5月上完庭，終於約傾生活費，有冇師兄/師姐一樣係電話傾？

kk1015 · 发表于 25-9-2025 11:06:45

無債權人大會，無信約傾生活費。突然收到破產曙約電話傾生活費，有冇師兄/師姐一樣？會係外判定破產主任跟？

2025決心破產 · 发表于 25-9-2025 11:36:14

我反而想請教下, 我準備頒令收到信知道外判左，未知邊間，但一般都聽講外判係起碼半年先傾生活費，咁頒令到傾生活費前，果一段既收入係點計？？？？係咪等之後傾生活費後會收返你架？？？我因為屋企問題，申破呢段時間岩岩辭左職失業，到頒令後大約兩個月後會搵返工。我有門路請我月入到時會3,4萬up, 但問題係我可能有成半年或更長時間連生活費批幾多上繳幾多都未知，如果知道生活費可能得萬幾2萬，我又寧願搵份輕鬆d收入岩岩好就算。想請教下師兄，係未傾生活費果段時間，d收入係點計架？係咪傾完後會食返哂你

Reborn818 · 发表于 25-9-2025 12:02:15

如無開債權人大會，咁正常已經係破產署主任跟，如果你基本生活開支同收入好簡單係，有機會喺電話度傾，傾完一般佢會寄俾你confirm 無問題，然後叫你簽返跟住寄返俾佢哋就OK。

Reborn818 · 发表于 25-9-2025 12:05:07

2025決心破產發表於 25-9-2025 11:36
我反而想請教下, 我準備頒令收到信知道外判左，未知邊間，但一般都聽講外判係起碼半年先傾生活費，咁頒令到 ...

如果你頒令前已有信通知你外判左，果類係直接外判，一般你頒令後一個星期左右，就會知道外判咗俾邊間，你打電話約佢哋交26頁時基本上已經開始傾生活費。
其他同學仔所講嘅要等成半年，係因為佢哋要等使唔使開債權人大會，完全唔為你呢個情況

2025決心破產 · 发表于 25-9-2025 12:54:03

多謝R嘅解答得好清楚信入面係講委託左2個人跟我case 話頒令當日或翌日會出第2封信通知我聯絡方法咁應該係解直接外判啦對嗎？

Reborn818 · 发表于 25-9-2025 12:56:50

2025決心破產發表於 25-9-2025 12:54
多謝R嘅解答得好清楚信入面係講委託左2個人跟我case 話頒令當日或翌日會出第2封信通知我聯絡方法咁應該係 ...

係呀，所以你會好快傾生活費，但如果你而家失業，佢哋可能是但批一個生活費俾你，到你有工作時再傾

2025決心破產 · 发表于 25-9-2025 13:03:19

明白但其實個概念好似有d奇怪咁假設我而家收入$0 我有小朋友同年老父母我當佢是但批$15000俾我咁計，咁當我2個月後，當我收入$35000先，咁其實佢又會唔會調返高少少生活費呢？但其實我開支又無大變。。有d咩理由可以令佢幫我調整呢係呢點困惑中

2025決心破產 · 发表于 25-9-2025 13:05:26

雖然而家有點早但我係度諗緊點樣部署點好。。

Reborn818 · 发表于 25-9-2025 13:06:38

2025決心破產發表於 25-9-2025 13:03
明白但其實個概念好似有d奇怪咁假設我而家收入$0 我有小朋友同年老父母我當佢是但批$15000俾我咁計，咁 ...

如果你要返工，要搭車要出去食飯，甚至買衫見人等等雜費，同埋你有收入即使係錢上繳俾佢地，所以一般情況下佢哋會鬆手啲

2025決心破產 · 发表于 25-9-2025 13:56:07

另外想問多一樣野想問下到時封信提到既聯絡資料交26頁係咪又唔等同於到時邊間跟你架？因為爬文好似見到咗既情況

Reborn818 · 发表于 25-9-2025 15:40:16

2025決心破產發表於 25-9-2025 13:56
另外想問多一樣野想問下到時封信提到既聯絡資料交26頁係咪又唔等同於到時邊間跟你架？因為爬文好似見到 ...

你既情況一般之後四年都係跟個個受託人。
如第一封信已經寫明，頒令後去搵邊個交26頁，個個就只係代收文件。

kk1015 · 发表于 25-9-2025 16:00:24

Reborn818 發表於 25-9-2025 12:02
如無開債權人大會，咁正常已經係破產署主任跟，如果你基本生活開支同收入好簡單係，有機會喺電話度傾，傾完 ...

謝謝，我情況不是太複雜，甘似破產曙主任跟了。

		自动登录	找回密码
密码			註冊