想求問破產問題人

Ihatemymum

本來因為屋企人爛賭又唔番工搵錢關係，細個已經開始睇住屋企人被上門追債，細個年代唔係恐嚇/講粗口/出手推人/寫大字都見過，每次都係隔離屋報警。

到我大左開始半工讀出黎做野幫補家計，到左18歲先知屋企人拿我資料去借錢，
屋企人否認但真心除左屋企仲有邊個會拿到我資料，打上去問都已經知答案。
就係呢刻開始我搵番啲正規少少公司清左佢啲電話數定唔知大耳窿。

之後我全職番工，學業被迫放棄，到左今時今日都還唔清筆數，8成時間都供齊款，
有2成時間唔係min pay就續借。我每月都被要求比家用，屋企人覺得我還錢同比家用係兩件事，
唔可以還錢當比左家用，比家用係我責任（屋企人生我都係靠政府養，到我大左r唔到政府就要我養佢地）
跟住比左家用，無錢又問我拿（賭輸錢），唔比又情緒勒索又家暴等。
（細個一賭輸錢心情唔好，飲醉酒就會搵我出氣，我是捱打長大。）
總知就用種種方式打壓我。
咁多年黎，我一直都為自己為屋企好努力，因為我唔想抵頭，我唔認輸，始終錯不在我。

我上年開始為左想快啲完左筆數，一日打兩份工，早間番倉全職再直落夜間兼職餐廳，
一日只瞓4-5小時，一星期番6-7日，但呢幾個月因為被失業，一直都未搵到工（有番兼職維持生計先）
每月報收入比財務打電話傾積務重組都被拒絕。

真心，本來我個人無借錢需要，如果係我個人原因借左，還錢都還得甘心。
但我要放棄我自己人生幫屋企人還錢都算，家下屈到個人有抑鬱症，
有社交焦慮症，仲自S過，個次屋企人仲要講左一句「S唔去就出院番工啦」
搞到我想同屋企人斷絕關係。

當初借左屋企人話會一齊番工一齊努力還錢，叫我幫下手又係我面扮可憐之類，
到出左手幫又態度轉變，唔係打就鬧，只係被屋企人當作搵錢工具，我仲要唔識發脾氣，一句都無同屋企人嘈，下下都衰心軟。


相反，我仲要比好多鼓勵說話正能量屋企人，但屋企人每次答應後，
跟住會做樣扮搵工，之後就次次搵藉口唔番工或博炒。
屋企人對我除左講錢就無其他。筆數叫屋企人負責番，
屋企人就話「借錢個到申請人係寫你名，點解要我幫手還」黎反駁我。
我家下無還幾個月有收數公司上門，我屋企人反而叫我唔好搞到屋企。
但又唔諗下佢細到大點樣搞到我。

我想申請破產，但申請破產費用都無，可以點做？
一個月得個幾千只夠生活開支。
我上次聽到收數哥哥話再唔還錢就申請我破產。
咁係會點？想知被申請破產程序同費用。
如果真係破產，4年後解破被追數洗唔洗還錢？

失控的人

樓主真係慘，有D咁嘅屋企人，一早斷咗佢啦⋯⋯就算你破咗產，如果唔搬走你班屋企都一樣系吸乾你，有能力租個湯房住開先，咁追數都唔關事，再慢慢找正職之後再搞破產重新來過

失控的人

申請破產自已搞1萬蚊左右，如果律法搞15000左右正常，過2萬厄人，破左產4年後所有數一筆勾銷，不過有野做可能會每月上繳一定數，點都好過你債冚債

Reborn818

認同失控師兄，想自救第一步，就係離開你個爛賭老母，唔同佢斷聯，根本你破產都係無用。
其實你而家總債務大嘅幾多？係咪除咗破產，無其他選擇？因為始終太後生，除非你覺得自己係完全冇向上流嘅機會，如果唔係絕對唔係一個好選擇。
如果債務簡單，其實無需要搵律師，可以自己填表自己搞，費用90xx。
收數嗰個話會申請你破產，基本上如果你冇任何資產，一般金融機構都冇你咁得閒，明知你都冇錢還，佢點會咁白痴，連破產費用都蝕埋俾你。
其實你呢個情況應該搵社福機構求助，打去明愛向晴牽（聯絡方法自己上網搵），嗰度有社工同義務律師會解答你嘅疑問，睇下如果你真係無辦法只能破產，睇吓佢哋個基金有冇可能幫你申請到。

Ihatemymum

Reborn818 發表於 6-10-2025 11:42
認同失控師兄，想自救第一步，就係離開你個爛賭老母，唔同佢斷聯，根本你破產都係無用。
其實你而家總債務 ...

知道，唔該????????