比左18000蚊 律師樓 因有半層自置公屋 唔批破產

Saveme

幫屋企人問
因為爸爸好賭
我媽媽已經和爸爸離婚 離婚書寫明自置公屋是比媽媽的
（因為爸爸冇供過）
已知爸爸二線財仔 有80萬 幾個月前失業  已冇能力還錢幾個月所以比左錢18000蚊佢申請破產
但律師樓話上左庭 話爸爸有層樓 所以唔批 仲話可以幫我地賣樓？（這是正常）
呢間公屋係我媽咪養老 已經離左婚 佢點都唔會賣（我已搬走）層樓未補地價當年買只是200,000

前幾日有人上門嚇媽媽還錢 我媽媽喊到要睇醫生食藥。有冇好心人知道
1. 呢家爸爸破產失業 冇還幾個月錢 佢話收到信 要上庭佢諗住唔上
請問咁係代表有財仔申請佢破產？ 所以唔需要再搵其他律師樓？
2.媽媽覺得層樓係離婚時已經比左佢 所以佢想搞轉名手續趕爸爸出去
但我怕我爸爸 因為咁比人告轉移資產 要坐監
我該幫媽媽搵律師樓搞轉名嗎
3.
作為兒子 我有2個小朋友 之前已經填咗好多錢冇能力再幫
想不到比左錢律師樓都搞唔點  我可以問律師樓追討金錢嗎？

luckyman2025

1）唔上唔代表唔使負責任，上庭有無講係搞咩（叫佢睇返封信）？通常都係債主見債仔有樓有資產，就會申請落釘，到時轉唔到名，資產會被變賣還債，唔會理你老母住緊定點，唔上庭應該直接判老豆敗訴。要睇係資產扣押令，定破產申請，如果係破產就慳返錢，唔使自己另外搞。2)法律既野，黑白分明，唔會有覺得，就應該點。離婚點寫都無用，實際無轉到名就係無，宜家仲係老豆名下，即係資產，宜家轉名好尷尬，好易奶野，近親交易睇得好嚴。如果落左釘，唔使諗轉名一定做唔到，可以慳返。3）搞唔到有好多原因，無話有包搞掂既野，律師都係同佢交破產申請，實際批唔批法官話事。專業人士簽哂合約，無可能會追到，應該係有哂保護條款。或者，你可以睇下有咩個案可以告到律師樓，又成功追討，相信係極小，仲要燒銀紙玩。
咩文件都無，要準備俾債主上門追數， 細膽小小可能老母都頂唔住。

最差情況，俾債主收樓，老母無得住，如果夠還債，老豆就唔使破產，唔夠到時都係破。債主知道你媽媽有錢有樓，係會煩住，習慣下當唱歌就得。某程度唔知係咪你老豆搞破產無如實講到名下資產仲有層樓，先會破唔成。


補充內容 (26-10-2025 04:54):

最大問題係你話層樓俾左媽媽，點解又會話半層樓業權？係咪只係分左一半俾佢？如果只係半層當然破唔到，資產多過負債，全層都仲係老豆仲難搞。