受託人直接擺爛！加監咪由鳩得佢加囉，一分錢都唔鳩俾佢，自己出去做炒散出現金糧！企硬D ...

乜雙黃如果俾佢加監，本身爭佢果D欠款就可以夠期就唔駛再供同清數？只係等加監夠期就一筆勾銷？

HS1975

破產期四年，若非首次破產（如曾破產），基本年期為 5年，同樣可因不合作而被加期至最多 8年。如果加你監，肯定你就係無交齊上繳或其它原因，若你覺得八年無所謂嘅，就由得佢，八年時間你咪齋做炒散出現金囉，當然你自己承受倒接受倒就得啦，生活要點過，自己考慮清楚囉

我_重新做人

星期五去拎出糧信，即日下午趕去中銀排隊，唔俾拎，銀行要先再3同受託人確認等它公司覆番銀行才有權拎，叫我等電話通知，今日星期一仲未有消息，搞死人，連請幾日假為去左拎個糧生活費，而家仲未拎到，無啦啦話凍就凍，唔打來講欠乜，我盡力補償番嘛 ，一凍就搞嗨死，工都等人炒啦，唔拎糧 我連番工食飯日常支出都無

202511a

冇搵你又真係唔合情理，佢地認為有小小不合作，就即時凍銀行

從新做人1000

石仔係咁，郁啲就凍戶口唔會通知。要你打上去問先講on99

從新做人1000

我_重新做人 發表於 8-6-2026 14:39
星期五去拎出糧信，即日下午趕去中銀排隊，唔俾拎，銀行要先再3同受託人確認等它公司覆番銀行才有權拎，叫 ...

其實有出糧信應該就拎得，唔係咩叫出糧信。中銀咁煩架，我上次恒生即刻拎得。不過石仔扣起上繳個筆，只係俾拎生活費。個個月去拎信再揾bank 都好煩

我_重新做人

從新做人1000 發表於 8-6-2026 15:37
其實有出糧信應該就拎得，唔係咩叫出糧信。中銀咁煩架，我上次恒生即刻拎得。不過石仔扣起上繳個筆，只係 ...

但我拎左出糧信去中銀，中銀都話無權俾我拎錢 ，我話封信系受託人俾我叫我去事旦一間分行中銀就得，中銀都堅持話唔可以，話要等佢地影印俾左受託人 受託人覆番佢中銀 ，中銀先肯放我拎生活費，成個流程唔知要走幾多轉排隊，搞幾多日先有得拎糧，有無中銀師兄幫幫忙 ，解答下，我搞到無曬心機，好灰好慘，系甘同老細講有事要處理，請假，今日仲未拎到，今晚再請假，我估老細叫我以後不用番了⋯ 好無助，希望一陣有覆我 可以去拎糧啦

stevejobs

202511a 發表於 8-6-2026 15:02
冇搵你又真係唔合情理，佢地認為有小小不合作，就即時凍銀行

佢地有權想點都可以，破產人唔可以軟對抗

stevejobs

我_重新做人 發表於 8-6-2026 15:46
但我拎左出糧信去中銀，中銀都話無權俾我拎錢 ，我話封信系受託人俾我叫我去事旦一間分行中銀就得，中銀 ...

師兄 ，我都試過咁，來回6次，跟住俾老闆炒左，中銀真係特別煩，滙豐都即日拎錢，我間中都係上去拎出糧信，已經係滙豐拎左兩年錢，就黎解破。

我_重新做人

stevejobs 發表於 8-6-2026 17:13
師兄 ，我都試過咁，來回6次，跟住俾老闆炒左，中銀真係特別煩，滙豐都即日拎錢，我間中都係上去拎出糧信 ...

甘搞法，實搞到俾人炒，危危乎，我都感到整度好無助。
師兄你當日拎左出糧信去中銀 等中銀打俾你覆可以拎糧，大概要等幾多日？

我_重新做人

stevejobs 發表於 8-6-2026 17:13
師兄 ，我都試過咁，來回6次，跟住俾老闆炒左，中銀真係特別煩，滙豐都即日拎錢，我間中都係上去拎出糧信 ...

排6次隊，每次個半鐘，都排足一日，問題一日都無得解決，又唔知分幾次幾日去排，搞Q死，一直等電話 都未打來話可以去拎錢

WeChat

樓上同學講得岩，預左老細炒，不如返現金糧或現金票或轉數快入八達通微信支付寶，個個月請假乞出糧信真係不人道，仲衰過周圍跑山借錢，有現金糧唔撚通知仆街石仔，同埋都唔需要上繳，等石仔冇得同債主交代就知死

我_重新做人

有咩工介紹，搵份工都難，仲要拍定銀行出糧、我都做唔到，因為開戶時都俾各間銀行摸來摸去，摸到暈都搞排隊排幾間，反正啲職員就摸走我地唔想幫手開戶口 ，莫講搵份現金糧 都唔知點搞

最後生還者

我_重新做人 發表於 8-6-2026 18:32
有咩工介紹，搵份工都難，仲要拍定銀行出糧、我都做唔到，因為開戶時都俾各間銀行摸來摸去，摸到暈都搞排隊 ...

同問，就黎冇錢開飯

HS1975

去D散工網搵下，好多請人講明出現金！基本都有四百五至五百一日。OT另計