準備填年表，突然收到報稅單…

lyle0516 · 发表于 24-10-2025 23:26:09

入學兩年，返咗兩年現金出糧公司一路都冇問題
今年公司突然話要同我地報翻過去咁多年嘅稅
有同事直頭要報翻過去7年嘅稅
今年張年表應該點填？應該主動申報定等佢審計發現？
兩年總收入加埋成28萬，但我而家連幾萬蚊都冇
報稅知道走唔甩，一萬幾千仲比得起
如果佢要我嘔返之前嗰啲都唔知點算…

Reborn818 · 发表于 25-10-2025 01:06:20

本帖最後由 Reborn818 於 25-10-2025 01:07 編輯

宜家稅局好似野獸咁，你預至少七年就無錯

睇吓你自己噏乜啦，明顯你都冇睇到人哋年收入，平均幾多已經喺度嚇鬼啦，仲喺度扮晒嘢

Reborn818 · 发表于 25-10-2025 01:03:34

轉死性？其實你哋冇乜嘢好驚呀，比完Ban完咪開過囉，反正又唔使錢版主又吹你唔脹。
起碼都睇吓稅局，佢公司嗰邊點樣報佢收入先，同佢跟邊個，同本身批幾多收入先掛？
一開口又係你嘅慣性，又話要拉又話要鎖，死性不改

luckyman2025 · 发表于 25-10-2025 00:52:27

Reborn818 發表於 25-10-2025 00:43
首先搞清楚個情況先啦，真係有心幫人嘅就唔會喺度廢噏埋啲咁嘅嘢

明白可能有答得唔全面既地方，先行致歉，有錯請指正，感激不盡，共創理性討論既地方。同學仔應該有興趣想知瞞報收入點處理，主動申報返定被動踢爆既分別，可以分享下你見解。另外就係傾返生活費分期既策略，特別係年報申報方面。

luckyman2025 · 发表于 25-10-2025 00:34:36

本帖最後由 luckyman2025 於 25-10-2025 00:40 編輯

Reborn818 發表於 25-10-2025 00:22
上面個位新同學，係一條俾版主Ban完又不斷黎開過新acc既不受歡迎人物，佢講嘢出名鳩噏誇張兼作大，所以樓主 ...

REBORN師兄係咪有咩誤會？我初心都係希望解答到同學。弄虛作假既情況點可以掉以輕心？法律責任你無可能唔清楚。稅應該唔會多，但係無走雞。睇佢回應係擔心生活費。如果按推理，佢可能係一直報失業，有可能只有基本7000左右生活費，或者係從來都無生活費(個別外判的話）。就當佢月入12000左右，理想個人生活費10000，唔計租金，可能平均都係上繳2000，24個月都係24000左右。同學仔可能要提供多啲資料先可以具體分析到。苦口婆心叫同學仔如實申報，就係免除有以上同學仔公司出現後報稅既情況周身蟻。

Reborn818 · 发表于 25-10-2025 00:26:54

真係好唔明呢條咁嘅T先生咩心態？？俾人Ben完已列為不受歡迎人物，又不停咁開新戶口，正宗搵掃把打都唔走，臉皮究竟要幾厚先做得出？

luckyman2025 · 发表于 24-10-2025 23:34:18

本帖最後由 luckyman2025 於 24-10-2025 23:39 編輯

可以肯定你都幾大鑊，仲會俾外判或破署同稅局秋後算帳。其實你點報都係死，只不過主動申報到時上法庭可以容易求情。每個人都要對自己行為負責。唔理你現金糧定點都要報稅，同受託人報收入。宜家稅局好似野獸咁，你預至少七年就無錯。你再暪報，錯上加錯，行為惡劣法官唔會手軟罰錢咁簡單。搜尋定漏稅同隱瞞受託人收入既最嚴重情況，做好準備。嘔錢就可能每月分期，再上繳多啲，估計條數唔細。政府錢就算解破都會照追，無得走，你著草另計。所以現金糧就算個年唔報稅都唔代表永遠安全，之後報返哂就食回力鏢。

lyle0516 · 发表于 24-10-2025 23:47:35

luckyman2025 發表於 24-10-2025 23:34
可以肯定你都幾大鑊，仲會俾外判或破署同稅局秋後算帳。其實你點報都係死，只不過主動申報到時上法庭可以容 ...

假如我之後失業每月分期還唔到會點

luckyman2025 · 发表于 25-10-2025 00:18:35

本帖最後由 luckyman2025 於 25-10-2025 00:24 編輯

lyle0516 發表於 24-10-2025 23:47
假如我之後失業每月分期還唔到會點

受託人咪加監同埋唔出不反對通知書俾你，你咪最多玩夠8年都係開唔返戶口，做唔到正常人。稅局方面咪係咁加罰款，可以限制出境或其他懲罰。最驚就係你不誠實行為得益，變成欺詐獲得財產（唔交稅，唔交上繳）...之後俾人告，交到錢都係一半半機會再跟進會唔會檢控。
你失業究竟係有目的性逃避定真係無野做，要問你自己，但我諗受託人咁醒目點會唔知你咩套路，中間有欠款令到受託人多左野做，仲要跟你之前做假既年報。由頭到尾都係失業咁外判同主任都做少好多野。早知當日，何必當初！

