頒令後恒生開戶失敗

aorus1660

我9月尾已經頒令,恒生無牙齒印, 拎開戶信後10月2號去恆生總行開戶,
恆生職員話用封信查唔到我破產資料,開唔到,叫我隔幾日再來,
當日問主任咩事,主任叫我同職員講用一個叫認證易嘅網站黎check,

今日再諗住無死啦,去到恆生總行又係話銀行後台未更新,佢地乜野都做唔到,
我問個職員通常要等幾耐佢地銀行先會update資料, 個職員就話一般要1個月,
我問主任會唔會有咁嘅情況出現,佢就淨係不斷重申封信無問題,

我分唔到係恆生唔想俾我開定係佢後台系統真係有問題,
曬咗我2日時間都未出到糧, 真係好煎熬,


想請教下大家有無遇過類似問題?
我見其他同學仔一出信即日去開都無問題, 我諗緊好唔好轉去大貓/中銀開?

Reborn818

如果痕生開唔到，大貓都一樣開唔到。入學前痕生或大貓有無户口？如有，有無試過有數俾佢問過要你解釋？如果曾經發生過，你入學後佢哋係唔會俾你開户口的。

aorus1660

Reborn818 發表於 8-10-2025 16:55
如果痕生開唔到，大貓都一樣開唔到。入學前痕生或大貓有無户口？如有，有無試過有數俾佢問過要你解釋？如果 ...

無數俾佢問過呀, 最慘係佢又唔係講明唔開得,淨係叫我等一排先開

咁睇黎唯有試中銀或者招商永隆:'(

WeChat

永隆可以，不過預佢慢到仆街，每間分行只有一個櫃員負責普通戶口，你唔怕等到化石就用佢

9228

師兄，我都想回應，由於我係在永隆重開戶囗，但係戶口出現問題，現在需要取消重開第2間銀行，因為爬文見各位師兄，師姐都話痕生可以開到戶口，現在聽到你講痕生又開唔到，本來我想選擇痕生開戶口，現時都係有啲迷惘邊一間銀行可以順利開到戶口，因為要主任再出信前往再開戶口及要選定銀行名，請各位師兄師姐俾啲意見。

9228

痕生本身冇牙齒印

迷途小子CKH

9228 發表於 9-10-2025 22:32
師兄，我都想回應，由於我係在永隆重開戶囗，但係戶口出現問題，現在需要取消重開第2間銀行，因為爬文見各 ...

正常你同大貓痕身冇牙齒印都畀你開到嘅
只係個師兄銀行有其他原因所以先至開唔到
咁咪試下用痕身先
之後如果唔得咪再改用其他唔好成日乜都見到就驚咗先 試下先

9228

各位師兄，師姐痕生本身冇戶口及冇牙齒印，是否可以試試或開創X會好啲，請各位給予意見，謝謝大家。

迷途小子CKH

9228 發表於 9-10-2025 23:15
各位師兄，師姐痕生本身冇戶口及冇牙齒印，是否可以試試或開創X會好啲，請各位給予意見，謝謝大家。 ...

其實你要點講先至明白
已經講咗你冇牙齒印咪去試下•••••••
唔得先至轉銀行 你唔試下去 又點知得唔得呢？

淨係去問冇用

9228

多謝師兄意見，我同大貓有牙齒印，痕生就沒牙齒印

Reborn818

9228 發表於 9-10-2025 23:35
多謝師兄意見，我同大貓有牙齒印，痕生就沒牙齒印

自己打去痕身問，佢哋一撳你ID根本已經知你乜嘢料，喺度問來問去冇人會答到你

Reborn818

痕生同大貓好多同學入學後，即使有牙齒印一樣開到戶口，但亦有即使冇牙齒印都開唔到，所以根本呢度都唔會有人確實答到開到。

Mavis608

首先你係Walk in入去開戶口定係上網預約咗？因為我三年前係網上預約咗去總行開戶，都OK冇問題。不過當時幫我負責嘅職員比較新，所以我都等咗一陣成功開戶，

9228

謝謝各位回覆，我只係想做定功課,我會問清楚，然後通知主任出信再開戶口，唔該晒大家。

TG@nohearthk

好幾個破友 都幾個月比大貓同痕身停左服務

大銀行唔想做我地生意的

kamkwunf2

我係華僑銀行開戶囗的

Reborn818

TG@nohearthk 發表於 10-10-2025 09:08
好幾個破友 都幾個月比大貓同痕身停左服務

大銀行唔想做我地生意的

大貓痕生對破產人事出入數好敏感的，所以如入學後用佢，除咗出糧，盡量避免其他出出入入數。

Csl248

我去恆X總行都係咁講等了2星期，之後去分行開到

WeChat

痕生俾大猫食左，咁痕生戶口仲要唔要做出糧

金龍華

WeChat 發表於 10-10-2025 16:42
痕生俾大猫食左，咁痕生戶口仲要唔要做出糧

應該到你解破，恆生都仲健在