出花紅被全數沒收的大問題

anyman00 · 发表于 5-1-2026 17:45:59

小弟今年搵到正職，3月開始返工，有13萬未供款（截至9月底），因為之前唔盡快申報自己有正職收入，搞到比雙黃喱間仆街行捉住唉！
24年6月底頒令，之前都返住炒散，每月都唔過9000生活費，所以唔使供。咁今朝上咗去攞信啦。

咁而家正職人工22K，調整後生活費約 10600 供款約11400。但問題係我由10月個期糧開始供返款啦。到12月糧仲有幾萬元bonus，佢竟然話喱幾萬元唔會幫我扣減個欠款？咁我供埋個花紅比佢有咩意思？我一蚊都冇得袋落袋添。

見我個“鄧生” 解釋係額外收入係全部比哂出嚟，但因為係收入一部份，唔可以當作償還以往未供款！？本身條數我計算：未供款130000 - 花紅 66000 即係我欠額只剩 6萬幾元，足足抵銷一半喎，但佢話唔係咁！
佢嘅計法：130000 係加埋喱大筆花紅 66000 + 10至12月份供款，再減返我而家戶口存款 = 我個生活費。。我想請問各位，佢係咪隔硬嚟搶錢咁搶呢？
我都一次過供10萬3千元比佢，未找哂欠款都找咗大半啦？點可能話我供完仲欠緊13萬啫？！冇可能架喎，會唔會太荒謬啊！個欠款冇少過咁！所以要等我處理埋喱筆數（起碼一半）先可以幫我向HSBC解凍戶口？我O哂咀話佢係咪唔合邏輯啊？

另外總負債48萬，佢話就算之後個30期全順供，都唔夠找哂全數喎？！仲話而家都計緊利息同財務費用？吓我心諗咪永遠還唔完？還到2028年中都唔停，佢聲稱可能延長我破產期添！我想請問大家，乜破產期內，仲可以瘋狂計息計手續費疊加落去？
弊在之後我打比破署主任問，個小姐又係咁答，吓死啦咁！還到無了期囉！到時可能total還成60萬.....

唔好意思太長，大家唔好見怪，希望比啲建議我，超困擾中。。。

hkjames · 发表于 9-1-2026 13:35:32

我睇D師兄，出B仔有得同外判拗下數，唔一定成份食哂。
我自己無呢個經驗。

anyman00 · 发表于 6-1-2026 10:23:40

明白！不過仆街唔比啲copy我，扣數紙同累計供款表，我都睇唔返，只可以憑記憶同記住d資料。其實佢地係咪專登呢？唔比我地有憑證在手？

Cccc · 发表于 5-1-2026 18:06:24

供款仲大過生活費，仲做黎做乜，搵份兼職算啦，宜家呢間野仲大咬過李周

konate1985 · 发表于 5-1-2026 18:30:13

乜唔起呢四十八個月內每月上繳足 4年後你破產時有申報既債項就一筆勾銷既咩？？

anyman00 · 发表于 5-1-2026 19:03:44

Cccc 發表於 5-1-2026 18:06
供款仲大過生活費，仲做黎做乜，搵份兼職算啦，宜家呢間野仲大咬過李周

明白啊，但而家份工又好適合我，老細比機會我算唔錯，又唔想咁樣就放棄。。
喱間死人野好似想人割肉比佢地食咁！好恐怖，又用條例來威逼！

anyman00 · 发表于 5-1-2026 19:08:16

konate1985 發表於 5-1-2026 18:30
乜唔起呢四十八個月內每月上繳足 4年後你破產時有申報既債項就一筆勾銷既咩？？ ...