Reborn818 · 发表于 25-10-2025 00:22:14

上面個位新同學，係一條俾版主Ban完又不斷黎開過新acc既不受歡迎人物，佢講嘢出名鳩噏誇張兼作大，所以樓主完全唔使理佢根本一啲都冇參考價值。
咩叫做報返晒兩年嘅稅？你公司咁多年都冇報稅咩？首先冷靜唔使緊張，你兩年加埋先嗰廿八萬收入，即係平均每年十四萬，個人免稅額都十三萬二千，我當你公司真係報返之前嗰啲上去，又如何呢？根本就有限錢，根本就唔係咩大件事唔使聽條白癡廢話，呢樣你完全唔使擔心。
至於破產嗰度，你係跟邊個？同之前批你生活費嗰度係批咗幾多？

Reborn818 · 发表于 25-10-2025 00:24:24

同埋而家已經10月就黎11月，你公司而家先嚟報稅？你睇清楚究竟咩情況先啦。

fung1006 · 发表于 25-10-2025 00:32:10

Reborn818 發表於 25-10-2025 00:26
真係好唔明呢條咁嘅T先生咩心態？？俾人Ben完已列為不受歡迎人物，又不停咁開新戶口，正宗搵掃把打都唔走， ...

精神病患者先做到

Reborn818 · 发表于 25-10-2025 00:43:20

首先搞清楚個情況先啦，真係有心幫人嘅就唔會喺度廢噏埋啲咁嘅嘢

Reborn818 · 发表于 25-10-2025 00:44:17

fung1006 發表於 25-10-2025 00:32
精神病患者先做到

明明好好一個論壇，係要有啲咁嘅精神病喺度搞搞震

jackywong · 发表于 25-10-2025 02:53:40

Mpf 呢？本身應該沒有供吧？，現在需要你們供番嗎？

lyle0516 · 发表于 25-10-2025 04:58:22

補充少少我係跟主任，上年份年表我係寫收入0，然後支出幾千蚊寫由媽媽資助所以盈餘係0，之後一年都風平浪靜冇人搵過我今年聽聞公司老細比人查數，所以要報翻晒所有員工嘅稅，仲要分咗兩間公司出咗4張報稅表比我（兩張56B同兩張56F)，合共加埋28萬（09/2023至03/2025）評完稅可能一萬幾千都仲比得起，係驚唔知破產署之後會點處理同埋份年表而家唔知點填好

lyle0516 · 发表于 25-10-2025 05:12:51

Reborn818 發表於 25-10-2025 00:22
上面個位新同學，係一條俾版主Ban完又不斷黎開過新acc既不受歡迎人物，佢講嘢出名鳩噏誇張兼作大，所以樓主 ...

非常同意師兄講嘅嘢，之前公司正正就係一路冇報到稅，而家話老細比人查數所以先要報翻，稅局方面唔太擔心，會照報照交稅，而家反而係擔心破產嗰邊要點處理

Bsm · 发表于 25-10-2025 07:53:38

lyle0516 發表於 25-10-2025 05:12
非常同意師兄講嘅嘢，之前公司正正就係一路冇報到稅，而家話老細比人查數所以先要報翻，稅局方面唔太擔心 ...

諗下點樣解話。
我宜家都係現金糧，但我都有同主任講。費事出現你呢個情況。

Reborn818 · 发表于 25-10-2025 09:50:39

本帖最後由 Reborn818 於 25-10-2025 10:06 編輯

lyle0516 發表於 25-10-2025 05:12
非常同意師兄講嘅嘢，之前公司正正就係一路冇報到稅，而家話老細比人查數所以先要報翻，稅局方面唔太擔心 ...

稅務個邊，真係超級小事，頂籠交返三幾百蚊稅，真係無野好擔心，絕對唔會係條垃圾所講咩秋後算賬，野獸咁咬住唔放。
至於破署收入年報個邊，跟破處主任的話，我諗之前應該冇同你正式傾過生活費，或者甚至從來冇直接聯絡過你？今年年報我建議，你照56B收入照報收入，支出咪照寫正常，如膳食每月5000，交通1000，個人雜費有幾多諸如此類，夾返條數睇吓夾唔夾到收支平衡，然後睇吓之後主任有冇再搵你，搵你嗰陣時咪當傻吓傻吓，有工返唔記得同佢講。
至於上年嗰份就比較濕濟，睇吓你自己點諗啦，你覺得自己同主任直接講情況，諗住坦白從寬，咪打電話或者寫個電郵睇吓佢點答你，如果你覺得想搏，就等佢主動搵你先到時算，反正破處唔係外判，你收入數目唔大，有陣時佢哋都好多嘢揀簡單處理，未必會去跟進到底。

Reborn818 · 发表于 25-10-2025 10:04:34

Bsm 發表於 25-10-2025 07:53
諗下點樣解話。
我宜家都係現金糧，但我都有同主任講。費事出現你呢個情況。 ...

每年填年報時，記得去啟德攞份報表望吓究竟有冇真正同你報稅，有就照填上去，等主任搵你到時先算

		自动登录	找回密码
密码			註冊