舉手前問題

Qzmp123

而家走緊 1 2線數 想問下而家入紙 係咪都要預返一個月時間頒臨令 定一個月就已經有？
因為而家都已經有人拍門 頒左臨令後 除左比返no. 一線之外 二線個d 係應該比返二線定收數公司？
爬左文 知道 有d 二線都有機會繼續搞 但我想知臨令又好正令又好 係應該比二線定收數？我知破處
好似會通知債權人，但都想通知佢地我已舉手

另外有層樓 斷供左一個月，層樓係我一個名 但按揭個到係我+1個擔保人 除咗收樓之外，擔保人應該唔會影響到？
會唔會 有可能唔收樓 由擔保人再加名去供？

生活費問題，破左之後 同返屋企人住 又唔洗租 水電煤又唔洗我供 定可以照寫 少少落去？
除左日常飲食+交通費+供養長者(知道有兄弟姊妹會再除） 仲可以寫d咩？

工作問題，諗住考個的士牌既話 應該破前定破後考 定其實冇咩關係？係咪要問返的士行會唔會幫我報稅？

因為仲等緊月尾出糧先有錢破 所以仲未入紙

請指教，謝謝????????????????

timmoz

臨令之後一個月左右正式令，臨令前要宣誓對資料，律師樓可能要多兩星期。臨令正式俾一二線同收數，俾多好過俾少。睇情況準備升級搞事，一日唔見還錢，就搞你屋企搞公司，務求你家破人亡攬炒。唔好等破處，律師樓就代通知，收數就自己通知。自己搞既話，全部自己通知。二線你有邊間先？有d正氣就得個煩字，堅黑既你就睇路，唔係善男信女班友，如果你條數唔大應該都唔會點理。層樓你名就要充公變賣填債，準備訓街，佢會即刻call loan叫擔保人還哂，因為你還唔到佢要上身，所以佢都好大機會破產，擔保有法律責任，銀行搞硬佢。無得加名去供，佢都唔係業主，無得保留唔賣樓。仲可以寫雜費，例如你去叫雞寫1000蚊，當然唔好寫到咁啦，金額2000左右，合理就得。其他交費有單拎單，收據做證明係你俾，有可能計人頭。你幾時考的士唔理你，正常唔可以自己出錢。跟車隊一定報你老闆的，有底薪，自僱就自己租，理論上都報稅，雖則好多唔報，黎緊電子收費無報稅班友就大鑊，搞硬佢地。好心俾左按金搵人搞住先啦...到時宣誓就俾尾數。頒完正令仲有命就係到報告一下。