我岩岩領令 直接外判左俾褟氏
我申破果時辭左職 之後都算高收入人士 好大數破產
呢一刻同埋見主任果刻都係失業狀態
我想問下大家傾生活費既野
因為我黎緊係準備搵返工做, 會有收入, 所以生活費果度我都想認真傾因為盡量都唔想個數咁細怕遲d搵返工難加 (因為我知好多見到失業都係是但批住先)
首先如果老婆有做野(人工唔高), 水,電,煤,租金 係咪全部填返最近一期既錢 之後除返2咁寫?
而供養子女, 一般每個人可以批到幾多架?
仲有樣就係我父母年紀好大, 而且而家有重病, 唔同住但我希望都可以批到少少額供養佢地, 但問題黎喇, 我申破前, 當然有好幾年時間係經濟好唔店啦 (賭錢), 甚至要父母借返好多錢黎什我填數, 所以我以前當然無任何供養到佢地既紀錄, 但係而家我破左產, 唔洗再還, 咁實際上我黎緊搵到工又真係會還返d錢俾佢地, 咁呢d情況一般寫幾多會合理呢..??
總括而言, 一般有1個小朋友, 要租屋, 父母高齡不同住,既情況大概會批到幾多呢... 因為完全無概念, 想請教一下大家
|