C兄，規則係咁講囉。
但係工作同收入狀態唔係must嘛，到有咗正職又變咗要供好多$$
分分鐘到期滿供嘅仲多過本身債務，喱個問題係我最concern

202511a · 发表于 5-1-2026 20:23:42

本身債務個數好大機一樣滾大，罰息，收數，利息，手續費，所以你應該係未還曬，好明顯係串你

Toontoon · 发表于 5-1-2026 21:07:39

我依家做外賣李周都成日叫我搵正職

John2099 · 发表于 5-1-2026 22:58:42

Toontoon 發表於 5-1-2026 21:07
我依家做外賣李周都成日叫我搵正職

你有無上繳俾佢依家？

欠一百萬 · 发表于 5-1-2026 23:12:14

花紅全數繳係正常, 你只可以申請部份來用, 佢批幾多你用幾多, 佢唔批你都無乎. 唔計花紅66000, 你欠款自己計一下, 無錯數就係算係正確囉.

anyman00 · 发表于 6-1-2026 01:55:03

202511a 發表於 5-1-2026 20:23
本身債務個數好大機一樣滾大，罰息，收數，利息，手續費，所以你應該係未還曬，好明顯係串你 ...

咁我都冇辦法即刻清到個欠款啊，佢又話唔准用我個花紅來抵銷。同埋乜破產期內仲可以照計利息同手續費落去？係咩事啊？咁最後總數佢up幾多就幾多喎？

anyman00 · 发表于 6-1-2026 02:02:31

欠一百萬發表於 5-1-2026 23:12
花紅全數繳係正常, 你只可以申請部份來用, 佢批幾多你用幾多, 佢唔批你都無乎. 唔計花紅66000, 你欠款自己 ...

佢寄封信都叫我全數上交，咁我今朝又唔知仲可以申請返一部份來自用？咁咪簽咗扣數紙比佢扣哂成筆囉，咁我而家仲可以點做？打上去問有冇得批返部份比我？
同埋好大問題係，我供埋咁多花紅比佢哋，可以冇減少個欠款額嘅咩？咁都得？咁個花紅其實比佢哋獨呑咗喎？其實破產條例係咁講咩？
有冇C兄答到我。。Thx.....

WeChat · 发表于 6-1-2026 07:35:59

一係你直接去破處主任爭取，唔得就搵法官，但預左要搵多實質的證明文件去證明來自用先可以令法官判定合理解釋。石仔睇死你地唔會爭取到

anyman00 · 发表于 6-1-2026 08:08:48

Thx C兄，尋日打過比破署主任問，佢又話個case唔係佢跟，所有野都係受託人話事。。唔知佢仲可否幫我爭取到？

WeChat · 发表于 6-1-2026 08:08:54

就算收到幾百萬花紅都唔可以抵銷欠款，石狗咁同我講。石狗出名係食人唔吐骨，有破處主任做後台，狼過黑財

anyman00 · 发表于 6-1-2026 08:11:13

另外可以為破產期內嘅問題向法官申請咩？唔係到解除破產先經法庭審？Thx

WeChat · 发表于 6-1-2026 08:22:01

遇到你覺得不合理問題，石狗只叫你搵主任爭取，唔得就法官，我聽到就這樣

anyman00 · 发表于 6-1-2026 09:18:03

WeChat 發表於 6-1-2026 08:08
就算收到幾百萬花紅都唔可以抵銷欠款，石狗咁同我講。石狗出名係食人唔吐骨，有破處主任做後台，狼過黑財 ...

嘩咁真係好大獲喎，如果公司好好景出到更多bonus比我，咁我咪白白嘔哂比佢哋獨呑？好似規則任佢定咁！！點搞。。

anyman00 · 发表于 6-1-2026 09:20:46

WeChat 發表於 6-1-2026 08:22
遇到你覺得不合理問題，石狗只叫你搵主任爭取，唔得就法官，我聽到就這樣 ...

哈哈咁搞法真係冇計喎。。主任又唔理，搵法官我又唔識點整

anyman00 · 发表于 6-1-2026 09:24:58

打去雙黃話再係咁，我可能報東張，有冇得諗？

WeChat · 发表于 6-1-2026 09:36:11

首先要集齊證據，有咁多料就咁多料，而家好似唔只得東張，星島頭條好似都可以接，詳情請直接問下佢地

		自动登录	找回密码
密码			註冊

出花紅被全數沒收的大問題

浏览过的版块