開戶口出糧

Wkww1123

想問一問邊間易開戶口，同無最低結餘收費？唔該

Reborn818

如有破署或外判開戶信，一般都好易開，如公司無指定邊間，痕身同大貓我覺得方便，有提款卡又可以用e-banking

Wkww1123

兩間都應該開唔到，之前借二線太多出入數，被佢地cut acc

Reborn818

如唔介意無e-banking ，開中x好多分行直接唔使預約行入開。招商永x都好多同學仔用緊，但開户要上網預約

Ommggg

本身用緊痕生儲蓄出口出糧，但到時可以拎開戶信開番原本個帳戶嗎？

Reborn818

Ommggg 發表於 8-10-2025 23:32
本身用緊痕生儲蓄出口出糧，但到時可以拎開戶信開番原本個帳戶嗎？

如果你係普通儲蓄戶口，可以申請保留，但如果係綜合就無得保留，要等頒令後正式取消，然後叫破署或外判出信俾你重新再開。

迷途小子CKH

Ommggg 發表於 8-10-2025 23:32
本身用緊痕生儲蓄出口出糧，但到時可以拎開戶信開番原本個帳戶嗎？

又好似冇乜人提痕身
不過大貓純儲蓄都可以的話 痕身正常應該都可以
你要記住時間要快！
做定功課先等陣

9228

師兄說得有道理，一定要問清楚及做定功課，唔係就好似我開咗戶口又唔用得，現在又要重新處理個戶口

Helo8-9_25

師兄想問我上月尾問公司轉左恆生戶口（綜合 港幣蓄儲）出糧，仲處理緊可能下星期先出到糧。
但我21號出正令，係咪無得保留？之後先可以用開戶信 再開恆生戶口？要幾耐先開到。
本來開左渣打提款卡，但張卡好似得提款卡號，戶口又無顯示，要分開睇的…所以唸緊係咪等開恆生好d?

呢次玩大咗

Reborn818 發表於 8-10-2025 23:45
如果你係普通儲蓄戶口，可以申請保留，但如果係綜合就無得保留，要等頒令後正式取消，然後叫破署或外判出 ...

我個主任話你個恒生儲蓄戶口有e banking 就已經係綜合戶口，留唔返㗎啦
最後直接叫佢出信俾我去第二間開戶口算數

andyray28

Reborn818 發表於 8-10-2025 22:19
如唔介意無e-banking ，開中x好多分行直接唔使預約行入開。招商永x都好多同學仔用緊，但開户要上網預約 ...

同痕生有牙齒印，係咪預左大貓都開唔到？
我10月2號交哂文件去6C樓，15號先話可以宣誓，計番咪要12月中或月尾先有正令，真係喊左。

maggie_maggie

andyray28 發表於 13-10-2025 08:57
同痕生有牙齒印，係咪預左大貓都開唔到？
我10月2號交哂文件去6C樓，15號先話可以宣誓，計番咪要12月中或 ...

有開戶信就可以去大貓開戶,我打過去大貓破產部,佢話唔會因為欠債唔比破產人士開戶,只要文件齊就可以開戶

Reborn818

呢次玩大咗 發表於 13-10-2025 02:09
我個主任話你個恒生儲蓄戶口有e banking 就已經係綜合戶口，留唔返㗎啦
最後直接叫佢出信俾我去第二間開 ...

下、咩叫做有e banking 就係綜合？舉手後係痕生開既儲蓄戶口夠有e banking 。不過是但啦，佢口大我哋口細，如果之後保留唔到，雙方都煩。

Reborn818

andyray28 發表於 13-10-2025 08:57
同痕生有牙齒印，係咪預左大貓都開唔到？
我10月2號交哂文件去6C樓，15號先話可以宣誓，計番咪要12月中或 ...

正如樓上M師姐所講，你有牙齒印佢哋係一樣會開俾你，但基本上有一個問題，你有冇牙齒印佢哋都一定唔會開俾你，就係你曾經有出入數俾佢哋問過，甚至曾經因為太多出入數俾佢停用戶口。

Reborn818

andyray28 發表於 13-10-2025 08:57
同痕生有牙齒印，係咪預左大貓都開唔到？
我10月2號交哂文件去6C樓，15號先話可以宣誓，計番咪要12月中或 ...

其實如果自己搞唔經律師，破署宣誓後去高院存檔即日會知頒令日期，一般都係五到六個禮拜左右，你10月15號上律師樓宣誓，睇吓佢哋做嘢快定慢囉，如果佢三兩日後同你去高院存檔排期，甘12月頭就搞掂，如果佢手腳慢或者等齊case先一次過去做，就可能真係要12月中或者尾了。

andyray28

Reborn818 發表於 13-10-2025 10:03
其實如果自己搞唔經律師，破署宣誓後去高院存檔即日會知頒令日期，一般都係五到六個禮拜左右，你10月15號 ...

想問下師兄，當12月尾有正令，幾時會有開戶信，係咪要傾完生活費先會有開戶信，同埋成日聽到話債權人大會，係咪欠得多又或者續借還嘅期數先大機會要開，因為出糧日係28號，如果12月尾都無正令，到時候點生活

andyray28

搞之前問過6c樓，話宣誓後7個工作天後先有臨令，2個月後先有正令，要咁耐嘅咩。

Reborn818

andyray28 發表於 13-10-2025 10:25
搞之前問過6c樓，話宣誓後7個工作天後先有臨令，2個月後先有正令，要咁耐嘅咩。 ...

如果你自己喺破產處宣誓，轉頭行去高院存檔排期，即日有臨令同有頒令日。
即係簡單講句，如果你自己今日去搞，11月18或25號正常已經會上庭頒令了。
快慢睇吓佢哋律師樓點囉，你上去宣誓嗰日又唔知佢同你填好晒啲表格未，同埋人哋點會為你一份case專登走去高院做嘢，如果你去過高院底層你就會見到，律師樓都係等十幾份廿先一齊入。

Reborn818

andyray28 發表於 13-10-2025 10:22
想問下師兄，當12月尾有正令，幾時會有開戶信，係咪要傾完生活費先會有開戶信，同埋成日聽到話債權人大會 ...

你一正式頒令，就可以搵主任同你出開戶信，唔使等傾生活費。
你頒令前兩三個星期前，破處會有第一封信俾你，入邊會有埋開戶信申請表格，到時你填好，一頒令打俾主任同佢講話要開戶信，然後email俾佢。

andyray28

Reborn818 發表於 13-10-2025 10:42
你一正式頒令，就可以搵主任同你出開戶信，唔使等傾生活費。
你頒令前兩三個星期前，破處會有第一封信俾 ...

你嘅說法係咪自己遞交先係咁嘅流程，而我係經律師樓嘅，係咪呢啲信件都係寄去律師樓，等6c樓轉發我先會收到？
我依家臨令都未有，錢包已經炸緊電話。。