打算申破擔心唔知有冇問題

Fari

各位好，小妹因打算申請破產，咩都唔識，破格人生首次參加討論區，所以有咩唔啱規範希望多多見諒提點????‍♀️

我因為得罪超級有勢力人士而失業又18年中到而家，啲勢力人士一直以頂尖科技hack晒我同家人電話電腦等，乜都玩乜都知，所以搵極都搵唔返全職，7年來有3次做臨時工出過少少糧。

無助之後借孖展買股票，不斷用wechat/alipay去套現信用卡錢去買股，再申請銀行簽賬分期或現金分期, ,兩年前左右已無再套現信用卡去股票，但會keep住套現嚟還卡數再簽帳分期，但一直有還足錢只有幾期還超過min pay, 雖然無收入但股票間中賺到嘅錢，加上家人俾嘅錢，賣閒置物同收藏品嘅錢等同消費券變現嘅錢全都用還錢。

最近半年都有搵全職工記錄，keep住有幫家人親戚碌卡當幫周轉同賺積分，共4間銀行嘅信用卡93萬債左右(渣/匯/x新/星bs)，最近一期還多過min一截，好擔心唔知幾時會開始追數，因為一直無電話無信追，亦擔心唔知會唔會告我欺詐或咩。

(6-9月有3次喺淘寶買日用品supplements分期每次千鬆啲蚊同一次電話壞買新機2800分期，呢幾個月亦有套現冚債同股票度取幾千還再加另外自己入500還還。）求指教咁有冇問題，因為咩都唔識希望大家唔好介意????‍♀️????‍♀️

2025決心破產

乜都唔洗理 香港破產大哂

我總數差接近成千個 (所有都係輸哂係賭)  1線2線扣底, 連電話數都球幾  
我一樣破到 有咩唔得

Lawlaw1990

2025決心破產 發表於 28-10-2025 12:24
乜都唔洗理 香港破產大哂

我總數差接近成千個 (所有都係輸哂係賭)  1線2線扣底, 連電話數都球幾  

C兄電話數到宜家有冇後續仲追緊定仲有騷擾？

小白新生

最吸睛既係呢句，『我因為得罪超級有勢力人士而失業』。全球追殺令？

Kklo0060

你點樣覺得有人可以hack足你咁多年？

攪到我頭痛

快啲去破左先，跟著搵份工，你講到咁大勢力，咁做唔做得麥當勞同7-11果啲工？

jackywong

2025決心破產 發表於 28-10-2025 12:24
乜都唔洗理 香港破產大哂

我總數差接近成千個 (所有都係輸哂係賭)  1線2線扣底, 連電話數都球幾  

電話數都借到一百多萬，咁犀利？